တောင်အာဖရိကတွင် နိုင်ငံခြားသားဆိုင်များကို ဖျက်ဆီးလုယက်မှုဖြစ်ပွား

စက်တင်ဘာ ၄၊ ၂၀၁၉
M-Media

-တောင်အာဖရိကနိုင်ငံမှာ နိုင်ငံခြားသားတွေကို ပစ်မှတ်ထားတဲ့ အကြမ်းဖက်တိုက်ခိုက်မှုတွေ ပြီးခဲ့တဲ့ ၂ ရက်အတွင်းမှာ ဖြစ်ပွားခဲ့တာကြောင့် အနည်းဆုံး ၅ ဦးသေဆုံးပြီး ဈေးဆိုင်တွေလည်းလုယက်ဖျက်ဆီး ခံခဲ့ရပါတယ်။

တိုက်ခိုက်လုယက်မှုတွေဟာ မြို့တော် ဂျိုဟန်နစ္စဘတ်က အလက်ဇန်းဒရာမြို့နယ်မှာ တနင်္လာနေ့က စတင်ဖြစ်ပွားခဲ့တာဖြစ်ပြီး မနေ့မှာတော့ ရဲတပ်ဖွဲ့က လူ ၁၈၉ ဦးကို ဖမ်းဆီးခဲ့ပါတယ်။

လုယက်သူတွေနဲ့ ရဲတပ်ဖွဲ့ဝင်တွေအကြား ထိပ်တိုက်တွေ့ဆုံမှု ဖြစ်ပွားခဲ့ပြီး၊ ရဲတပ်ဖွဲ့က ရာဘာကျည်ဆံတွေနဲ့ ပစ်ခစ်ဖြိုခွင်းခဲ့ရပါတယ်။ ဒီအဖြစ်အပျက်အတွင်း ၅ ဦးသေဆုံးကာ အများစုက တောင်အာဖရိကနိုင်ငံသားတွေ ဖြစ်ပါတယ်။

နိုင်ငံခြားသားတွေနဲ့ တောင်အာဖရိကနိုင်ငံသားတွေ ပိုင်ဆိုင်တဲ့ ဈေးဆိုင်ပေါင်း ၂ ဒါဇင်လောက် လုယက်ဖျက်ဆီးခံခဲ့ရတဲ့ ဒီတိုက်ခိုက်မှု နောက်ကွယ်က အကြောင်းအရင်းကို မသိရသေးဘူးလို့ တောင်အာဖရိက ရဲတပ်ဖွဲ့က ထုတ်ပြန်ပါတယ်။

တောင်အာဖရိကသမ္မတ ဆိုင်ရီလ် ရာမာဖိုဆာက ဒီလိုအကြမ်းဖက်မှုမျိုးကို နှိမ်နှင်းသွားမယ်လို့ ကတိပြု ပြောကြားခဲ့ပါတယ်။

“နိုင်ငံခြားသားတွေအပေါ် တောင်အာဖရိက နိုင်ငံသားတွေက တိုက်ခိုက်မှုအတွက် ဘယ်လိုဆင်ခြေမျိုးမှ ပေးလို့ မရပါဘူး”

တနင်္လာနေ့က မြို့တော် ဂျိုဟန်နစ္စဘတ် မြို့လယ်ကောင်မှာ နိုင်ငံခြားသားတွေ တိုင်းပြည်အတွင်းကနေ ထွက်သွားရေး ချီတက် ဆန္ဒထုတ်ဖော်မှုတွေ ဖြစ်ပွားပြီးတဲ့နောက် နိုင်ငံခြားသားပိုင် လုပ်ငန်းတွေအပေါ် ပစ်မှတ်ထားတိုက်ခိုက်မှု ပေါ်ပေါက်လာခဲ့တာပါ။

တောင်အာဖရိကနိုင်ငံဟာ အိမ်နီးချင်းနိုင်ငံကလူတွေ လာရောက်အလုပ်လုပ်ကိုင်ရာ အဓိကနေရာဖြစ်နေပြီး အထူးသဖြင့် လီဆိုသို၊ မိုဇမ်ဘစ်နဲ့ ဇင်ဘာဘွေနိုင်ငံတို့က လာရောက်လုပ်ကိုင်သူတွေ များပြားပါတယ်။

နိုင်ငံခြားသားတွေဟာ မူးယစ်ဆေးဝါး ရောင်းချတာ၊ အလုပ်အကိုင် ခိုးယူတာတွေ ရှိတယ်ဆိုတဲ့လှုံ့ဆော်မှုတွေလည်း တောင်အာဖရိကပြည်သူတွေကြားမှာ ပြန့်နှံ့နေပါတယ်။ တနင်္လာနေ့က ဆိုရှယ်မီဒီယာမှာ လွှင့်တင်ထားတဲ့ လက်ကမ်းကြော်ငြာတစ်ခုမှာ တောင်အာဖရိက ပြည်သူတွေအနေနဲ့ သူတို့အနီးအနားမှာရှိတဲ့ နိုင်ငံခြားသားတွေကို ရှာဖွေမောင်းထုတ်ဖို့ တိုက်တွန်းထားပါတယ်။

Ref: Aljazeera