အမုန်းရာဇ၀တ်မှုကို သီးသန့်တိုင်ကြားနိုင်မည့် ဖုန်းလိုင်းတစ်ခု အိန္ဒိယတွင် မိတ်ဆက်

ဇူလိုင် ၁၆၊ ၂၀၁၉
M-Media

-အမုန်းအခြေပြု ရာဇ၀တ်မှုတွေ ကြုံလာရရင် အလွယ်တကူ တိုင်ကြားတင်ပြ အကူအညီတောင်းခံနိုင်မယ့် ဖုန်းလိုင်းတစ်ခုကို အိန္ဒိယက တက်ကြွလှုပ်ရှားသူတွေနဲ့ ပညာရှင်တွေက ဒီကနေ့မှာ မိတ်ဆက်လိုက်ပါတယ်။

ဗဟိုအစိုးရနဲ့ ပြည်နယ်အစိုးရတွေက အမုန်းရာဇ၀တ်မှုတွေကို တားဆီးဖို့ ပျက်ကွက်တဲ့အတွက် ဒီလို ဆောင်ရွက်ရတာ ဖြစ်တယ်လို့ အိန္ဒိယ အမုန်းတရား ဆန့်ကျင်ရေးအဖွဲ့ United Against Hate (UAH) က ပြောကြားခဲ့ပါတယ်။

“နိုင်ငံအတွင်းမှာ လူအုပ်ကြီးက တိုက်ခိုက်တာတွေ၊ အမုန်းရာဇ၀တ်မှုတွေ မြင့်တက်လာတာကြောင့် ငွေမကုန်တဲ့ ဖုန်းလိုင်း ၁၈၀၀-၃၁၃၃-၆၀၀၀၀ ကို ဖန်တီးပေးရတာ ဖြစ်ပါတယ်။ တိုက်ခိုက်မှု ခံစားရသူတွေကို ကူညီပေးသွားမှာဖြစ်သလို၊ တရားရုံးတွေမှာ တရားမျှတမှု ရရှိဖို့ကိုလည်း ကျွန်တော်တို့က ဆောင်ရွက်ပေးသွားမှာပါ” လို့ တက်ကြွလှုပ်ရှားသူ နဒင်း ခန်းက နယူးဒေးလီမှာလုပ်တဲ့ မိတ်ဆက်အခမ်းအနားမှာ ပြောကြားခဲ့ပါတယ်။

အဲဒီဖုန်းလိုင်းကို ၂၄ နာရီပတ်လုံး ခေါ်ဆိုနိုင်မှာ ဖြစ်ပါတယ်။

ဖုန်းလိုင်း မိတ်ဆက်ပွဲအခမ်းအနားကို တက်ရောက်လာတဲ့ ဥပဒေပညာရှင်တွေ၊ အကူအညီပေးရေးအဖွဲ့က ကိုယ်စားလှယ်တွေ၊ ပရော်ဖက်ဆာတွေ၊ ဂျာနယ်လစ်တွေ၊ ဘာသာရေးခေါင်းဆောင်တွေက နိုင်ငံအတွင်းမှာ ဒီလိုဖုန်းလိုင်းမျိုး လိုအပ်နေတယ်လို့ ပြောကြားခဲ့ပါတယ်။

ဝန်ကြီးချုပ်မိုဒီ ဦးဆောင်တဲ့ ဟိန္ဒူအမျိုးသားရေးပါတီ BJP အာဏာရခဲ့တဲ့ ၂၀၁၄ ခုနှစ်နောက်ပိုင်း အိန္ဒိယမှာ လူနည်းစု ခရစ်ယာန်၊ မွတ်စလင်နဲ့ ဟိန္ဒူဇာတ်နိမ့် ဒါလစ်တွေဟာ ဟိန္ဒူအစွန်းရောက်အုပ်စုတွေရဲ့ တိုက်ခိုက်သတ်ဖြတ်မှုကို ပိုမို ခံစားလာရပါတယ်။

လူအုပ်စုလိုက် နေ့ခင်းကြောင်တောင် ရိုက်သတ်တာတွေအပြင်၊ မသတ်ခင် ဟိန္ဒူဘုရားစာ ရွတ်ဆိုခိုင်းတာတွေလို ဘာသာရေးအကြမ်းဖက်မှုတွေလည်း ဖြစ်လာပါတယ်။

နဒင်းခန်းကတော့ အစိုးရဟာ ကြေငြာချက်ထုတ်ပြန်တာကလွဲလို့ ထိရောက်တဲ့ ဘယ်လို အရေးယူ ဆောင်ရွက်မှုမျိုးမှ မလုပ်ဘူးလို့ ပြောကြားခဲ့ပါတယ်။

လတ်တလော အုပ်စုဖွဲ့ ရိုက်နှက်သတ်ဖြတ်မှုဟာ ပြီးခဲ့တဲ့လအတွင်းက ဂျာ့ခ်ဟန်းပြည်နယ် ခါဆာဝမ်ခရိုင်မှာ ဖြစ်ပွားခဲ့ပါတယ်။ အသက် ၂၄ နှစ်အရွယ် မွတ်စလင်လူငယ် တဘ်ရက်ဇ် အန်ဆာရီကို သူခိုးလို့စွပ်စွဲကာ ဟိန္ဒူလူအုပ်က ၁၂ နာရီလောက် နှိပ်စက်ညှင်းပမ်းခဲ့ပြီး ဟိန္ဒူဘုရားစာလည်း အဓမ္မ ရွတ်ဆိုခိုင်းခဲ့ပါတယ်။

နောက်ပိုင်းမှာ အန်ဆာရီကို ရဲက လာခေါ်သွားခဲ့ပေမယ့် ဆေးရုံကို အချိန်မီပို့ဆောင်ပေးခြင်းမရှိမှု၊ ရိုက်နှက်သူတွေကို မဖမ်းဆီးဘဲ အန်ဆာရီကိုသာ အမှုဖွင့်ခဲ့မှုတွေကြောင့် ရဲတပ်ဖွဲ့ဟာ ဝေဖန်ခံခဲ့ရပါတယ်။ အန်ဆာရီကတော့ နှိပ်စက်မှုမှာ ရရှိခဲ့တဲ့ ဒဏ်ရာကြောင့် ဆေးရုံမှာ သေဆုံးသွားခဲ့ပါတယ်။

အန်ဆာရီကို ညှင်းဆဲတဲ့ဗီဒီယို အွန်လိုင်းစာမျက်နှာမှာ ပြန့်နှံ့ပြီးတဲ့နောက်ပိုင်း နိုင်ငံတစ်ဝှမ်းက အိန္ဒိယပြည်သူတွေဟာ ကျူးလွန်သူတွေကို ထိထိရောက်ရောက်အပြစ်ပေးရေး အစိုးရကို ဆန္ဒပြ တောင်းဆိုခဲ့ပါတယ်။

အန်ဆာရီသေဆုံးပြီး ရက်အနည်းငယ်အကြာမှာလည်း ကိုလ်ကတားမြို့က ရထားတစ်ခုပေါ်မှာ ဗလီဆရာတစ်ဦးကို ဟိန္ဒူလူအုပ်က ရထားပေါ်ကနေ တွန်းချမှု ဖြစ်ခဲ့ပါတယ်။ ဟိန္ဒူဘုရားစာ ရွတ်ဆိုခိုင်းတာကို မရွတ်ဆိုတဲ့အတွက် အခုလို တွန်းချခံရတာလို့ အဲဒီ ဗလီဆရာက ပြောကြားခဲ့ပါတယ်။

ပြီးခဲ့တဲ့လနှောင်းပိုင်းနဲ့ အခုအစောပိုင်းတွေမှာ ဟိန္ဒူအစွန်းရောက်တွေက မွတ်စလင်တစ်ချို့ကို ဝိုင်းဝန်းထိုးကြိတ်ပြီး ဘုရားစာဆိုခိုင်းတဲ့ အဖြစ်အပျက်တွေလည်း အိန္ဒိယနိုင်ငံက တစ်ချို့ဒေသတွေမှာ ဖြစ်ပွားခဲ့ပါတယ်။

Ref: Aljazeera