ပြည်တွင်းဖြစ် အဆင့်မြင့် ဒုံးခွင်းစနစ်တစ်ခုကို အီရန်က မကြာမီ ထုတ်ပြမည်

သြဂုတ် ၉၊ ၂၀၁၉
M-Media

-အဆင့်မြင့် ဒုံးခွင်းစနစ်တစ်ခု အပါအ၀င် ပြည်တွင်းဖြစ် စစ်လက်နက်ပစ္စည်းတွေကို သြဂုတ်လ ၂၂ ရက်နေ့မှာ ကျရောက်မယ့် ‘ကာကွယ်ရေး ထုတ်ကုန်များနေ့’ မှာ ထုတ်ပြသွားမယ်လို့ အီရန် ကာကွယ်ရေးဝန်ကြီး ဗိုလ်မှူးချုပ် အမီရ် ဟာတာမီက ပြောကြားလိုက်ပါတယ်။

စစ်လက်နက်ပစ္စည်း ပြပွဲအခမ်းအနားကို နိုင်ငံအလယ်ပိုင်း အစ္စဖာဟန်မြို့မှာ ပြုလုပ်မှာဖြစ်ပြီး
ပြည်တွင်းဖြစ် Bavar-373 ဒုံးခွင်းစနစ်၊ သံချက်ကာယာဉ်တွေနဲ့ အခြားစစ်လက်နက်ပစ္စည်းတွေလည်း ပါဝင်မှာဖြစ်ပါတယ်။

ဟာတာမီက ဒီစစ်လက်နက်ပစ္စည်းတွေဟာ တိုင်းပြည်ရဲ့ ကာကွယ်ရေးစွမ်းရည်ကို တိုးတက်ကောင်းမွန်စေလိမ့်မယ်လို့ ပြောကြားခဲ့ပါတယ်။

Bavar-373 ဒုံးခွင်းစနစ်ဟာ အလွယ်တကူ ရွှေ့ပြောင်းနိုင်တဲ့ မြေပြင်က ဝေဟင်ပစ် တာဝေး ဒုံးခွင်းစနစ် ဖြစ်ပြီး ရုရှားရဲ့ S-300 ဒုံးခွင်းကို ယှဉ်ပြိုင်နိုင်စွမ်းရှိတယ်လို့ ဆိုပါတယ်။ ဒုံးကျည်မျိုးစုံလည်း သယ်ဆောင်ပစ်ခတ်နိုင်ပါတယ်။

အီရန်ဟာ ၂၀၁၃ ခုနှစ်မှာ Talash၊ ၂၀၁၆ ခုနှစ်မှာ ပထမမျိုးဆက် Bavar-373 စတဲ့ တာဝေးပစ် ဒုံးခွင်းစနစ်တွေကို ထုတ်ပြခဲ့ပြီး ၂ ခုစလုံးဟာ ပြည်တွင်းဖြစ်တွေ ဖြစ်ပါတယ်။

စမတ်ဗုံးသစ်

အီရန်ဟာ သြဂုတ်လ ၅ ရက်နေ့မှာလည်း Yasin၊ Balaban နဲ့ Ghaem လို့ အမည်ရတဲ့ ပြည်တွင်းဖြစ် စမတ်ဗုံးတွေကို ထုတ်ဖော်ပြသခဲ့ပါတယ်။

Balaban ဟာ ခေါက်နိုင်တဲ့ တောင်ပံတွေပါဝင်ပြီး၊ GPS နဲ့ ဆင်ဆာတွေ တပ်ဆင်ထားကာ
တိုက်လေယာဉ်မှာ တပ်ဆင် ပစ်ခတ်နိုင်တဲ့ ဗုံးအမျိုးအစား ဖြစ်ပါတယ်။

Yasin ကတော့ တာဝန်ပစ် စမတ်ဗုံးအမျိုးအစားဖြစ်ပြီး လူလိုက်ပါတဲ့ လေယာဉ်တွေ၊ လူမဲ့ လေယာဉ်တွေမှာ တပ်ဆင်ကာ ကီလိုမီတာ ၅၀ အကွာမှာရှိတဲ့ ပစ်မှတ်တွေကို မှန်အောင် ပစ်ခတ်နိုင်တယ်လို့ ဆိုပါတယ်။

အခုမိတ်ဆက်လိုက်တဲ့ Ghaem ကတော့ ၅၀ စင်တီမီတာလောက်အထိ သေးငယ်တဲ့ ပစ်မှတုတွေကို တိတိကျကျထိအောင် ပစ်ခတ်နိုင်တဲ့ စမတ်ဗုံးအမျိုးအစား ဖြစ်ပါတယ်။ ပစ်မှတ်ကို အလိုအလျောက် ခြေရာခံတဲ့စနစ်တွေ တပ်ဆင်ထားသလို လူပါ၊ လူမဲ့ လေယာဉ်တွေ၊ တိုက်လေယာဉ်တွေ၊ ရဟတ်ယာဉ်တွေ စသဖြင့် ဘယ်လို လေယာဉ်မျိုးမှာမဆို တပ်ဆင်ပစ်ခတ်နိုင်ပါတယ်။

ပြည်ပက ပိတ်ဆို့မှုတွေကို ခံနေရတဲ့ အီရန်ဟာ ပြီးခဲ့တဲ့နှစ်တွေအတွင်း ကာကွယ်ရေးကဏ္ဍမှာ ကိုယ့်ခြေထောက်ပေါ် ကိုယ်ရပ်တည်နိုင်အောင် ကြိုးစားလာခဲ့ပြီး အောင်မြင်မှုတွေလည်း ရရှိထားပါတယ်။

Ref: Press TV