ယခုနှစ်အတွင်း လူကုန်ကူးမှု ၁၉၁ မှုကို ဖော်ထုတ်နိုင်ခဲ့သည်ဟု ရဲတပ်ဖွဲ့ပြော

အောက်တိုဘာ ၅၊ ၂၀၁၉
M-Media

-အခုနှစ်အတွင်း လူကုန်ကူးမှု စုစုပေါင်း ၁၉၁ ခုကို ကိုင်တွယ်စစ်ဆေးခဲ့ပြီး လူကုန်ကူးသူ ၅၅၆ ဦးကို တရားစွဲဆိုနိုင်ခဲ့တယ်လို့ မြန်မာနိုင်ငံ ရဲတပ်ဖွဲ့ လူကုန်ကူးမှုတိုက်ဖျက်ရေးဌာနက ထုတ်ပြန်ပြောကြားလိုက်ပါတယ်။

ဗုဒ္ဓဟူးနေ့က ထုတ်ပြန်တဲ့ ကြေငြာချက်မှာ အခုနှစ် ၉ လအတွင်း လူကုန်ကူးမှု ၁၉၁ ခုမှာ လူကုန်ကူးခံရသူ ၂၇၉ ဦး ရှိခဲ့တယ်လို့ ဖော်ပြထားပါတယ်။

စက်တင်ဘာလအတွင်း စုံစမ်းစစ်ဆေးခဲ့တဲ့ လူကုန်ကူးမှုအရေအတွက်က ၁၅ ခုရှိပြီး ကလေးငယ် ၇ ဦးအပါအ၀င် ၂၅ ဦး လူကုန်ကူးခံရကာ အယောက် ၅၀ လောက် တရားစွဲခံခဲ့ရပါတယ်။

ဒုတိယသမ္မတ ဟင်နရီ ဗန်ထီးယူက မြန်မာနိုင်ငံမှာ လူကုန်ကူးမှု အရေအတွက် သိသိသာသာ ကျဆင်းသွားပေမယ့်၊ လူကုန်ကူးဂိုဏ်းတွေဟာ ဖမ်းဆီးမှုကို ရှောင်ရှားဖို့ ကြိုးပမ်းလာကြတယ်လို့ မကြာသေးခင်က ပြောကြားခဲ့ပါတယ်။

ကုလက ထုတ်ပြန်တဲ့ ကမ္ဘ္ဘာ့လူကုန်ကူးမှု အစီရင်ခံစာ Trafficking in Persons 2018 မှာ မြန်မာနိုင်ငံအတွင်း လူကုန်ကူးမှုကို ခံစားရသူ အများစုဟာ အမျိုးသမီးတွေ ဖြစ်တယ်လို့ ဖော်ပြထားပါတယ်။

လူကုန်ကူးခံရသူတွေရဲ့ ၈၀ ရာခိုင်နှုန်းဟာ တရုတ်နိုင်ငံကို သွားရောက်ကြတာဖြစ်ပြီး ၁၅ ရာခိုင်နှုန်းက နိုင်ငံအတွင်း လူကုန်ကူးခံရတာ ဖြစ်တယ်လို့ မြန်မာအစိုးရက ထုတ်ပြန်ထားပါတယ်။ ထိုင်းနိုင်ငံကို လူကုန်ကူးခံရသူ အရေအတွက်ကတော့ ၁ ရာခိုင်နှုန်း ရှိပါတယ်။

လူကုန်ကူးမှုရဲ့ ၇၅ ရာခိုင်နှုန်းဟာ အဓမ္မ လက်ထပ်ခိုင်းမှုဖြစ်ပြီး ၁၃.၅ ရာခိုင်နှုန်းက ပြည့်တန်ဆာလုပ်ငန်း၊ ၉ ရာခိုင်နှုန်းက အဓမ္မလုပ်အားခိုင်းစေမှု၊ ၂ ရာခိုင်နှုန်းက အငှားကိုယ်ဝန်ဆောင်ခိုင်းမှုနဲ့ ၀.၅ ရာခိုင်နှုန်းက ကလေးမွေးစားမှု ဖြစ်ပါတယ်။

ရှမ်းပြည်နယ်နဲ့ ကချင်ပြည်နယ်က ထောင်နဲ့ချီတဲ့အမျိုးသမီးတွေဟာ တရုတ်မယားအဖြစ် လိမ်လည် ရောင်းစားမှုကို ခံနေရတယ်လို့ ၂၀၁၈ ခုနှစ် ဒီဇင်ဘာလ Johns Hopkins Bloomberg School of Public Health အဖွဲ့က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

၂၀၀၅ ခုနှစ် ဥပဒေအရ လူကုန်ကူးမှုအတွက် အမြင့်ဆုံး ထောင်ဒဏ် ၁၀ နှစ်ဖြစ်စေ၊ ဒဏ်ငွေဖြစ်စေ ဒဏ်နှစ်မျိုးစလုံးဖြစ်စေ ချမှတ်နိုင်ပါတယ်။

Ref: mmtimes

(Myanmar Times အင်္ဂလိပ်ပိုင်းမှသတင်းကို ကောက်နှုတ် ဘာသာပြန်ဆိုပါသည်)