ဝန်ထမ်းများ လစာပေးရန် ကုလတွင် ငွေကြေးမလောက်တော့ဟု အတွင်းရေးမှူးပြော

အောက်တိုဘာ ၉၊ ၂၀၁၉
M-Media

-အဖွဲ့ဝင်နိုင်ငံတွေက ပေးစရာရှိတဲ့ ငွေတွေကို မပေးဘူးဆိုရင် ကုလအနေနဲ့ လာမယ့်လမှာ ၀န်ထမ်းတွေကို လစာပေးဖို့ ငွေကြေး လုံလုံလောက်လောက် ရှိမှာ မဟုတ်တော့ဘူးလို့ ကုလသမဂ္ဂ အတွင်းရေးမှူး အန်တိုနီယို ဂူတာရက်စ်က မနေ့မှာ သတိပေး ပြောကြားလိုက်ပါတယ်။

ကုလသမဂ္ဂကို အဓိကထောက်ပံ့ကူညီနေတာက အမေရိကန်ဖြစ်ပြီး ကုန်ကျစားရိတ် စုစုပေါင်းရဲ့ ၂၂ ရာခိုင်နှုန်းကို ပေးအပ်နေတာဖြစ်ပါတယ်။ ၂၀၁၉ ခုနှစ်အတွက် ကုလရဲ့ ဘက်ဂျက်ဟာ ကန်ဒေါ်လာ ၃.၃ ဘီလီယံဖြစ်ပါတယ်။

မနေ့က အထွေထွေညီလာခံရဲ့ ဘက်ဂျက်ကော်မတီမှာ ဂူတာရက်စ်က အသုံးစားရိတ်လျှော့ချဖို့အတွက် ဇန်နဝါရီလကတည်းက လုပ်ဆောင်တာမျိုး မရှိခဲ့ဘူးဆိုရင်၊ ပြီးခဲ့တဲ့လ ထွေထွေညီလာခံအတွက် ငွေကြေးလုံလောက်မှာတောင် မဟုတ်ဘူးလို့ ပြောကြားခဲ့ပါတယ်။

“အခုလမှာတော့ ဆယ်စုနှစ်အတွင်း အကြီးမားဆုံး ၀င်ငွေ၊ ထွက်ငွေ မမျှတမှုကို ကျွန်တော်တို့
ကြုံတွေ့ရပါလိမ့်မယ်။ နိုဝင်ဘာလရောက်ရင် ၀န်ထမ်းလစာပေးဖို့တောင် ငွေကြေးလောက်တော့မှာ မဟုတ်ပါဘူး”

အမေရိကန်ဟာ ကုလ ပုံမှန်ထည့်ဝင်ငွေမှာ ကန်ဒေါ်လာ ၃၈၁ သန်းနဲ့ ၂၀၁၉ ခုနှစ် ဘက်ဂျက်မှာကန်ဒေါ်လာ ၆၇၄ သန်း ပေးအပ်ဖို့ ကျန်ရှိနေပါသေးတယ်။ ကုလဆိုင်ရာ အမေရိကန် ကိုယ်စားလှယ်အဖွဲ့ရဲ့ တာဝန်ရှိသူတစ်ဦးက ပုံမှန်ထည့်ဝင်ငွေရဲ့ ပမာဏတော်တော်များများကို ပေးအပ်သွားမယ်လို့ ပြောကြားခဲ့ပါတယ်။

ကုလကို ငွေကြေးထည့်ဝင်ရာမှာ အမေရိကန်က မမျှတတဲ့ ၀န်ထုပ်ဝန်ပိုးကို ထမ်းထားရတဲ့အတွက် ပြုပြင်ပြောင်းလဲရေးလုပ်ဆောင်ဖို့ အမေရိကန်သမ္မတ ဒေါ်နယ်ထရမ့်က တိုက်တွန်း ဆော်သြထားပါတယ်။ ကုလအတွင်းရေးမှူး ဂူတာရက်စ်ကလည်း ကုလရဲ့ ကုန်ကျစားရိတ်တွေကို လျှော့ချနိုင်အောင် ဆောင်ရွက်နေပါတယ်။

Ref : Reuters