ပင်လယ်ကွေ့ဒေသတစ်ခုလုံးကို Hyperloop စနစ်ဖြင့် ချိတ်ဆက်မည်

အောက်တိုဘာ ၇၊ ၂၀၁၉
M-Media

-အာရပ်စော်ဘွားများပြည်ထောင်စု (ယူအေအီး) တစ်နိုင်ငံလုံးအပြင် ပင်လယ်ကွေ့ ဒေသတစ်ခုလုံးမှာ Hyperloop ပို့ဆောင်ရေးစနစ်နဲ့ လွှမ်းခြုံချိတ်ဆက်ဖို့ ရည်မှန်းထားတယ်လို့ Virgin Hyperloop One ကုမ္ပဏီက ပြောကြားလိုက်ပါတယ်။

Virgin Hyperloop One ကုမ္ပဏီဟာ လက်ရှိ ဒူဘိုင်းနဲ့ အိန္ဒိယတို့မှာ Hyperloop စနစ် အကောင်အထည်ပေါ်လာရေး ဆောင်ရွက်နေတာပါ။

“ပင်လယ်ကွေ့ဒေသတစ်ဝိုက် ဆက်သွယ်ချိတ်ဆက်ဖို့အတွက် ကျွန်တော်တို့ ရည်မှန်းထားပါတယ်။ အဘူဒါဘီကနေ ရီယာ့ဒ်ကို ၄၈ မိနစ်၊ ဒူဘိုင်းကနေ အဘူဒါဘီကို ၁၁ မိနစ်လောက်နဲ့ သွားနိုင်မှာပါ။ ဒီစနစ်က ဒေသတစ်ခုလုံးကိုလည်း အထူး အကျိုးဖြစ်ထွန်းစေမှာပါ။ အဲဒီလို ဆက်သွယ်ချိတ်ဆက်နိုင်ပြီဆိုရင် စီးပွားရေးအရ အရေးပါတဲ့ ဒေသတစ်ခု ဖြစ်လာပါလိမ့်မယ်” လို့ Virgin Hyperloop One ရဲ့ အရှေ့အလယ်ပိုင်းနဲ့ အိန္ဒိယဆိုင်ရာ မန်းနေးဂျင်းဒါရိုက်တာ ဟာ့ဂ်ျ ဒါလီဝါလ်က ပြောကြားခဲ့ပါတယ်။

Virgin Hyperloop One ကုမ္ပဏီဟာ ပြီးခဲ့တဲ့ တစ်လအရင်ကလည်း ဆော်ဒီအာရေဗျက ကင်းအဘ်ဒူလာ စီးပွားရေးမြို့တော်ရဲ့ အာဏာပိုင်တွေနဲ့ သဘောတူညီချက်တစ်ခု ရရှိခဲ့ပြီး Hyperloop နဲ့ပတ်သက်တဲ့ အခွင့်အလမ်းတွေ ရှာဖွေဖို့၊ တီထွင်ဆန်းသစ်မှုတွေ ပြုလုပ်ဖို့ ဖြစ်ပါတယ်။

ဒါလီဝါလ်က ၂၀၂၅ မှာ လုပ်ကိုင်ခွင့်တွေ ရရှိဖို့နဲ့ ၂၀၂၇-၂၈ ကျရင် ယူအေအီးနဲ့ ပင်လယ်ကွေ့နိုင်ငံတွေမှာ Hyperloop အပြည့်အ၀ လည်ပတ်နိုင်ဖို့ လုပ်ဆောင်နေတယ်လို့ ထည့်သွင်း ပြောကြားခဲ့ပါတယ်။

Hyperloop နဲ့ ပတ်သက်တဲ့ ထုတ်လုပ်မှုတွေကို ယူအေအီးနဲ့ ဆော်ဒီအာရေဗျတို့မှာ လုပ်ဆောင်နိုင်တဲ့ အနေအထား ရှိတယ်လို့လည်း သူက ဆိုပါတယ်။

လက်ရှိ အိန္ဒိယနိုင်ငံမှာလည်း Hyperloop ပို့ဆောင်ရေးစနစ်ကို Virgin Hyperloop One က အကောင်အထည်ဖော်နေပါတယ်။ ၁၁.၈ ကီလိုမီတာရှည်လျားပြီး မွမ်ဘိုင်းနဲ့ ပူနေးတို့ကို ဆက်သွယ်မယ့် Hyperloop လိုင်း အဆင့် ၁ ကို လာမယ့်နှစ် တတိယ ၃ လပတ်မှာ စတင်ကာ ၂၀၂၄ ခုနှစ်မှာ ပြီးစီးဖို့ ရည်မှန်းထားပါတယ်။

Ref: Khaleej Times