အမေရိကန်ရှိနေသမျှ အရှေ့အလယ်ပိုင်း မတည်ငြိမ်နိုင်ဟု အီရန်နိုင်ငံခြားရေးဝန်ကြီး ပြော

သြဂုတ် ၁၂၊ ၂၀၁၉
M-Media

-အရှေ့အလယ်ပိုင်းဒေသမှာ လက်နက်ပြိုင်ဆိုင်မှု ပြင်းထန်လာတာအတွက် အီရန်နိုင်ငံခြားရေးဝန်ကြီး ဂျာဗဒ် ဇာရစ်ဖ်က သတိပေးလိုက်ပြီး၊ အမေရိကန်ရဲ့ လက်နက်ရောင်းချမှုတွေကြောင့် ‘ပေါက်ကွဲလုဆဲဆဲ ယမ်းအိုးကြီး’ ဖြစ်လာတယ်လို့လည်း ပြောကြားလိုက်ပါတယ်။

ကာတာနိုင်ငံကို ရောက်ရှိနေတဲ့ ဇာရစ်ဖ်ဟာ ဒီကနေ့ အလ်ဂျာဇီးရား သတင်းဌာနနဲ့ အင်တာဗျူးမှာ အခုလို ပြောကြားလိုက်တာပါ။ ပင်လယ်ကွေ့မှာ အမေရိကန်ရဲ့ စစ်သင်္ဘောတွေ ပိုမိုချထားမှုဟာ မတည်ငြိမ်မှုတွေဆီ ပိုမို ဦးတည်သွားနိုင်တယ်လို့လည်း ဆိုပါတယ်။

ပြီးခဲ့တဲ့နှစ်အတွင်း အမေရိကန်က အရှေ့အလယ်ပိုင်းဒေသကို လက်နက် ကန်ဒေါ်လာ ဘီလီယံ ၅၀ ဖိုး ရောင်းချခဲ့တာ၊ လူဦးရေ တစ်သန်းသာရှိတဲ့ ယူအေအီးက ၂၀၁၈ ခုနှစ်မှာ ကာကွယ်ရေးအသုံးစားရိတ် ဒေါ်လာ ၂၂ ဘီလီယံ ရှိခဲ့ပြီး၊ အီရန် လူဦးရေရဲ့ ၃ ပုံ ၁ ပုံလောက်သာရှိတဲ့ ဆော်ဒီက ဒေါ်လာ ၈၇ ဘီလီယံ သုံးစွဲခဲ့တာတွေကို ဇာရစ်ဖ်က ထောက်ပြခဲ့ပါတယ်။

စစ်အင်အား တစ်သန်းသာရှိတဲ့ အီရန်ဟာ ပြီးခဲ့တဲ့နှစ်က စစ်ရေးအသုံးစားရိတ် ၁၆ ဘီလီယံသာ ရှိတယ်လို့ ဇာရစ်ဖ်က ထည့်သွင်း ပြောဆိုခဲ့ပါတယ်။

“အရှေ့အလယ်ပိုင်းက ခြိမ်းခြောက်မှုတွေ ရှိနေတယ်လို့ဆိုရင် အဲဒီခြိမ်းခြောက်မှုဟာ ဒေသတွင်းမှာ လက်နက်တွေ တောင်ပုံရာပုံ စုဆောင်းထားတဲ့ အမေရိကန်နဲ့ သူ့ရဲ့ မဟာမိတ်တွေထံကနေသာ လာတာဖြစ်မှာပါ။ ဒါ့ကြောင့် အရှေ့အလယ်ပိုင်းဟာ ပေါက်ကွဲလုဆဲဆဲ ယမ်းအိုးကြီး ဖြစ်နေပါပြီ”

၂၀၁၅ ခုနှစ် နျူသဘောတူညီချက်ကနေ နှုတ်ထွက်ကြောင်း ထရမ့်က ပြီးခဲ့တဲ့နှစ်မှာ ကြေငြာခဲ့ပြီးတဲ့နောက် အမေရိကန်နဲ့ အီရန်တို့အကြား တင်းမာမှုဟာ အခုနှစ် မေလနဲ့ ဇွန်လတို့မှာ ပိုမိုဆိုရွားလာခဲ့ပြီး၊ ပင်လယ်ကွေ့ဒေသမှာ အမေရိကန်က တပ်အင်အား ထပ်ဖြည့်တာတွေ လုပ်ဆောင်ခဲ့ပါတယ်။

လုံခြုံရေးကို ထိခိုက်

ပါရှန်ပင်လယ်ကွေ့မှာ အမေရိကန် ရေတပ်သင်္ဘောတွေ ရှိနေတာဟာ မလုံခြုံမှုကို ပိုမိုဖြစ်ပွားစေပြီး၊ နိုင်ငံခြား စစ်သင်္ဘောတွေကြောင့် ပင်လယ်ကွေ့ လုံခြုံတယ်ဆိုတဲ့ သမိုင်းကြောင်းမျိုး မရှိခဲ့ဘူးလို့ အီရန် နိုင်ငံခြားရေးဝန်ကြီးက အင်တာဗျူးမှာ ထည့်သွင်း ပြောကြားခဲ့ပါတယ်။

“၁၉၈၈ ခုနှစ်က အီရန် ခရီးသည်တင်လေယာဉ်ကို အမေရိကန် စစ်သင်္ဘောက ပစ်ချခဲ့တာကြောင့် လူ ၂၉၀ သေဆုံးခဲ့တဲ့ သမိုင်းဆိုးမျိုးလည်း ရှိထားပါတယ်။ ရေကြောင်းသွားလာရေးကို ကာကွယ်ဖို့ အမေရိကန်တွေ လုပ်ဆောင်နိုင်တာက ဒေသအတွင်းကနေ ထွက်သွားဖို့ပဲဖြစ်တယ်လို့ ကျွန်တော် ယုံကြည်ပါတယ်။ ၀င်မစွက်ပါနဲ့။ ဒီလိုလုပ်တာမျိုးက အီရန်အပေါ် ရန်စတာမျိုးဖြစ်ပြီး မလုံခြုံတာကလွဲလို့ တစ်ခြား ကောင်းတာ ဘာမှ မရှိပါဘူး”

Ref: Aljazeera