သောကြာနေ့ ဘောလုံးသတင်းများ

စက်တင်ဘာ ၁၃၊ ၂၀၁၉
M-Media

လူမျိုရေးခွဲခြားမှုကို တုန့်ပြန်ရန် အင်္ဂလန်ကစားသမားများကို အကြံဉာဏ်ပေးမည်
=====================
အောက်တိုဘာလ ၁၄ ရက်နေ့ ဘူလ်ဂေးရီးယားက ယူရို ၂၀၂၀ခြေစစ်ပွဲမှာ လူမျိုးရေးခွဲခြားခံရရင် ဘယ်လိုတုန့်ပြန်ရမလဲဆိုတာနဲ့ ပတ်သက်ပြီး အကြံဉာဏ်ပေးဖို့အတွက် ကစားသမားတွေကို ခေါ်တွေ့မယ်လို့ အင်္ဂလန်နည်းပြ ဆောက်ဂိတ်ကပြောကြားလိုက်ပါတယ်။ အင်္ဂလန်ကစားသမားတွေဟာ ၂၀၁၁ ခုနှစ်က ဘူလ်ဂေးရီးယားမှာ လူမျိုးရေးခွဲခြား ခံရဖူးပါတယ်။ ဇွန်လက ကစားခဲ့တဲ့ ပွဲစဉ်တစ်ခုမှာ ပရိတ်သတ်တွေကပြိုင်ဘက်ကစားသမားတွေကို လူမျိုးရေးခွဲခြားခဲ့တာကြောင့် ရှေ့လာမယ့်အင်္ဂလန်နဲ့ ချက်အသင်းတို့ပွဲစဉ်မှာ အိမ်ရှင်ဘူလ်ဂေးရီးယားဟာ ကွင်းရဲ့ တစ်စိတ်တစ်ပိုင်းကို ပိတ်ထားရမှာပါ။ ဆောက်ဂိတ်ကတော့ အဲဒီကိုသွားကစားရင် တစ်ခုခုဖြစ်နိုင်တယ်ဆိုတဲ့ စိုးရိမ်မှုမျိုး ရှိတဲ့အတွက်ကြိုတင်ပြင်ဆင်မှုမျိုး လုပ်ထားမယ်လို့ ဆိုပါတယ်။

ပရီးမီးယားလိဂ်တွင် VAR ဖြင့်ဆုံးဖြတ်ရန် ပျက်ကွက်မှု ၄ ခု ရှိခဲ့
==================
အခုနှစ် ပရီးမီးယားလိဂ် ၄ ပွဲကစားပြီးချိန်မှာ VAR အသုံးပြုပြီး မှန်ကန်တဲ့ဆုံးဖြတ်ချက်ချဖို့လစ်ဟင်းခဲ့တဲ့ အရေအတွက် ၄ ခုရှိတယ်လို့ ဆိုပါတယ်။ ၄ ပွဲမှာ ဂိုး၊ အနီကဒ်၊ ပြစ်ဒဏ်ကျူးလွန်မှုအပါအ၀င် ဆုံးဖြတ်ချက် ၂၂၇ ခုရှိခဲ့ပြီး အဲဒီအထဲက VAR နဲ့ ၆ ခုကိုပြင်ဆင်နိုင်ခဲ့ပါတယ်။ ဒါပေမယ့် ပြင်ဆင်ဖို့ပျက်ကွက်ခဲ့တဲ့ ဆုံးဖြတ်ချက်က ၄ ခုရှိခဲ့ပြီး အဲဒါတွေက ပင်နယ်တီပေးဖို့ ပျက်ကွက်မှု ၂ ခု၊ ကစားသမားတစ်ဦးကို ထုတ်ပယ်ဖို့ ပျက်ကွက်မှု ၁ ခုနဲ့ ဂိုးရသွားစေတဲ့ လက်ထိဘောကို ပြစ်ဒဏ်ပေးဖို့ ပျက်ကွက်မှု ၁ ခု တို့ ဖြစပါတယ်။ ဒါပေမယ့် ခြုံငုံသုံးသပ်ရင် VAR အသုံးပြုမှုဟာ ကျေနပ်စရာကောင်းတဲ့ အတိုင်းအတာရှိနေတယ်လို့ ပရီးမီးယားလိဂ် ဒိုင်လူကြီးအဖွဲ့ အကြီးအကဲ မိုက်ရီလေးက ပြောကြားခဲ့ပါတယ်။

Ref: BBC