မဒီနာမှ တမန်တော်မြတ်ဗလီတိုးချဲ့မှု သမိုင်းဝင် မှတ်တမ်းများကို ဆော်ဒီရရှိ

စက်တငဘာ ၇၊ ၂၀၁၉
M-Media

-မဒီနာက “တမန်တော်မြတ် ဗလီဝတ်ကျောင်းတော်” (မတ်စ်ဂျစ်ဒ် နဗဝီ) တိုးချဲ့မှုနဲ့ သက်ဆိုင်တဲ့ သမိုင်းဝင် မှတ်တမ်းတွေကို ဆော်ဒီ ယဉ်ကျေးမှုဝန်ကြီးဌာနက ရရှိခဲ့ပါတယ်။

ဆော်ဒီအာရေဗျကို တည်ထောင်သူ ဘုရင် အဘ်ဒူလ် အဇစ်လက်ထက် ၁၉၅၀ ပြည့်နှစ်တွေက တမန်တော်မြတ်ဗလီဝတ်ကျောင်းတော် ပရဝုဏ်ကို တိုးချဲ့ခဲ့ပြီး ဒါဟာ ဆော်ဒီအာရေဗျနိုင်ငံ ပေါ်ပေါက်လာပြီးနောက်ပိုင်း ပထမဆုံးပြုလုပ်တဲ့ တိုးချဲ့မှုဖြစ်ပါတယ်။

ဗိသုကာဆိုင်ရာ ပုံကြမ်းတွေ၊ ဒီဇိုင်းတွေနဲ့ ဓာတ်ပုံတွေအပါအ၀င် ၀တ်ကျောင်းတော်တိုးချဲ့မှုနဲ့ သက်ဆိုင်တဲ့ စာရွက်စာတမ်းပေါင်း ၂၇၁ ခုကို ဆော်ဒီ ယဉ်ကျေးမှု ၀န်ကြီးဌာနက ရရှိခဲ့ပြီး King Fahd အမျိုးသား စာကြည့်တိုက်ကို လွှဲပြောင်းပေးအပ်ခဲ့ပါတယ်။ ဒီအထောက်အထားတွေဟာ တမန်တော်မြတ်ဗလီရဲ့ သမိုင်းဝင်မှတ်တမ်းလည်း ဖြစ်ပါတယ်။

တမန်တော်မြတ်ဗလီဝတ်ကျောင်းတော်ကို အေဒီ ၆၂၂ ခုနှစ် တမန်တော် မုဟမ္မဒ်သခင် မက္ကာကနေ မဒီနာကို ရွှေ့ပြောင်းတဲ့အချိန်မှာ တည်ဆောက်ခဲ့တာပါ။ တမန်တော်နဲ့ သူ့ရဲ့ သာဝကကြီးတွေရဲ့ လုပ်အား ပါဝင်ခဲ့တဲ့ အဲဒီဗလီဟာ မူလက စွန်ပလွံပင်၊ စွန်ပလွံခက်နဲ့ ရွံ့စေးတွေကို အသုံးပြုပြီး တည်ဆောက်ခဲ့တာ ဖြစ်ပါတယ်။

သက္ကရာဇ် ၇၀၇ ခုနှစ်မှာ ဗလီဝတ်ကျောင်းတော်ကို ပထမဆုံး ပြုပြင်မွမ်းမံခဲ့ပါတယ်။

ကမ္ဘ္ဘာတစ်ဝှမ်းက အစ္စလာမ်ဘာသာဝင်တွေကတော့ “မတ်စ်ဂျစ်ဒ် နဗဝီ” ဗလီကို မက္ကာက “မတ်စ်ဂျစ်ဒ် ဟရမ်” ဗလီ ပြီးရင်း ဒုတိယမြောက် အမြင့်မြတ်ဆုံးလို့ မှတ်ယူထားပါတယ်။

Ref: Arab News