ခွေးရူးရောဂါတိုက်ဖျက်ရေး အစိုးရကို WHO ကူညီနေ

သြဂုတ် ၂၊ ၂၀၁၉
M-Media

-အခုနှစ်အတွင်း မြန်မာနိုင်ငံရဲ့ ကျန်းမာရေးနဲ့ အားကစားဝန်ကြီးဌာနကို ခွေးရူးပျံရောဂါ ကာကွယ်ဆေး ၁၄၀၀၀ ပေးအပ်ခဲ့တယ်လို့ ကမ္ဘ္ဘာ့ကျန်းမာရေးအဖွဲ့ WHO က ပြောကြားလိုက်ပါတယ်။

ခွေးရူးရောဂါ ကာကွယ်ရေးနဲ့ ကုသရေးအတွက် ကျန်းမာရေးဝန်ကြီးဌာနဟာ ရန်ကုန်ဆေးရုံကြီး၊ မြောက်ဥက္ကလာပ ဆေးရုံ၊ အင်းစိန်ဆေးရုံနဲ့ သင်္ကန်းကျွန်း စံပြဆေးရုံတို့မှာ ၂၄ နာရီ ကုသရေးစင်တာတွေကို ဖွင့်လှစ်ပြီး ခွေးကိုက်ခံရသူတွေကို ကုသပေးနေပါတယ်။

ကာကွယ်ဆေးကတော့ WHO က သတ်မှတ်ထားတဲ့အတိုင်း ၀.၁ မီလီလီတာထိုးဆေးကို တစ်လအတွင်း ၃ ကြိမ် ထိုးသွင်းပေးနေတာ ဖြစ်ပါတယ်။

WHO ရဲ့ မြန်မာနိုင်ငံဆိုင်ရာ ကိုယ်စားလှယ် စတီဖင်ပေါလ်ဂျော့စ်က ခွေးရူးရောဂါဟာ ပြည်သူလူထု ကျန်းမာရေးမှာ အဓိကကျတဲ့ ရောဂါတစ်ခုဖြစ်ပြီး မိမိတို့အနေနဲ့ ဒီကိစ္စမှာ မြန်မာနိုင်ငံကို ဆက်လက် ပံ့ပိုးကူညီပေးသွားမယ်လို့ ပြောကြားခဲ့ပါတယ်။

“ခွေးကိုက်တာကို တတ်နိုင်သလောက် တားဆီးဖို့ အရမ်း အရေးကြီးပါတယ်။ ဒါမှ ခွေးရူးရောဂါကို တားဆီးနိုင်မှာပါ။ ခွေးရူးရောဂါကို ကိုင်တွယ်ဖြေရှင်းရာမှာ ခွေးတွေကို ကာကွယ်ဆေးထိုးပေးထားတာက အရမ်းထိရောက်တဲ့ နည်းလမ်းတစ်ခုပါ။ ဒါပေမယ့် ခွေးကိုက်တာတွေ ဆက်ဖြစ်နေတော့ လူတွေကို ကာကွယ်ဆေး လုံလုံလောက်လောက် ထိုးပေးဖို့လည်း အရေးကြီးပါတယ်”

ခွေးရူးရောဂါအကြောင်းနဲ့ ဖြစ်ပွားလာရင် ဘယ်လို ကိုင်တွယ်ဆောင်ရွက်ရမလဲ ဆိုတာတွေနဲ့ပတ်သက်ပြီး ၀န်ကြီးဌာနက ဆောင်ရွက်နေတဲ့ ပြည်သူလူထု အသိပညာပေးလုပ်ငန်းမှာလည်း WHO က ကူညီထောက်ပံ့ပေးနေပါတယ်။

ကျန်းမာရေးနဲ့ အားကစားဝန်ကြီး ဦးမြင့်ထွေးက မြန်မာနိုင်ငံမှာ ခွေးကိုက်ခံရမှု မြင့်တက်လာပြီး၊ ခွေးရူးရောဂါ ဖြစ်ပွားနေတဲ့ နိုင်ငံပေါင်း ၁၅၀ ကျော်မှာ မြန်မာနိုင်ငံက ရောဂါဖြစ်ပွားမှုနှုန်း အမြင်ဆုံးမှာ ပါဝင်နေကြောင်း ပြောကြားခဲ့ပါတယ်။

“ခွေးကိုက်တဲ့အရေအတွက်ဟာ တစ်ဖြည်းဖြည်း မြင့်တက်လာပါတယ်။ ခွေးကိုက်တာနည်းသွားရင် ခွေးရူးရောဂါ ကာကွယ်ဆေးအတွက် သုံးစွဲမှုလည်း လျော့သွားမှာပါ။ ၂၀၁၆ ခုနှစ်ကနေ ၂၀၁၈ ခုနှစ်အတွင်း ခွေးရူးရောဂါ ကာကွယ်ဆေးနဲ့ ဆက်စပ်ဆေးဝါးတွေဝယ်ဖို့ ငွေကျပ် ၁၃.၇ ဘီလီယံ သုံးစွဲခဲ့ရပါတယ်”

မြန်မာနိုင်ငံမှာ အိမ်မွေးခွေးနဲ့ လမ်းဘေးခွေး စုစုပေါင်း ၆ သန်းလောက်ရှိမယ်လို့ ကျွမ်းကျင်သူတွေက ခန့်မှန်းထားပြီး လူ ၁၀ ယောက်ကို ခွေးတစ်ကောင်နှုန်းဖြစ်ပါတယ်။ ခွေးကောင်ရေကို ထိန်းချုပ်ဖို့ လိုအပ်တယ်လို့လည်း ပညာရှင်တွေက ထောက်ပြ ပြောဆိုထားပါတယ်။

၂၀၁၇ ခုနှစ်အတွင်း မြန်မာနိုင်ငံတစ်ဝှမ်း ဆေးရုံးတွေမှာ ခွေးကိုက်လူနာပေါင်း ၁၈၀၀၀၀ လောက် လာရောက်ကုသခဲ့ကြပြီး ၂၀၁၈ ခုနှစ်မှာတော့ ပိုမိုမြင့်က်ကာ ၁၉၂၀၀၀ အထိ ဖြစ်လာပါတယ်။ အခုနှစ် ပထမ ၆ လအတွင်းမှာတော့ ခွေးကိုက်ခံရတဲ့ လူနာပေါင်း ၆ သောင်းလောက် ရှိခဲ့ပါတယ်။

ခွေးရူးရောဂါကြောင့် သေဆုံးသူကတော့ ၂၀၁၁ ခုနှစ်မှာ ၂၄၅ ဦး ရှိရာကနေ၊ ၂၀၁၈ ခုနှစ်မှာ ၇၁ ဦးအထိ ကျဆင်းသွားပါတယ်။ အခုနှစ်မှာတော့ သေဆုံးသူ ၄၀ ခန့်သာ ရှိပါတယ်။

Ref: mmtimes

(Myanmar Times အင်္ဂလိပ်ပိုင်းတွင် ဖော်ပြသည့် သတင်းကို ကောက်နှုတ် ဘာသာပြန်ဆိုပါသည်)