ဗုဒ္ဓဟူးနေ့ ဘောလုံးသတင်းတိုများ

သြဂုတ် ၁၄၊ ၂၀၁၉
M-Media

ဆာလာသေဆုံးမှု ကာဘွန်မိုနောက်ဆိုက်ကြောင့်ဟု ဆေးစစ်ချက်ထွက်
======================
ဇန်နဝါရီလက လေယာဉ်ပျက်ကျမှုအတွင်း ကာဒစ်ဖ်အသင်းရဲ့ ကစားသမားအီမီလီယာနို ဆာလာဟာ ကာဘွန်မိုနောက်ဆိုက်တွေ အလွန်အမင်း ရှုမိရင်း သတိလစ် သေဆုံးခဲ့တာဖြစ်တယ်လို့ဆေးစစ်ချက်တွေကို ကိုးကားပြီး အင်္ဂလိပ်မီဒီယာတွေက ဒီကနေ့မှာ ဖော်ပြခဲ့ပါတယ်။ အာဂျင်တိုင်း တိုက်စစ်မှူးဟာဇန်နဝါရီ ၂၁ ရက်နေ့က ပြင်သစ်ကနေ ကာဒစ်ဖ်ကို လာရောက်ရင်း လေယာဉ်ပျက်ကျ သေဆုံးခဲ့တာဖြစ်ပါတယ်။

ပြင်သစ်ကလပ် Nantes ကနေ ကာဒစ်ဖ်ကို ပြောင်းရွှေ့ဖို့ စာချုပ်ချုပ်ပြီး ၂ ရက်အကြာမှာ ဒီလို ကံကြမ္မာဆိုးနဲ့ ကြုံတွေ့ခဲ့တာပါ။ ဆာလာရဲ့ မိသားစုကတော့ ဆေးစစ်ချက်သာမက လေယာဉ်ပျက်ကျမှု အသေးစိတ်ကိုပါ သိရှိလိုတယ်လို့ တာဝန်ရှိသူတွေကို တောင်းဆိုထားပါတယ်။

လူငယ်ကစားသမားများကို ဥပဒေချိုးဖောက် ခေါ်ယူခဲ့ကြောင်း မန်စီးတီးဝန်ခံ
=======================
၂၀၁၆ ခုနှစ် ဒီဇင်ဘာလက လူငယ်ကစားသမားတွေ ခေါ်ယူမှုအတွင်း ဖီဖာရဲ့ စည်မျဉ်းတွေကို ချိုးဖောက်ခဲ့တယ်လို့မန်စီးတီးအသင်းက ၀န်ခံလိုက်ပါတယ်။ ဒီလိုဝန်ခံတာကြောင့် မန်စီးတီးအသင်းဟာ အပြောင်းအရွှေ့ ပိတ်ပင်ခံရမှုကနေကင်းလွတ်ခဲ့ပြီး ဒဏ်ငွေ ပေါင် ၃၁၅၀၀၀ သာ ပေးဆောင်ခဲ့ရပါတယ်။ မန်စီးတီးကတော့ ဥပဒေကို ဘာသာပြန်အမှားကြောင့် ဒီလိုဖြစ်ခဲ့တာဖြစ်ပြီး နောက်ပိုင်းမှာ စည်းမျဉ်းတွေကို အပြည့်အ၀ လိုက်နာကြောင်း၊ ဖီဖာရဲ့ စစ်ဆေးမှုကိုလည်း အပြည့်အ၀ ပူးပေါင်းဆောင်ရွက်နေကြောင်း ထုတ်ပြန်ခဲ့ပါတယ်။

နေးမာ၏ အနာဂတ်ကို ဘာကာနှင့် ပီအက်စ်ဂျီတို့ ၄၈ နာရီအတွင်း ဆုံးဖြတ်မည်
=================
ပီအက်စ်ဂျီအသင်း တိုက်စစ်မှူး နေးမာရဲ့ အနာဂတ်ကို ဆုံးဖြတ်ဖို့အတွက် ဘာစီလိုနာအသင်း ဥက္ကဌ ဂျိုးဆက် ဘာတိုမြူနဲ့ ပီအက်စ်ဂျီ ဥက္ကဌ အလ်-ခါလီဖီတို့ သောကြာနေ့မှာ တွေ့ဆုံဆွေးနွေးဖို့ရှိနေပြီး ၄၈ နာရီအတွင်းအဖြေထွက်မယ်လို့ စပိန်မီဒီယာတွေက ဒီကနေ့မှာ ဖော်ပြပါတယ်။ နေးမာအတွက် ပြောင်းရွှေ့ကြေးပေါင် ၇၄ သန်းနဲ့ ဖီးလစ် ကော်တင်ဟိုကို အလိုက်ပေးကာ ဘာစီလိုနာက ကနဦး ကမ်းလှမ်းခဲ့ပေမယ့် ပီအက်စ်ဂျီက ပယ်ချခဲ့ပါတယ်။ ၂၀၁၇ ခုနှစ်က ကမ္ဘ္ဘာ့စံချိန်တင် ပြောင်းရွှေ့ကြေးနဲ့ ခေါ်ထားတဲ့ နေးမာအတွက်ပီအက်စ်ဂျီက ပြောင်းရွှေ့ကြေးများများနဲ့ ကစားသမားအလိုက်များများ လိုချင်နေတာ ဖြစ်ပါတယ်။

Ref: BBC, Daily Mail