နျူသဘောတူညီချက်ကိစ္စ လမ်းကြောင်းမှန်ပေါ် ရောက်လာသည်ဟု အီရန်ပြော

သြဂုတ် ၂၄၊ ၂၀၁၉
M-Media

-နျူကလီးယား သဘောတူညီချက်နဲ့ပတ်သက်ပြီး တင်းမာမှုလျှော့ချရေး ပြင်သစ်သမ္မတ အီမန်နျူယဲလ် မာခရွန်ရဲ့ အကြံပြုချက်တွေဟာ မှန်ကန်တဲ့ လမ်းကြောင်း ဖြစ်တယ်လို့ အီရန်နိုင်ငံခြားရေးဝန်ကြီး ဂျာဗဒ် ဇာရစ်ဖ်က ပြောကြားလိုက်ပါတယ်။

၂၀၁၅ ခုနှစ်က ရရှိခဲ့တဲ့ အဲဒီ နျူသဘောတူညီချက်ကနေ အမေရိကန် ပြီးခဲ့တဲ့နှစ် မေလမှာ နှုတ်ထွက်ခဲ့ပါတယ်။ အီရန်ကတော့ ဒီသဘောတူညီချက် ဆက်လက်တည်တံ့ရေး ဥရောပသမဂ္ဂနဲ့ အခြား လက်မှတ်ရေးထိုးထားတဲ့ နိုင်ငံတွေက ထိထိရောက်ရောက် ဆောင်ရွက်မှု မရှိဘူးလို့ ဝေဖန်ထားတာပါ။

ပြင်သစ်သမ္မတ မာခရွန်က ပြီးခဲ့တဲ့တစ်ပတ်မှာ အီရန်သမ္မတ ဟာဆန်ရူဟာနီနဲ့တွေ့ဆုံပြီး ဒီကိစ္စကို ဆွေးနွေးခဲ့ပါတယ်။

“ပြီးခဲ့တဲ့တစ်ပတ်က သမ္မတမာခရွန်ဟာ သမ္မတ ရူဟာနီကို အကြံပြုတာမျိုးတွေ လုပ်ခဲ့တယ်။ သူတို့ဟာ မှန်ကန်တဲ့လမ်းကြောင်းအတိုင်း သွားနေတယ်လို့ ကျွန်တော်တို့ ယုံကြည်ပါတယ်။ ကျွန်တော်တို့ကတော့ ဒီလမ်းကြောင်းပေါ် မရောက်သေးပါဘူး” လို့ မနေ့က ပဲရစ်မှာ မာခရွန်နဲ့တွေ့ဆုံပြီးတဲ့နောက် အီရန်နိုင်ငံခြားရေးဝန်ကြီး ဇာရစ်ဖ်က ပြောကြားခဲ့ပါတယ်။

သူနဲ့ မာခရွန်တို့ရဲ့ တွေ့ဆုံမှုဟာ ကောင်းမွန်ခဲ့ပြီး ဖြစ်နိုင်ချေတွေကို ဆွေးနွေးခဲ့ကြောင်း၊ အခြား ဥရောပနိုင်ငံတွေ၊ အခြားမိတ်ဖက်နိုင်ငံတွေနဲ့ မာခရွန် ဒီကိစ္စကို ဆွေးနွေးမှာဖြစ်ကြောင်း ဇာရစ်ဖ်က ထည့်သွင်းပြောဆိုခဲ့ပါတယ်။

အမေရိကန်ဟာ နျူသဘောတူညီချက်ကနေ နှုတ်ထွက်ပြီးနောက်ပိုင်း အီရန်အပေါ် ပိတ်ဆို့မှုတွေ ပိုမို ပြုလုပ်လာခဲ့ပါတယ်။ ဒီပိတ်ဆို့မှုတွေကို ကျော်လွှားပြီး အီရန်နဲ့ ကုန်သွယ်မှု ဆက်လက်လုပ်ဆောင်နိုင်ဖို့အတွက် ပြင်သစ်၊ ဂျာမနီနဲ့ ဗြိတိန်တို့က INSTEX လို့ခေါ်တဲ့ ဘဏ္ဍာရေးလမ်းကြောင်းတစ်ခုကို ဖော်ဆောင်ခဲ့ပေမယ့် သိသိသာသာ ကောင်းမွန်အောင် ဆောင်ရွက်နိုင်ခြင်း မရှိပါဘူး။

မာခရွန်အပါအ၀င် G7 ခေါင်းဆောင်တွေဟာ မနက်ဖြန် ပြင်သစ်မှာ တွေ့ဆုံဖို့ရှိနေပါတယ်။

Ref: Aljazeera