ကမ္ဘ္ဘာ့ဘဏ်မှချေးငွေကို ဝီဂါဖိနှိပ်မှုတွင် တရုတ်အစိုးရက အသုံးပြုနေမှု စုံစမ်းစစ်ဆေးမည်

သြဂုတ် ၃၁၊ ၂၀၁၉
M-Media

-တရုတ်နိုင်ငံအနောက်ပိုင်း ရှင်ကျန်းပြည်နယ်က ပညာရေးစီမံကိန်းတွေအတွက် ၂၀၁၅ ခုနှစ်က တရုတ်ကိုပေးအပ်ခဲ့တဲ့ ချေးငွေ အမေရိကန်ဒေါ်လာ သန်း ၅၀ ကို ဝီဂါမွတ်စလင်တွေအပေါ် ဖိနှိပ်မှုမှာ သုံးစွဲခဲ့လားဆိုတာ စုံစမ်းနေတယ်လို့ ကမ္ဘ္ဘာ့ဘဏ် (World Bank) က ပြောကြားလိုက်ပါတယ်။

ရှင်ကျန်းပြည်နယ်က ဝီဂါတွေနဲ့ တစ်ခြား တိုင်းရင်းသား လူနည်းစုတွေအပေါ် တရုတ်အစိုးရကဖိနှိပ်ချုပ်ခြယ်မှုတွေ ရှိနေတယ်ဆိုတဲ့သတင်းတွေဟာ နှစ်အတော်ကြာ ကျယ်ကျယ်ပြန့်ပြန့် ထွက်ပေါ်နေခဲ့တာပါ။

တရုတ်အစိုးရဟာ ဝီဂါ အနည်းဆုံး တစ်သန်းလောက်ကို ထောင်ပုံစံ စခန်းတွေထဲမှာ ထိန်းသိမ်းပြီး ကွန်မြူနစ်အတွေးအခေါ်တွေ သွတ်သွင်းပေးနေတယ်ဆိုတာကို ကမ္ဘ္ဘာ့မီဒီယာတွေက ၂၀၁၈ ခုနှစ်မှာ အသေးစိတ် စုံစမ်းဖော်ထုတ်ခဲ့ကြပါတယ်။ တရုတ်ဟာ အဲဒီသတင်းကို အစောပိုင်းက ငြင်းဆိုခဲ့ပေမယ့် နောက်ပိုင်းမှာ ၀န်ခံခဲ့ပြီး ဝီဂါတွေကို အသက်မွေးဝမ်းကြောင်းပညာ သင်ကြားပေးနေတာဖြစ်တယ်လို့ ထုတ်ပြန်ခဲ့ပါတယ်။

ဒီသတင်းတွေကြောင့် ကမ္ဘ္ဘာ့ဘဏ်ကလည်း သူတို့ တရုတ်ကို ထုတ်ချေးထားတဲ့ ချေးငွေတွေဟာဒီလို ဖိနှိပ်မှုတွေမှာ အသုံးပြုနေလားဆိုတာကို စတင်စစ်ဆေးလာတာ ဖြစ်ပါတယ်။

“ဒီကိစ္စကို ကျွန်တော်တို့ အသေအချာ ဆောင်ရွက်နေပါတယ်။ ပညာရေးစီမံကိန်းနဲ့ပတ်သက်ပြီး ပေါ်ပေါက်လာတဲ့ စိုးရိမ်မှုတွေကိုလည်း တိတိကျကျ ဆန်းစစ်နေပါတယ်။ အရေးယူရမယ့် အနေအထားမျိုးဆိုရင် အရေးယူသွားမှာပါ” လို့ ကြာသာပတေးနေ့က ထုတ်ပြန်တဲ့ ကြေငြာချက်မှာ ကမ္ဘ္ဘာ့ဘဏ်ပြောရေးဆိုခွင့်ရှိသူ ဒေးဗစ် သီးစ်က ပြောကြားခဲ့ပါတယ်။

၂၀၁၅ ခုနှစ်က ချေးငွေ

ကမ္ဘ္ဘာ့ဘဏ်ဟာ ချေးငွေကို ၂၀၁၅ ခုနှစ်မှာ တရုတ်အစိုးရထံ ထုတ်ပေးခဲ့တာဖြစ်ပြီး ရှင်ကျန်းပြည်နယ်က ကောလိပ် ၅ ခုကနေတစ်ဆင့် ထောင်သောင်းချီတဲ့ လူငယ်တွေ အသက်မွေးဝမ်းကြောင်းနဲ့ အလုပ်အကိုင်ဆိုင်ရာ အခွင့်အလမ်း ပိုမိုရရှိစေဖို့ဖြစ်တယ်လို့ ဆိုပါတယ်။

အဲဒီနှစ်မှာ တရုတ်အစိုးရဟာ ကမ္ဘ္ဘာ့ဘဏ်ကနေ ကန်ဒေါ်လာ ၁.၈ ဘီလီယံ ချေးငွေ ရယူခဲ့ပါတယ်။

ရှင်ကျန်းပြည်နယ်မှာ လူဦးရေ ၂၄ သန်းလောက်ရှိပြီး အများစုက ဝီဂါလူမျိုးတွေဖြစ်ပါတယ်။ ပြည်နယ်အတွင်းက လူမျိုးစုတော်တော်များများဟာ အစ္စလာမ်ဘာသာကို ကိုးကွယ်ကြသူတွေ ဖြစ်ပါတယ်။

အဲဒီလူမျိုးစုတွေဟာ တရုတ်ကွန်မြူနစ်အစိုးရအောက်က လွတ်မြောက်အောင် တော်လှန်ရေး လုပ်ခဲ့ကြတဲ့သမိုင်းလည်း ရှိခဲ့ပြီး ၂၀၁၄ ခုနှစ်မှာ အစိုးရပစ်မှတ်တွေကို တိုက်ခိုက်မှုတွေ လုပ်ခဲ့ပါတယ်။ အဲဒီနောက်မှာတော့ တရုတ်အစိုးရဟာ ရှင်ကျန်းက လူမျိုးစုတွေအပေါ် ဖိနှိပ်ချုပ်ချယ်မှုတွေ လုပ်ဆောင်လာခဲ့ပါတယ်။

လေ့လာဆန်းစစ်သူတွေက တရုတ်အစိုးရဟာ ဝီဂါတွေကို အကျဉ်းစခန်းထဲမှာ ထိန်းသိမ်းထားမှုကို ၂၀၁၇ ခုနှစ်မှာ စတင်လုပ်ဆောင်တာလို့ ပြောကြားခဲ့ကြပါတယ်။

သတင်းထွက်

ကမ္ဘ္ဘာ့ဘဏ်က ချေးငွေကို တရုတ်အစိုးရက ဒီလိုလုပ်ငန်းတွေ၊ ဒီလုပ်ရပ်ကို ကာကွယ်တဲ့ ဝါဒဖြန့်မှုတွေမှာ အသုံးပြုခဲ့၊ အသုံးပြုနေဆဲပဲဆိုတဲ့ သက်သေ အထောက်အထားတွေ တွေ့ရတယ်လို့ ထင်ရှားတဲ့ အမေရိကန်လွှတ်တော်အမတ်တွေက ကမ္ဘ္ဘာ့ဘဏ်ဥက္ကဌ ဒေးဗစ် မာလ်ပက်စ်ကို ပြီးခဲ့တဲ့တစ်ပတ်မှာ စာရေးသား ပေးပို့ခဲ့ပါတယ်။

တရုတ်ကိုချေးတဲ့ ငွေတွေအတွက် ဝေဖန်မှုဟာ အခုတစ်ပတ် Foreign Policy မဂ္ဂဇင်းရဲ့ သတင်းတစ်ပုဒ်ကြောင့် ပိုမိုကျယ်လောင်လာခဲ့ပါတယ်။

ရှင်ကျန်းက ပညာရေးစီမံကိန်းမှာ ချိုးဖောက်မှုတွေ မြောက်များစွာ ရှိနေတဲ့အတွက် ကမ္ဘ္ဘာ့ဘဏ်ရဲ့ ဂုဏ်သိက္ခာကို ထိန်းသိမ်းဖို့ ဒီကိစ္စကို စုံစမ်းစစ်ဆေးဖို့ လိုတယ်လို့ ကမ္ဘ္ဘာ့ဘဏ် ၀န်ထမ်းတစ်ယောက်က အမှုဆောင်ဒါရိုက်တာဆီ စာရေးသား ပေးပို့ခဲ့တယ်လို့ Foreign Policy က ဖော်ပြခဲ့တာပါ။

ကမ္ဘ္ဘာ့ဘဏ်ရဲ့ ပြောရေးဆိုခွင့်ရှိသူ သီးစ်ကတော့ ဒီစာမိတ္တူကို မရသေးဘဲ ဒီလိုချိုးဖောက်မှုမျိုး ရှိနိုင်တယ်လို့ ပြောကြားခဲ့ပါတယ်။

British Columbia တက္ကသိုလ်က ရှင်ကျန်းပြည်နယ်ဆိုင်ရာ သုတေသနပညာရှင် ရှောင်ကျန်းက ကမ္ဘ္ဘာ့ဘဏ်ရဲ့ စီမံကိန်းဟာ ရှင်ကျန်းက လူ့အခွင့်အရေးပြဿနာမှာ သွယ်ဝိုက်ပါဝင်နေတယ်ဆိုတာ ဖြစ်နိုင်တယ်လို Medium သတင်းဌာနရဲ့ သတင်းတစ်ပုဒ်မှာ ပြောကြားခဲ့ပါတယ်။

ကမ္ဘ္ဘာ့ဘဏ်က စီမံကိန်းကို စတင်ပြီးတဲ့နောက်ပိုင်း တစ်နှစ်ကို ၂ ကြိမ် ပုံမှန်စစ်ဆေးခဲ့ပြီး ဒီလိုချိုးဖောက်မှုမျိုး ရှိတယ်ဆိုတာကို အရင်က မတွေ့ခဲ့ရကြောင်း၊ အခုထွက်လာတဲ့ သတင်းတွေအတွက် တာဝန်ရှိသူတွေလွှတ်ကာ မြေပြင်စစ်ဆေးမှုတွေကိုပါ ပြုလုပ်သွားမှာဖြစ်ကြောင်း ကြာသာပတေးနေ့ ကြေငြာချက်မှာ ဖော်ပြထားပါတယ်။

Ref: NewYork Times