ဥရောပ၌ အကြီးဆုံးနှင့် အလှဆုံး ဗလီကို ရုရှားတွင် ဖွင့်လှစ်

သြဂုတ် ၂၄၊ ၂၀၁၉
M-Media

-ဥရောပမှာ အလှဆုံးနဲ့ အကြီးဆုံး ဗလီလို့ သမုတ်ကြတဲ့ ဗလီသစ်တစ်လုံးကို ရုရှားနိုင်ငံ ချေချင်းညာ ကိုယ်ပိုင်အုပ်ချုပ်ခွင့်ဒေသမှာ မနေ့က ဖွင့်လှစ်ခဲ့ပါတယ်။

ဗလီဝတ်ကျောင်းတော်ဖွင့်ပွဲ အခမ်းအနားကို ချေချင်း ကိုယ်ပိုင်အုပ်ချုပ်ခွင့်ရဒေသ ခေါင်းဆောင် ရမ်ဇာန် ကာဒီရော့ဗ်၊ ပြည်နယ်အစိုးရ အရာရှိတွေ၊ နိုင်ငံခြားသံတမန်တွေနဲ့ ချေချင်းညာ ပြည်သူတွေ တက်ရောက်ခဲ့ကြပါတယ်။

‘တမန်တော်မြတ်ဗလီ’ လို့ အမည်ပေးထားတဲ့ အဲဒီဗလီကို စကျင်ကျောက်နဲ့ ဆောက်လုပ်ထားတာ ဖြစ်ပြီး ချေချင်းညာမြို့တော် ဂရိုဇနီရဲ့ အပြင်ဘက် ရှာလီမြို့မှာ တည်ရှိတာပါ။ တစ်ချိန်တည်းမှာ လူပေါင်း ၃ သောင်းကျော် ၀တ်ပြုနိုင်ပါတယ်။

ချေချင်းညာ တာဝန်ရှိသူတွေကတော့ ဒီဗလီဟာ ဥရောပမှာ ‘အကြီးဆုံးနဲ့ အလှဆုံးဗလီ’ ဖြစ်တယ်လို့ ပြောကြားခဲ့ကြပါတယ်။ ဒီဗလီကို ဥဇဘက် ဗိသုကာပညာရှင်က ဒီဇိုင်းဆွဲပေးခဲ့တာပါ။

ဒေသခေါင်းဆောင် ရမ်ဇာန် ကာဒီရော့ဗ်က ဗလီဟာ ‘ဒီဇိုင်းပိုင်းမှာ ထူးခြားပြီး၊ အရွယ်အစားနဲ့ တင့်တယ်မှုမှာလည်း နန်းဆန်တယ်’ လို့ ဆိုပါတယ်။

ရုရှားသမ္မတ ဗလီဒီမီရ် ပူတင်က ဗလီဝတ်ကျောင်းတော် ဖွင့်လှစ်နိုင်မှုကို ဂုဏ်ယူတယ်လို့ဆိုပြီး ဒါဟာ နိုင်ငံနဲ့ ချေချင်းညာဒေသတို့အတွက် ကြီးကျယ်မှုတစ်ခုဖြစ်တယ်လို့ ပြောကြားခဲ့ပါတယ်။

ဗလီဝတ်ကျောင်းတော်မှာ ပန်းဥယျာဉ်တွေ၊ ရေပန်းတွေလည်း ပါဝင်ပါတယ်။ ၂၀၀၈ ခုနှစ်ကလည်း လူပေါင်း ၁ သောင်းလောက် ၀တ်ပြုလို့ရတဲ့ ‘ချေချင်းညာနှလုံးသား’ ဆိုတဲ့ ဗလီဝတ်ကျောင်းတော် တစ်လုံးကို မြို့တော် ဂရိုဇနီမှာ ဖွင့်လှစ်ခဲ့ပါတယ်။

၁၉၉၁ ခုနှစ် ဆိုဗီယက်ပြည်ထောင်စု ပြိုကွဲသွားပြီးနောက် ရုရှားနဲ့ ချေချင်း ခွဲထွက်ရေးသမားတွေအကြား ၂ ကြိမ်တိုင်တိုင် စစ်ပွဲတွေ ဖြစ်ပွားခဲ့တာကြောင့် ချေချင်းညာဒေသဟာ ပျက်ဆီးခဲ့ရပါတယ်။ လက်ရှိခေါင်းဆောင် ရမ်ဇာန်ကာဒီရော့ဗ်ဟာ ရုရှားသမ္မတ ပူတင်ရဲ့ မဟာမိတ်တစ်ဦးဖြစ်ပြီး
ချေချင်းဒေသမှာ လူ့အခွင့်အရေး ချိုးဖောက်မှုတွေ လုပ်ဆောင်နေတယ်လို့ စွပ်စွဲခံထားရပါတယ်။

Ref: Moscow Times