အထင်အမြင်မှားမှုကို တိုက်ဖျက်ရန် သီရိလင်္ကာတွင် ဘာသာပေါင်းစုံချစ်ကျည်ရေးညီလာခံ ကျင်းပ

သြဂုတ် ၄၊ ၂၀၁၉
M-Media

-ကမ္ဘ္ဘာ့မွတ်စလင်လိဂ် MWL ဦးဆောင်တဲ့ ဘာသာပေါင်းစုံ ချစ်ကျည်ရေး အစည်းအဝေးတစ်ခုကို သီရိလင်္ကာနိုင်ငံ မြို့တော် ကိုလံဘိုမှာ မနေ့က ကျင်းပခဲ့ပြီး သီရိလင်္ကာသမ္မတ မိုင်သရီပါလာ ဆရီဆီနာ တက်ရောက်ခဲ့ပါတယ်။

အဲဒီ ဘာသာပေါင်းစုံချစ်ကျည်ရေး အစည်းအဝေးမှာ ခရစ်ယာန်၊ ဂျူး၊ ဗုဒ္ဓဘာသာသာ၊ ဟိန္ဒူနဲ့ အစ္စလာမ်ဘာသာတွေက ဘာသာရေးခေါင်းဆောင်တွေ၊ နိုင်ငံရေးသမားတွေ၊ တတ်သိပညာရှင်တွေ၊ မီဒီယာသမားတွေ စုစုပေါင်း ၂၀၀၀ ကျော်လောက် တက်ရောက်ခဲ့ကြပါတယ်။

ဧပြီလက ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုမှာ ဖြစ်ပွားခဲ့တဲ့ အသေခံ ဗုံးခွဲတိုက်ခိုက်မှုမှာ ထိခိုက်ခံစားရတဲ့သူတွေ၊ သူတို့ရဲ့ မိသားစုတွေအတွက် MWL က အမေရိကန်ဒေါ်လာ ၅ သန်း ထောက်ပံ့ပေးအပ်မှုကို ကျေးဇူးတင်တယ်လို့ သမ္မတ ဆရီဆီနာက သူ့ရဲ့ အဖွင့်မိန့်ခွန်းမှာ ပြောကြားခဲ့ပါတယ်။

“ဒီ ထိပ်သီးအစည်းအဝေးက ငြိမ်းချမ်းရေး၊ သဟဇာတဖြစ်မှုနဲ့ အတူယှဉ်တွဲ နေထိုင်မှု သတင်းစကားကို ပြန့်နှံ့စေလိမ့်မယ်လို့ ကျွန်တော် ယုံကြည်ပါတယ်။ MWL ရဲ့ အထွေထွေအတွင်းရေးမှူး သီရိလင်္ကာကို လာရောက်ကာ ဘာသာတရားတွေအကြား ငြိမ်းချမ်းရေးမြှင့်တင်ပေးတဲ့အပေါ် ကျေးဇူးတင် ဂုဏ်ယူကြောင်း ပြောကြားလိုပါတယ်”

MWL ရဲ့ အထွေထွေ အတွင်းရေးမှူး ဒေါက်တာ မိုဟာမက် ဘင် အဘ်ဒူလ် ကရင် အလ် အီဆာက ဒီလို ဘာသာပေါင်းစုံ ညီညွတ်ရေး ဆွေးနွေးပွဲတွေဟာ ဘာသာတရားတွေက မေတ္တာ၊ ငြိမ်းချမ်းရေးနဲ့ သဟဇာတဖြစ်မှုတွေကိုသာ တိုက်တွန်းအားပေးတယ်ဆိုတာ ဘာသာဝင်တွေရဲ့ စိတ်နှလုံးသားထဲမှာ ကိန်းဝပ်လာအောင် ထပ်လောင်း အသိပေးတာ ဖြစ်တယ်လို့ ပြောကြားခဲ့ပါတယ်။

“ဘာသာတရားတွေဟာ ဘယ်တုန်းကမှ လူသားထုအတွက် ခြိမ်းခြောက်မှုတစ်ခု မဟုတ်ခဲ့ပါဘူး။ ဒီလို မှားယွင်းတဲ့ ပြောကြားချက်တွေကို တိုက်ဖျက်ရမှာက ကျွန်တော်တို့လို့ ခေါင်းဆောင်တွေ၊ ရှေ့ဆောင်ရှေ့ရွက်ပြုသူတွေ၊ ဘာသာရေးခေါင်းဆောင်တွေရဲ့ တာဝန်ပဲဖြစ်ပါတယ်”

ဘာသာပေါင်းစုံညီညွတ်ရေး ဆွေးနွေးပွဲဟာ လက်ရှိဖြစ်နေတဲ့ အခြေအနေတွေကို ဆန်းစစ်အဖြေရှာရေး၊ အကြမ်းဖက်အင်အားစုကို တိုက်ဖျက်ရေး၊ အကြောင်းအချက်တွေကို ပွင့်လင်းမြင်သာမှုရှိရှိ ဖော်ထုတ်ရေးတို့အတွက် ဖြစ်တယ်လို့လည်း အီဆာက ထည့်သွင်းပြောဆိုခဲ့ပါတယ်။

Ref: Arab News