အီဘိုလာ စိုးရိမ်မှုကြောင့် ကွန်ဂိုမှ ဟဂ်ျခရီးသွားများကို ဆော်ဒီပိတ်ပင်

ဇူလိုင် ၂၇၊ ၂၀၁၉
M-Media

-လာမယ့်လမှာ စတင်မယ့် ဟဂ်ျဘုရားဖူးကာလမှာ အီဘိုလာရောဂါ ကူးစက်ဖြစ်ပွားမှာကို
စိုးရိမ်တဲ့အတွက် ကွန်ဂိုနိုင်ငံက ဟဂ်ျဘုရားဖူးလာရောက်မှုကို ဆော်ဒီက ပိတ်ပင်လိုက်ပါတယ်။

ကွန်ဂိုနိုင်ငံ အရှေ့မြောက်ပိုင်းက ပြည်နယ်နှစ်ခုမှာ ကမ္ဘ္ဘာ့ကျန်းမာရေးအဖွဲ့ WHO က အီဘိုလာ အရေးပေါ်အခြေအနေ ကြေငြာပြီးတဲ့နောက်ပိုင်း ဆော်ဒီက ဒီလို ထုတ်ပြန်လိုက်တာ ဖြစ်ပါတယ်။

“ကွန်ဂိုနိုင်ငံကလာတဲ့သူတွေအပေါ် ဆိုက်ရောက်ဗီဇာ ထုတ်ပေးတာကို ရပ်ဆိုင်းလိုက်ပါပြီ။
ဘုရားဖူးခရီးသည်တွေ ဘေးကင်းစေဖို့အတွက် ဒီလို ဆောင်ရွက်ရတာ ဖြစ်ပါတယ်” လို့ ဆော်ဒီ နိုင်ငံခြားရေးဝန်ကြီးဌာနရဲ့ ဗုဒ္ဓဟူးနေ့ ထုတ်ပြန်ချက်မှာ ဖော်ပြထားပါတယ်။

ဒီလို ပိတ်ပင်လိုက်တာကြောင့် လူ ဘယ်လောက်များများ ထိခိုက်မယ်ဆိုတာ မသိရပါဘူး။

ကွန်ဂိုနိုင်ငံမှာ အစ္စလာမ်ဝင်ဟာ နိုင်ငံလူဦးရေရဲ့ ၃ ရာခိုင်နှုန်းသာ ရှိပါတယ်။ ဆော်ဒီကို ဟဂ်ျဘုရားဖူးလာရောက်ကြတဲ့ ကမ္ဘ္ဘာတစ်ဝှမ်းက အစ္စလာမ်ဘာသာဝင်တွေဟာ နှစ်စဉ် ၂ သန်းလောက် ရှိနေပြီး အဲဒီအထဲက ၁၀ ရာခိုင်နှုန်းလောက်က အာဖရိကရဲ့ ဆဟာရဒေသ နိုင်ငံတွေက ဖြစ်ပါတယ်။

ကွန်ဂိုမြောက်ပိုင်းမှာ အရေးပေါ်အခြေအနေ ကြေငြာထားပေမယ့် တစ်ခြားနိုင်ငံတွေအနေနဲ့
အစိုးရိမ်လွန်ပြီး နယ်စပ်တွေ မပိတ်ကြဖို့လည်း WHO ကို တိုက်တွန်းထားပါတယ်။

သြဂုတ်လက တစ်ကျော့ပြန်ဖြစ်ပွားခဲ့တဲ့ အီဘိုလာရောဂါကြောင့် ကွန်ဂိုနိုင်ငံမှာ လူ ၁၇၀၀ ကျော် သေဆုံးခဲ့ပြီး ဒါဟာ ကူးစက်ခံရသူ အရေအတွက်ရဲ့ ၃ ပုံ ၂ ပုံကျော် ဖြစ်ပါတယ်။ ဒါဟာ ကွန်ဂိုနိုင်ငံရဲ့ ဒုတိယမြောက် အဆိုးဝါးဆုံး အီဘိုလာ ပြန့်နှံ့မှုလည်း ဖြစ်ပါတယ်။

Ref: Aljazeera