ဘယ်လ်ဂျီယံ ကုမ္ပဏီတစ်ခုက မြန်မာစစ်တပ်နှင့် အဆက်အသွယ်ဖြတ်ကြောင်း ထုတ်ပြန်

သြဂုတ် ၁၄၊ ၂၀၁၉
M-Media

-မြန်မာစစ်တပ်ရဲ့ လူ့အခွင့်အရေးချိုးဖောက် ကျူးလွန်မှုတွေမှာ ပြည်တွင်းပြည်ပ စီးပွားရေးလုပ်ငန်းတွေက တစ်ဖက်တစ်လမ်းကနေ အထောက်အကူပြုပေးသလို ဖြစ်နေတယ်ဆိုတဲ့ ကုလရဲ့ အစီရင်ခံစာတစ်စောင် ထွက်လာပြီးနောက်ပိုင်း ဘယ်လ်ဂျီယံ ကုမ္ပဏီတစ်ခုက မြန်မာစစ်တပ်နဲ့ အဆက်အသွယ်ဖြတ်တောက်ကြောင်း ကြေငြာလိုက်ပါတယ်။

ဂြိုဟ်တုဆက်သွယ်ရေး ကုမ္ပဏီ Newtec ဖြစ်ပြီး မြန်မာနိုင်ငံက တယ်လီဖုန်းဆက်သွယ်ရေးလုပ်ငန်း Mytel နဲ့ ဆက်ဆံလုပ်ကိုင်နေတာပါ။

ရခိုင်ပြည်နယ်က ရိုဟင်ဂျာမွတ်စလင်တွေအပါအ၀င် နိုင်ငံတစ်ဝှမ်းက တိုင်းရင်းသားလူနည်းစုတွေအပေါ်အစိုးရစစ်တပ်က ကျူးလွန်မှုတွေနဲ့ပတ်သက်ပြီး စုံစမ်းဖော်ထုတ်ဖို့ ကုလက ဖွဲ့စည်းပေးထားတဲ့ အဖွဲ့ဝင် ၃ ဦးပါ အချက်အလက်ရှာဖွေရေးကော်မတီဟာ အခုလအစောပိုင်းက အစီရင်ခ့စာတစ်စောင် ထုတ်ပြန်ခဲ့ပါတယ်။

အစီရင်ခံစာထဲမှာ စစ်တပ်ပိုင် လုပ်ငန်းစု ၂ ခုက တိုင်းပြည်ရဲ့ စီးပွားရေးအပေါ် လက်ဝါးကြီးအုပ်ထားမှုကို အသေးစိတ် ဖော်ပြခဲ့ပြီး ဒီလုပ်ငန်းစုတွေနဲ့ ပူးပေါင်းလုပ်ကိုင်နေတဲ့ ပြည်တွင်း၊ ပြည်ပ ကုမ္ပဏီတွေဟာ စစ်တပ်ရဲ့ ကျူးလွန်မှုတွေကို တစ်ဖက်တစ်လမ်းကနေ အားပေးကူညီသလို ဖြစ်နေတယ်လို့ ဖော်ပြထားပါတယ်။

ဒါ့အပြင် မြန်မာစစ်တပ်နဲ့ ဆက်သွယ်ဆောင်ရွက်မှုတွေ မလုပ်ဖို့လည်း နိုင်ငံတကာ ကုမ္ပဏီတွေကို အချက်အလက် ရှာဖွေရေးအဖွဲ့က တိုက်တွန်းခဲ့ပါတယ်။

Newtec ရဲ့ အခုတစ်ပတ်အစောပိုင်းက ကြေငြာချက်မှာ မိမိတို့အနေနဲ့ “ကုလအစီရင်ခံစာပါ
အကြံပြုချက်တွေကို လိုက်နာပြီး Mytel နဲ့ စီးပွားရေးဆိုင်ရာ ဆက်ဆံမှုတွေကို ရပ်တန့်လိုက်တယ်” လို့ ဖော်ပြထားပါတယ်။

“တပ်မတော်ရဲ့ အကြမ်းဖက်လှုပ်ရှားမှု၊ ရိုဟင်ဂျာတွေအပေါ် ကျူးလွန်တဲ့ ကြမ်းကြုတ်မှုတွေနဲ့ ဆက်စပ်နေတဲ့ ဘယ်လိုအဖွဲ့အစည်း၊ ဘယ်လိုကုမ္ပဏီမျိုးကိုမှ သိသိကြီးနဲ့ ပစ္စည်းတွေ ရောင်းမှာ မဟုတ်ပါဘူး” လို့ Newtec က ပြောကြားခဲ့ပါတယ်။

ဒီကိစ္စနဲ့ပတ်သက်ပြီး မေးမြန်းမှုကို Mytel ရဲ့ ပြည်သူ့ဆက်ဆံရေးဌာနက ပြန်လည်ဖြေကြားခြင်း မရှိဘူးလို့ VOA သတင်းဌာနက ဖော်ပြပါတယ်။

Newtec ရဲ့ ဒီလုပ်ရပ်အပေါ် ကျွမ်းကျင်သူတွေက ချီးကျူးမှုတွေ ရှိခဲ့သလို၊ ဆောင်ရွက်တာ နောက်ကျတယ်ဆိုတဲ့ ဝေဖန်မှုတွေလည်း ရှိနေပါတယ်။

မြန်မာစစ်တပ်နဲ့ ဆက်ဆံရေးကို လူသိရှင်ကြား ထုတ်ဖော်ပြောဆိုမယ်ဆိုရင် တရားစွဲမယ်လို့ Newtec ရဲ့ စီအီးအို Thomas Van den Driessche က ပြီးခဲ့တဲ့နှစ် နိုဝင်ဘာမှာ Burma Campaign UK အဖွဲ့ကို ခြိမ်းခြောက်ခဲ့ဖူးပါတယ်။

လူ့အခွင့်အရေးရှေ့နေဖြစ်ပြီး ကုလရဲ့ အချက်အလက်ရှာဖွေရေးအဖွဲ့က အဖွဲ့ဝင်တစ်ဦးလည်းဖြစ်တဲ့ ခရစ္စတိုဖာ ဆီဒိုတီက သူတို့အဖွဲ့ အစီရင်ခံစာထုတ်ပြန်ပြီးနောက်ပိုင်း စစ်တပ်နဲ့ ဆက်သွယ်ဆောင်ရွက်နေတဲ့ နိုင်ငံခြားကုမ္ပဏီတစ်ချို့က သူတို့ရဲ့ ဆက်ဆံရေးကို ပြန်လည်ဆန်းစစ်နေတဲ့ဆိုတဲ့ အကြောင်းကြားမှုတွေ ရှိတယ်လို့ ပြောကြားခဲ့ပါတယ်။

Ref: VOA