အိန္ဒိယနိုင်ငံ အာသံပြည်နယ်တွင် လူ ၂ သန်းနီးပါး နိုင်ငံသားဖြစ်ခွင့် ဆုံးရှုံး

စက်တင်ဘာ ၁၊ ၂၀၁၉
M-Media

-အိန္ဒိယနိုင်ငံ အရှေ့မြောက်ပိုင်း အာသံပြည်နယ်မှာ နိုင်ငံသားစာရင်းတစ်ခုကို မနေ့က ထုတ်ပြန်ခဲ့ရာမှာ လူပေါင်း ၂ သန်းနီးပါးလောက် စာရင်းမပါဝင်ခဲ့ဘဲ နိုင်ငံမဲ့ဖြစ်မယ့် အနေအထားကို ရင်ဆိုင်နေရပါတယ်။

နိုင်ငံသားနဲ့ နိုင်ငံသားမဟုတ်သူတွေ စီစစ်ရေးလုပ်ငန်းကို အိန္ဒိယအစိုးရက အာသံပြည်နယ်မှာ နှစ်ချီ အချိန်ယူ လုပ်ဆောင်ခဲ့တာာဖြစ်ပြီး နိုင်ငံသားစီစစ်ရေးစာရင်း (NRC) ခေါင်းစဉ်နဲ့ စာရင်းထုတ်ပြန်ခဲ့တာ ဖြစ်ပါတယ်။

နိုင်ငံသားစာရင်းမှာ လူပေါင်း ၃၁.၁ သန်း ပါဝင်ခဲ့ပြီး ၁.၉ သန်းလောက်ကတော့ နိုင်ငံသားအရည်အချင်း ပြည့်မီခြင်း မရှိတဲ့အတွက် မပါဝင်ခဲ့ဘူးလို့ အာသံအစိုးရက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

“NRC လုပ်ငန်းစဉ်တစ်ခုလုံကို တိတိကျကျနဲ့ ပွင့်လင်းမြင်သာမှုရှိရှိ ဆောင်ရွက်ခဲ့တာ ဖြစ်ပါတယ်။ အဆင့်တိုင်းမှာ ပြည်သူတွေကို အတိုင်းအတာတစ်ခုအထိ ချပြခဲ့ပါတယ်။ အဆင့်တိုင်းမှာလည်း ပြဌာန်းဥပဒေတွေ၊ သတ်မှတ်ချက်တွေအတိုင်း ဆောင်ရွက်ခဲ့တာ ဖြစ်ပါတယ်”

နိုင်ငံသားစီစစ်ရေးလုပ်ငန်းဟာ အိမ်နီးချင်း ဘင်္ဂလားဒေ့ရ်ှနိုင်ငံက တရားမ၀င် ၀င်ရောက်လာသူတွေကို ဖော်ထုတ်ကာ၊ ပြန်ပို့ဖို့ လုပ်ဆောင်တာဖြစ်တယ်လို့လည်း အာသံအစိုးရက ပြောကြားခဲ့ပါတယ်။

၁၉၇၁ ခုနှစ် ဘင်္ဂလားဒေ့ရ်ှလွတ်လပ်ရေး စစ်ပွဲအတွင်း သန်းနဲ့ချီတဲ့ ဘင်္ဂါလီ ဟိန္ဒူတွေနဲ့ ဘင်္ဂါလီ
မွတ်စလင်တွေဟာ အိန္ဒိယနိုင်ငံထဲ ထွက်ပြေးလာခဲ့ကြပါတယ်။ အာသံ ဒေသခံတွေကတော့ ပြောင်းရွှေ့အခြေချသူတွေဟာ မြေတွေ၊ အလုပ်အကိုင်တွေ ရယူသွားတယ်လို့ ပြောဆိုကြပါတယ်။ ဘင်္ဂလားဒေ့ရ်ှက ၀င်ရောက်လာသူတွေကို ဆန့်ကျင်တဲ့ လှုပ်ရှားမှုတွေလည်း အာသံပြည်နယ်မှာ အရင်က ဖြစ်ပေါ်ခဲ့ပြီး လူထောင်ချီ သေဆုံးတဲ့ အကြမ်းဖက်မှုတွေအထိ ဦးတည်ခဲ့ပါတယ်။

အာသံပြည်နယ်မှာ နိုင်ငံသားစီစစ်ရေးလုပ်ငန်းကို ၁၉၅၁ ခုနှစ်ကတည်းက စတင် လုပ်ဆောင်ခဲ့တာပါ။ နောက်ဆုံး စီစစ်မှုကိုကို ၂၀၁၅ ခုနှစ်မှာ လုပ်ဆောင်ခဲ့ပြီး အိန္ဒိယ တရားရုံးချုပ်က တိုက်ရိုက် ကိုင်တွယ်တာ ဖြစ်ပါတယ်။ ဥပေဒအရ ၁၉၇၁ ခုနှစ်မတိုင်ခင် ပြည်နယ်အတွင်းမှာ ရှိနေကြတဲ့သူတွေဟာ နိုင်ငံသားဖြစ်ခွင့် ရရှိမှာ ဖြစ်ပါတယ်။

အရင်ကထက် လျော့သွား

နိုင်ငံသားဖြစ်ကြောင်း ပြည်သူ ၃၃ သန်းက တင်သွင်းတဲ့ အထောက်အထားတွေကို တာဝန်ရှိသူတွေက စစ်ဆေးကာ ဇူလိုင်လမှာ နိုင်ငံသားစာရင်း အကြမ်းတစ်ခုကို ထုတ်ပြန်ခဲ့ပါတယ်။

အဲဒီအချိန်က လူ ၄ သန်းလောက် နိုင်ငံသားဖြစ်ခွင့်မရခဲ့ဘဲ အခုနောက်ဆုံးထုတ်ပြန်တဲ့
နိုင်ငံသားစာရင်းမှာ နိုင်ငံသားဖြစ်ခွင့်မရသူအရေအတွက် နည်းသွားပြီး ၁.၉ သန်း ရှိပါတယ်။

စာရင်းမှာ ပါဝင်ခြင်းမရှိတဲ့သူတွေဟာ ရက်ပေါင်း ၁၂၀ အတွင်း နိုင်ငံသားဖြစ်ကြောင်း အထောက်အထားတွေကို တရားရေးဌာနက ဖွဲ့စည်းထားတဲ့ အထူးခုံရုံးတွေကို တင်သွင်းရမှာ ဖြစ်ပါတယ်။ လက်ရှိ အာသံပြည်နယ်မှာ နိုင်ငံသားဖြစ်ကြောင်း စီစစ်မယ့် အထူးခုံရုံးဟာ ၁၀၀ လောက်ရှိနေပြီး နောက်ထပ် ၂၀၀ ထပ်မံဖွဲ့စည်းဖို့လည်း အိန္ဒိယအစိုးရက ပြင်ဆင်နေပါတယ်။ အဲဒီခုံရုံးဟာ တင်သွင်းလာတဲ့ အထောက်အထားတွေကို ၆ လအတွင်း စီစစ်မှာ ဖြစ်ပါတယ်။

နိုင်ငံသားမဖြစ်သူတွေအနေနဲ့ ထောင်ဒဏ်၊ ပြည်နှင်ဒဏ်တွေ ခံစားရမယ့်အပြင် အခြားနိုင်ငံသားအခွင့်အရေးတွေ ဆုံးရှုံးရလိမ့်မယ်လို့ လူ့အခွင့်အရေးအဖွဲ့တွေက ဆိုပါတယ်။

လက်ရှိမှာ အထောက်အထားမရှိတဲ့ ရွှေ့ပြောင်းအခြေချသူ ၁၀၀၀ နီးပါးကို အာသံမှာ ဖမ်းဆီးထိန်းသိမ်းထားပြီး၊ နောက်ထပ် ထိန်းသိမ်းရေးစခန်း ၁၀ ခုကိုလည်း အိန္ဒိယအစိုးရက တည်ဆောက်နပါတယ်။

နိုင်ငံသားစာရင်းမှာ မပါဝင်သူတွေအများစုဟာ မွတ်စလင်တွေဖြစ်တာကြောင့် အာဏာရ ဟိန္ဒူအမျိုးသားရေးပါတီ BJP ဟာ မွတ်စလင်တွေကို ပစ်မှတ်ထားပြီး နှင်ထုတ်ဖို့ကြိုးစားနေတယ်လို့ ဝေဖန်မှုတွေလည်း ရှိနေပါတယ်။

Ref: Aljazeera