အာကာသအေဂျင်စီတစ်ခုကို ဖိလစ်ပိုင်ဖွဲ့စည်း

သြဂုတ် ၂၀၊ ၂၀၁၉
M-Media

-ဖိလစ်ပိုင်နိုင်ငံဟာ အာကာသ အေဂျင်စီတစ်ခုကို ဖွဲ့စည်းလိုက်ပြီး တိုင်းပြည်ရဲ့ အာကာသဆိုင်ရာ စူးစမ်းရှာဖွေရေးလုပ်ငန်းကို ပိုမိုအားကောင်းစေဖို့ ရည်ရွယ်တာဖြစ်ပါတယ်။

သမ္မတ ဒူတာတေးဟာ အာကာသအေဂျင်စီ ဖွဲ့စည်းရေး ဥပဒေတစ်ခုကို သြဂုတ်လ ၈ ရက်နေ့မှာ လက်မှတ်ရေးထိုး အတည်ပြုခဲ့တာပါ။ လက်ရှိ ဖိလစ်ပိုင်နိုင်ငံရဲ့ အာကာသလုပ်ငန်းတွေကို အစိုးရဌာနအသီးသီးက တစ်သီးတစ်ခြားစီ လုပ်ဆောင်နေတာဖြစ်ပါတယ်။

အာကာသအေဂျင်စီတစ်ခု ပေါ်လာတာကြောင့် အဲဒီလုပ်ငန်းတွေအားလုံးကို တစ်စုတစ်စည်းတည်း လုပ်ကိုင်နိုင်မှာဖြစ်ပါတယ်။ အာကာသနည်းပညာကို နိုင်ငံတော်လုံခြုံရေး၊ သဘာဝဘေးအန္တရာယ် စီမံခန့်ခွဲရေး၊ ရာသီဥတုပြောင်းလဲမှု စောင့်ကြည့်တားဆီးရေး၊ အာကာသ သုတေသနလုပ်ငန်းတွေမှာ အသုံးပြုဖို့ ဖိလစ်ပိုင်က ရည်ရွယ်ထားပါတယ်။

မနီလာမြို့အခြေစိုက် အာကာသ အကြံဉာဏ်ပေးရေးအဖွဲ့ Regulus SpaceTech ရဲ့ ဥက္ကဌ ရိုဂျဲလ် မာရီ ဆီဆီ အာကာသအေဂျင်စီတစ်ခု ပေါ်ပေါက်လာဖို့အတွက် ၂၀၁၃ ခုနှစ်ကတည်းက အိပ်မက် မက်ခဲ့ရတာဖြစ်ပြီး နောက်ဆုံးမှာတော့ အသီးအပွင့်ကို မြင်ရပြီလို့ ပြောကြားခဲ့ပါတယ်။ ရိုဂျဲလ်ဟာ အာကာသအေဂျင်စီ ပေါ်ပေါက်လာရေး ကူညီပေးခဲ့တဲ့ နိုင်ငံတော်အာကာသဖွံ့ဖြိုးရေးစီမံကိန်းမှာ ပါဝင်ခဲ့သူလည်း ဖြစ်ပါတယ်။

အသစ်ဖွဲ့စည်းလိုက်တဲ့ အာကာသ အေဂျင်စီကနေတစ်ဆင့် ပုဂ္ဂလိက အာကာသကဏ္ဍ၊ နိုင်ငံတကာ အာကာသ ပူးပေါင်းဆောင်ရွက်ရေး လုပ်ငန်းတွေ အားကောင်းအောင်လည်း ဖိလစ်ပိုင်နိုင်ငံက ဆောင်ရွက်သွားဖို့ ရှိနေပါတယ်။

အာကာသအေဂျင်စီဟာ ကနဦး မတည်ငွေအဖြစ် ပီဆို ၁ ဘီလီယံ (ကန်ဒေါ်လာ ၁၉ သန်း) ကို သမ္မတရုံးကနေ ရရှိမှာ ဖြစ်ပါတယ်။ နောက်ပိုင်း ရန်ပုံငွေတွေကိုတော့ အစိုးရဘက်ဂျက်ကနေ နှစ်စဉ် ရရှိမှာပါ။

ဖိလစ်ပိုင်ပညာရှင်တွေ ဒီဇိုင်းထုတ် တည်ဆောက်ထားတဲ့ ဂြိုဟ်တုအသေးစား Diwata-1 ကို ၂၀၁၆ ခုနှစ်က ဂျပန် အာကာသအေဂျင်စီရဲ့ အကူအညီနဲ့ ၂၀၁၆ ခုနှစ်မှာ အာကာသထဲ လွှတ်တင်ခဲ့ဖူးပါတယ်။

Ref: Nature