မြန်မာစစ်တပ်ပိုင်လုပ်ငန်းများနှင့် အဆက်အသွယ်ဖြတ်မည်ဟု နာမည်ကျော် ဖက်ရှင်ကုမ္ပဏီများ ထုတ်ပြန်

သြဂုတ် ၂၆၊ ၂၀၁၉
M-Media

-မြန်မာစစ်တပ် လက်အောက်မှာရှိနေတဲ့ စက်မှုဇုန်တွေနဲ့ ဆက်သွယ်လုပ်ကိုင်မှုကို အဆုံးသတ်ဖို့ ဆောင်ရွက်နေတယ်လို့ နာမည်ကြီး ဖက်ရှင်ကုမ္ပဏီတွေက ပြောကြားလိုက်ကြောင်း Nikkei Asian Review သတင်းဌာနက ဒီကနေ့မှာ ဖော်ပြလိုက်ပါတယ်။

ဟောင်ကောင်အ၀တ်အထည် ကုမ္ပဏီ Esprit က သူတို့အနေနဲ့ မြန်မာစစ်တပ်နဲ့ နွယ်တဲ့ အထည်ချုပ်စက်ရုံနဲ့ ဆက်သွယ်လုပ်ကိုင်မှု ဖြတ်တောက်လိုက်ပြီလို့ ပြောကြားခဲ့သလို H&M နဲ့ Bestseller တို့ကလည်း အခြေအနေကို သုံးသပ်နေတယ်လို့ ဆိုပါတယ်။

နိုင်ငံတကာ အ၀တ်အထည် ကုမ္ပဏီတွေက သူတို့ ဆက်သွယ်လုပ်ကိုင်နေတဲ့ အထည်ချုပ်စက်ရုံစာရင်းကို ချပြထားရာမှာ နာမည်ကြီး တံဆိပ် တော်တော်များများကို ချုပ်ပေးနေတဲ့ စက်ရုံတွေဟာ စစ်တပ် ဦးပိုင်းစီးပွားရေးလုပ်ငန်းစု MEHL က ပိုင်ဆိုင်တဲ့ စက်မှုဇုန် ၂ ခုမှာ ရှိနေတာ ဖြစ်ပါတယ်။

မြန်မာနိုင်ငံမှာ စစ်တပ်ရဲ့ လူ့အခွင့်အရေးချိုးဖောက်မှုတွေအတွက် အချက်အလက်ရှာဖွေဖို့ ကုလက ဖွဲ့စည်းထားတဲ့ အဖွဲ့ဟာ သြဂုတ်လအစောပိုင်းက အစီရင်ခံစာတစ်စောင် ထုတ်ပြန်ခဲ့ပြီး မြန်မာစစ်တပ်က ချုပ်ကိုင်ထားတဲ့ ဧရာမ စီးပွားရေးလုပ်ငန်းစု ၂ စုဖြစ်တဲ့ မြန်မာ့စီးပွားရေး ဦးပိုင် လိမိတက် MEHL နဲ့ မြန်မာ့စီးပွားရေး ကော်ပိုရေးရှင်း MEC တို့အကြောင်းကို ဖွင့်ချခဲ့ပါတယ်။

ဆောက်လုပ်ရေး၊ ကျောက်စိမ်း၊ ကုန်ထုတ်လုပ်မှု၊ ဘဏ်လုပ်ငန်း၊ အာမခံလုပ်ငန်း၊ ခရီးသွားလုပ်ငန်းတွေအပါအ၀င် နိုင်ငံရဲ့ အဓိက စီးပွားရေးလုပ်ငန်း စုစုပေါင်း ၁၂၀ ကျော်ကို ဒီလုပ်ငန်းစု ၂ ခုက ချုပ်ကိုင်ထားတာဖြစ်ပြီး ရရှိတဲ့ အကျိုးအမြတ်တွေကလည်း စစ်တပ်ရဲ့ ကျူးလွန်မှုတွေကို ပံ့ပိုးပေးသလို ဖြစ်နေတယ်လို့ အချက်အလက်ရှာဖွေရေးအဖွဲ့က ဆိုပါတယ်။ ဒီလုပ်ငန်းစု ၂ ခုဟာ ပြည်တွင်းက ခရိုနီကုမ္ပဏီ အနည်းဆုံး ၂၇ ခုနဲ့ အဆက်အသွယ်ရှိနေတယ်ဆိုတာ ကုလက တွေ့ရှိခဲ့ပါတယ်။

နိုင်ငံတကာ ကုမ္ပဏီတွေအနေနဲ့ မြန်မာစစ်တပ်နဲ့ ဆက်နွယ်တဲ့ လုပ်ငန်းတွေနဲ့ အဆက်အသွယ် ဖြတ်တောက်ဖို့လည်း ကုလက တိုက်တွန်းခဲ့ပါတယ်။

ဖက်ရှင်ကုမ္ပဏီများ

Next၊ Bestseller၊ H&M၊ Marks & Spencer၊ C&A နဲ့ Esprit တို့လို ဖက်ရှင်ကုမ္ပဏီတွေ ဆက်သွယ်လုပ်ကိုင်နေတဲ့ အထည်ချုပ်စက်ရုံတွေဟာ ဦးပိုင်လုပ်ငန်းစုပိုင် စက်မှုဇုန်တွေဖြစ်တဲ့ ငွေပင်လယ် စက်မှုဇုန်၊ ပျဉ်းမပင် စက်မှုဇုန်တွေမှာ တည်ရှိတာပါ။

Esprit ကုမ္ပဏီက စုံစမ်းစစ်ဆေးမှုတွေ ပြုလုပ်ပြီးတဲ့နောက် ငွေပင်လယ် စက်မှုဇုန်မှာရှိတဲ့ အထည်ချုပ်လုပ်ငန်း Perfect Gains Garment Manufacturing နဲ့ အဆက်အသွယ် ချက်ခြင်းဖြတ်တောက်တော့မယ်လို့ Nikkei Asian ကို ပေးပို့တဲ့ အီးမေးလ်မှာ ဖော်ပြထားပါတယ်။

အရင်တုန်းက မြန်မာစစ်တပ်နဲ့ ပတ်သက်မှုရှိတာကို မသိတဲ့အတွက် ဆက်သွယ်လုပ်ကိုင်ရတာ ဖြစ်တယ်လို့လည်း ဆိုပါတယ်။

H&M ကတော့ သူတို့အနေနဲ့ ကုလအစီရင်ခံစာပါ တွေ့ရှိချက်တွေကို သုံးသပ်နေပြီး ပြီးခဲ့တဲ့ ၂ နှစ်အတွင်း မြန်မာအစိုးရ တာဝန်ရှိသူတွေနဲ့ တွေ့ဆုံကာ ကုလ၊ ဥရောပသမဂ္ဂတို့ရဲ့ အကြံပြုချက်တွေနဲ့ပတ်သက်လို့ ဆွေးနွေးခဲ့ကြောင်း၊ ဒီကိစ္စကို သေသေချာချာ စုံစမ်းနေပြီး သင့်လျော်တဲ့ ဆုံးဖြတ်ချက်ကို ချမှတ်သွားမှာဖြစ်ကြောင်း ပြောကြားခဲ့ပါတယ်။

လူ့အခွင့်အရေးကို အလေးထားမြှင့်တင်တဲ့ စီးပွားရေးလုပ်ငန်း ဖြစ်ရေးအတွက် ဥပဒေအရ ရှိနေတဲ့ တာဝန် ၀တ္တရားတွေကို အပြည့်အ၀ လိုက်နာသွားမယ်လို့လည်း H&M က အီးမေးလ်မှာ ရေးသားခဲ့ပါတယ်။

BestSeller ကလည်း ကုလရဲ့ အစီရင်ခံစာပါ အချက်အလက်တွေကို သုံးသပ်နေတယ်လို့ ဖြေကြားခဲ့ကြောင်း Nikkei Asian က ဖော်ပြပြီး C&A ကတော့ မေးမြန်းမှုကို ပြန်မဖြေဘူးလို့ ဆိုပါတယ်။

Marks & Spencer ဟာ မြန်မာစစ်တပ်ကပိုင်တဲ့ စက်မှုဇုန်နှစ်ခုက အထည်ချုပ် စက်ရုံတွေနဲ့ ဆက်သွယ်လုပ်ကိုင်နေတာကို တွေ့ရသလို၊ ဦးပိုင်နဲ့ တောင်ကိုရီးယားကုမ္ပဏီ Pan-Pacific Co တို့ ပူးတွဲပိုင်ဆိုင်တဲ့ Myanmar Wise-Pacific Apparel လုပ်ငန်းနဲ့လည်း အဆက်အသွယ် ရှိနေပါတယ်။

Wise-Pacific နဲ့ အဆက်အသွယ် ဖြတ်လိုက်ကြောင်း Marks & Spencer က ထုတ်ပြန်ခဲ့ပေမယ့် ဘယ်တုန်းက ဘာ့ကြောင့် ဖြတ်လိုက်လဲဆိုတဲ့ မေးမြန်းမှုကို မဖြေဘူးလို့ Nikkei Asian က ဖော်ပြထားပါတယ်။

အခုလအစောပိုင်းက ဘယ်လ်ဂျီယံ ဆက်သွယ်ရေးကုမ္ပဏီ Newtec က သူတို့ဟာ MEC နဲ့ အဆပ်အစပ်ရှိတဲ့ Mytel နဲ့ ဆက်သွယ်ဆောင်ရွက်မှုကို ဖြတ်တောက်ခဲ့တယ်လို့ ထုတ်ပြန်ခဲ့ပါတယ်။

မြန်မာ့ စီးပွားရေးဦးပိုင် လိမိတက် MEHL ကတော့ မေးမြန်းမှုကို ပြန်လည်ဖြေကြားခဲ့ခြင်း မရှိဘူးလို့ Nikkei Asian က ဖော်ပြထားပါတယ်။ ဒီလုပ်ငန်းကို စီမံနေတဲ့ အဖွဲ့ကို ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဒုတိယ ကာကွယ်ကွယ်ရေး ဦးစီးချုပ် ဒုတိယဗိုလ်ချုပ်ကြီး စိုးဝင်းတို့က ဦးဆောင်တာ ဖြစ်ပါတယ်။

သူတို့ ၂ ဦးစလုံးဟာ နိုင်ငံတကာဥပဒေအရ စစ်ရာဇ၀တ်မှုကျူးလွန်မှုအတွက် တာဝန်ရှိသူတွေလို့ ကုလက သတ်မှတ်ထားပါတယ်။ နိုင်ငံအတွင်း လူ့အခွင့်အရေးကို ဆိုးဆိုးရွားရွား ချိုးဖောက်မှုအတွက်လည်း ကုလရဲ့ ပိတ်ဆို့မှုကို ခံထားရပါတယ်။

Ref: Nikkei Asian Review