ရန်ကုန်ရှိ တီဘီလူနာများကို အဆင့်မြင့်စက်များဖြင့် စမ်းသပ်စစ်ဆေးကုသမည်

အောက်တိုဘာ ၄၊ ၂၀၁၉
M-Media

-ရန်ကုန်မြို့က မြို့နယ် ၅ ခုမှာ ရှိနေတဲ့ တီဘီရောဂါ သံသယလူနာတွေကို နောက်ဆုံးပေါ် GeneXpert စက်ကို အသုံးပြုကာ စမ်းသပ်စစ်ဆေး ကုသမှုတွေ လုပ်ဆောင်သွားမယ်လို့ ကျန်းမာရေးတာဝန်ရှိသူတွေက ပြောကြားလိုက်ပါတယ်။

လှိုင်သာယာ၊ ရွှေပြည်သာ၊ အင်းစိန်၊ မင်္ဂလာဒုံနဲ့ မရမ်းကုန်းမြို့နယ်တွေမှာ စမ်းသပ် စစ်ဆေးမှုတွေ လုပ်ဆောင်သွားမှာဖြစ်တယ်လို့ ရန်ကုန် အမျိုးသား တီဘီရောဂါတိုက်ဖျက်ရေး အစီအစဉ် အကြီးအကဲ ဒေါက်တာ ဇော်မြင့်က ပြောကြားခဲ့ပါတယ်။

“ဒီစက်ကိုအသုံးပြုပြီး စမ်းသပ်စစ်ဆေးတာအပြင် ဆေးယဉ်ပါး တီဘီရောဂါအတွက် ကုသမှုတွေလည်း ကျွန်တော်တို့ လုပ်ဆောင်ပေးသွားမှာပါ။ အရင်က ဆေးယဉ်ပါး တီဘီရောဂါကို စမ်းသပ်စစ်ဆေးရာမှာ ဒီစက်ကို အသုံးပြုခဲ့ပေမယ့် အခုတော့ အခြား တီဘီလူနာတွေအတွက်ပါ အသုံးပြုမှာ ဖြစ်ပါတယ်”

လက်ရှိ ရန်ကုန်မှာ GeneXpert စက် ၂၂ လုံး ရှိနေပြီး အခုနှစ်မကုန်ခင် နောက်ထပ် ၄ လုံး ထပ်ပြီး ချထားဖို့ ရှိနေပါတယ်။ လှိုင်သာယာ၊ ရွှေပြည်သာ၊ အင်းစိန်၊ မင်္ဂလာဒုံ၊ တောင်ဒဂုံနဲ့ မရမ်းကုန်းမြို့နယ်တွေဟာ ရန်ကုန်မြို့မှာ တီဘီရောဂါ ဖြစ်ပွားမှုအမြင့်ဆုံး မြို့နယ်တွေ ဖြစ်ပါတယ်။

ပုံမှန် တီဘီရောဂါသည်တွေဟာ ၆ လကနေ ၈ လအထိ ဆေးစွဲသောက်ရပေမယ့်၊ ဆေးယဉ်ပါ တီဘီရောဂါကတော့ ၁၁ လနေ တစ်နှစ်အထိ သောက်သုံးရပါတယ်။

ရန်ကုန်တိုင်းဒေသကြီး ကျန်းမာရေးဦးစီးဌာနရဲ့ လက်ထောက်ညွှန်ကြားရေးမှူး ဒေါက်တာထွန်းမြင့်က တီဘီရောဂါဖြစ်ပွားမှုနှုန်း လျော့ချဖို့ဆိုရင် ပြည်သူလူထုရဲ့ ပူးပေါင်းပါဝင်မှု လိုအပ်ပြီး ဒါမှသာ ရလဒ်ကောင်းကို ရရှိမှာဖြစ်တယ်လို့ ပြောကြားခဲ့ပါတယ်။

၂၀၁၈ ခုနှစ်အတွင်း ရန်ကုန်မြို့မှာ တီဘီလူနာ ၃၃၀၀၀ ကျော်ကို ကုသပေးခဲ့ပါတယ်။ တီဘီရောဂါဟာ မြန်မာနိုင်ငံမှာ အဓိက ရောဂါတစ်ခုဖြစ်နေပြီး ကမ္ဘာ့တီဘီရောဂါဖြစ်ပွားမှု အများဆုံး နိုင်ငံ ၃၀ စာရင်းမှာ မြန်မာနိုင်ငံလည်း ပါဝင်နေပါတယ်။

ရန်ကုန်တိုင်းဒေသကြီးအစိုးရကတော့ တီဘီရောဂါတိုက်ဖျက်ရေးအတွက် ၂ နှစ်တာစီမံကိန်းတစ်ခုကို အခုနှစ် ဇန်နဝါရီလမှာ ချမှတ်ခဲ့ပါတယ်။

Ref: mmtimes

(Myanmar Times အင်္ဂလိပ်ပိုင်းမှသတင်းကို ကောက်နှုတ်ဘာသာပြန်ဆိုပါသည်)