ဆော်ဒီအိမ်ရှေ့မင်းသားထံမှ ဒေါ်လာ၂၅ သန်းရခဲ့သည်ဟု ဆူဒန်အာဏာရှင်ဟောင်း ၀န်ခံ

စက်တင်ဘာ ၁၊ ၂၀၁၉
M-Media

-ဆော်ဒီအာရေဗျ အိမ်ရှေ့မင်းသား မိုဟာမက် ဘင် ဆလ်မန်ထံကနေ ကန်ဒေါ်လာ ၂၅ သန်း
ရယူခဲ့တယ်လို့ ဆူဒန်အာဏာရှင်ဟောင်း အိုမာရ် အလ်-ဘရှီးရ်က တရားရုံးမှာ ၀န်ခံပြောကြားလိုက်ပါတယ်။

နှစ်ပေါင်း ၃၀ ကြာ တိုင်းပြည်ကို အုပ်စိုးခဲ့တဲ့ အသက် ၇၅ နှစ်အရွယ် ဘရှီးရ်ဟာ ပြည်သူတွေရဲ့ အုံကြွ ဆန္ဒပြမှုကြောင့် ပြီးခဲ့တဲ့ ဧပြီလမှာ ရာထူးကနေ ဖြုတ်ချခံလိုက်ရတာပါ။ လက်ရှိမှာတော့ ခြစားမှု အပါအ၀င် အာဏာရှိစဉ် ကျူးလွန်ထားခဲ့တဲ့ ကိစ္စတွေအတွက် တရားရင်ဆိုင်နေရပါတယ်။

မနေ့က ပထမဆုံးရုံးချိန်းမှာ ဘရှီးရ်က ဘင် ဆလ်မန်ရုံးကနေ သူ့ရုံးကို ဖုန်းဆက်ခဲ့ပြီး ပုဂ္ဂလိက လေယာဉ်တစ်ခုနဲ့ ငွေတွေပေးပို့မယ်လို့ အကြောင်းကြားခဲ့ကြောင်း ထွက်ဆိုခဲ့ပါတယ်။

“အိမ်ရှေ့မင်းသားက သူနာမည် မပေါ်စေချင်ဘူးလို့ ကျွန်တော်တို့ကို ပြောပါတယ်။ ဆူဒန်ဘဏ် ဒါမှမဟုတ် ဘဏ္ဍာရေးဝန်ကြီးဌာနကို ငွေလွှဲလိုက်မယ်ဆိုရင် ဘယ်ကလွှဲလဲဆိုတာ ပေါ်လွင်နေမှာပါ”

အဲဒီ ကန်ဒေါ်လာ ၂၅ သန်းကို ကိုယ်ကျိုးအတွက်မသုံးခဲ့ဘဲ လှူခဲ့တယ်လို့လည်း ဘရှီးရ်က ပြောပါတယ်။

ဒီအမှုကို စုံစမ်းစစ်ဆေးနေသူတွေက ဘရှီးရ်ဟာ ဆော်ဒီ တော်ဝင်မိသားစုထံကနေ ကန်ဒေါ်လာ သန်း ၉၀ ငွေသား ရယူခဲ့တယ်လို့ တရားရုံးကို ပြောကြားခဲ့ပါတယ်။

ဒီကိစ္စနဲ့ပတ်သက်ပြီး ဆော်ဒီဖက်က သတင်းထုတ်ပြန်တာမျိုး မရှိသေးပါဘူး။

ဘရှီးရ်က ဘင် ဆလ်မန်ထံကနေ သူရတဲ့ ငွေတွေကို ပြည်သူ့စစ် Rapid Support Forces အဖွဲ့ထံ ဒေါ်လာ ၅ သန်း၊ တက္ကသိုလ်တစ်ခုကို ၄ သန်းနဲ့ စစ်ဆေးရုံတစ်ခုကို ၃ သန်း ပေးခဲ့ကြောင်း၊ ဒါပေမယ့် ဒီငွေတွေကို ဘယ်လိုအသုံးပြုလဲဆိုတာ မှတ်တမ်း မရှိတော့ကြောင်း တရားရုံးမှာ ထွက်ဆိုခဲ့ပါတယ်။

ဘရှီးရ်ရဲ့ရှေ့နေက အာမခံပေးဖို့ လျှောက်ထားခဲ့ပေမယ့် တရားရုံးက ပယ်ချခဲ့ပါတယ်။

ဘရှီးရ်ကို ဖမ်းဆီးစဉ် သူ့ရဲ့နေအိမ်မှာ နိုင်ငံခြားငွေအမြောက်အများကို သိမ်းဆည်းရမိခဲ့ပါတယ်။ ဆန္ဒပြသူတွေကို သတ်ဖြတ်မှုအတွက်လည်း ဘရှီးရ်ဟာ တရားစွဲဆိုခံထားရပါတယ်။

၂၀၀၀ ပြည့်နှစ်တွေက ဒါဖာရ်ဒေသမှာ ဖြစ်ပွားခဲ့တဲ့ မတည်ငြိမ်မှုတွေမှာ စစ်ရာဇ၀တ်မှုတွေ၊ လူမျိုးတုန်းသတ်ဖြတ်မှုတွေ ကျူးလွန်ခဲ့မှုအတွက် နိုင်ငံတကာ ရာဇ၀တ်ခုံရုံးကလည်း ဘရှီးရ်ကို အလိုရှိနေပါတယ်။

Ref: Aljazeera