ဆီးရီးယားမြောက်ပိုင်းကို တူရကီက ကျူးကျော်တိုက်ခိုက်

အောက်တိုဘာ ၁၀၊ ၂၀၁၉
M-Media

-ဆီးရီးယားမြောက်ပိုင်းက ကာ့ဒ်တွေထိန်းချုပ်ရာဒေသကို တိုက်လေယာဉ်တွေနဲ့ ဗုံးကြဲတိုက်ခိုက်မှုတွေ ပြုလုပ်ခဲ့ပြီးတဲ့နောက် တူရကီဟာ မနေ့က မြေပြင်တပ်တွေနဲ့ ကျူးကျော် ၀င်ရောက်တိုက်ခိုက်နေပြီ ဖြစ်ပါတယ်။

တူရကီ ကာကွယ်ရေးဝန်ကြီးဌာနရဲ့ မနေ့ကထုတ်ပြန်ချက်မှာ မြေပြင်တပ်ဖွဲ့တွေဟာ ဆီးရီးယား သူပုန်အဖွဲ့တွေနဲ့ပေါင်းကာ ယူဖရေးတီးမြစ်အရှေ့ပိုင်းက ဆီးရီးယားနယ်စပ်ကို ဖြတ်ကျော်ဝင်ရောက်သွားပြီလို့ ဖော်ပြထားပါတယ်။

မြေပြင်တပ်တွေဝင်ရောက်ခြင်းမပြုခင် တူရကီဟာ လေကြောင်းကနေ တိုက်ခိုက်မှုတွေ ပြုလုပ်ခဲ့ပါတယ်။

စစ်ဆင်ရေးစတင်ကြောင်း ကြေငြာမှုအတွင်း တူရကီသမ္မတ အာဒိုဂန်က နိုင်ငံတောင်ပိုင်း နယ်စပ်တစ်လျှောက် အကြမ်းဖက်စင်္ကြန်တစ်ခု ဖန်တီးမှုကို တားဆီးဖို့နဲ့ ဒေသတွင်း ငြိမ်းချမ်းဖို့အတွက် တိုက်ခိုက်ရတာလို့ ပြောကြားခဲ့ပါတယ်။

ကာ့ဒ်လက်နက်ကိုင်အဖွဲ့ SDF ကို နယ်စပ်ကနေ မောင်းထုတ်သွားမယ်လို့လည်း အာဒိုဂန်က ဆိုပါတယ်။

ဆီးရီးယားမြောက်ပိုင်းမှာ မနေ့ကစတင်ခဲ့တဲ့ တူရကီရဲ့ ကျူးကျော်တိုက်ခိုက်မှုကြောင့် အရပ်သားတွေ သေဆုံးဒဏ်ရာရမှု ရှိသလို၊ အိုးအိမ်စွန့်ခွာ ထွက်ပြေးရမှုတွေလည်း ရှိလာပါတယ်။

ဒီတိုက်ခိုက်မှုကြောင့် အရှေ့အလယ်ပိုင်းမှာ လူသားချင်းစာနာထောက်ထားမှုဆိုင်ရာ အကြပ်အတည်းတွေ ဖြစ်လာနိုင်တယ်လို့ ကမ္ဘ္ဘာ့ခေါင်းဆောင်တွေက သတိပေးထားပါတယ်။

SDF

အမေရိကန်ကျောထောက်နောက်ခံပြုထားတဲ့ SDF အဖွဲ့ဟာ ဆီးရီးယားက IS အကြမ်းဖက်အဖွဲ့ သုတ်သင်ရေးမှာ အဓိကအခန်းကဏ္ဍကနေ ပါဝင်ခဲ့ပြီး၊ လက်ရှိ ဆီးရီးယားမြောက်ပိုင်းက ဒေသတော်တော်များများကို တည်ငြိမ်အောင် ထိန်းသိမ်းထားနိုင်ပါတယ်။

တူရကီတော့ သူတို့နိုင်ငံထဲက ကာ့ဒ်အလုပ်သမားပါတီ PKK နဲ့ ဆက်သွယ်တယ်ဆိုကာ SDF ကို အကြမ်းဖက်အဖွဲ့အဖြစ် သတ်မှတ်ထားပါတယ်။

တူရကီရဲ့ ကျူးကျော်တိုက်ခိုက်မှုတွေ မစခင်မှာ အမေရိကန်က ဆီးရီးယားမြောက်ပိုင်းမှာချထားတဲ့ တပ်ဖွဲ့တွေကို ရုပ်သိမ်းခဲ့ပါတယ်။ SDF က အမေရိကန်ရဲ့ ဒီလုပ်ရပ်ဟာ မိမိတို့အပေါ် သစ္စာဖောက်မှုဖြစ်ပြီး တူရကီတပ်ဖွဲ့တွေကို ပြင်းပြင်းထန်ထန် ခုခံသွားမယ်လို့ ပြောကြားထားပါတယ်။

အာဒိုဂန်ဟာ ဆီးရီးယားအတွင်းပိုင်းက မိုင် ၂၀ ပတ်ဝန်းကျင်လောက်မှာ ဘေးကင်းဇုန်တစ်ခု ဖန်တီးကာ တူရကီမှာရှိနေတဲ့ ဆီးရီးယားဒုက္ခသည် ၃.၆ သန်းလောက်ကို နေရာချထားဖို့ စီစဉ်နေပါတယ်။

Ref: Aljzeera