အာဖဂန်၌ မေလက အမေရိကန်၏ တိုက်ခိုက်မှုတစ်ခုတွင် အရပ်သား ၃၀ သေဆုံး

အောက်တိုဘာ ၁၀၊ ၂၀၁၉
M-Media

-အာဖဂန်နစ္စတန်မှာ တာလီဘန်ရဲ့ မူးယစ်ဓာတ်ခွဲခန်းဆိုပြီး မေလက အမေရိကန်ရဲ့ တိုက်ခိုက်မှုအတွင်း အရပ်သား ၃၀ သေဆုံးခဲ့တယ်လို့ ကုလက ထုတ်ပြန်ခဲ့ပြီး အမေရိကန်စစ်တပ်ကတော့ ဒီကိစ္စကို ငြင်းဆိုခဲ့ပါတယ်။

နိုင်ငံအနောက်ပိုင်း ဖာရာနဲ့ နင်မရို့ဇ်ပြည်နယ်တွေက မူးယစ်ဆေးထုတ်လုပ်တဲ့ နေရာ ၆၀ ကျော်လောက်ကို အမေရိကန်-အာဖဂန် ပူးပေါင်းအဖွဲ့တွေက မေလ ၅ ရက်နေ့မှာ လေကြောင်းကနေ တိုက်ခိုက်ခဲ့တာပါ။

အာဖဂန်က ကုလ စောင့်ကြည့်ရေးအဖွဲ့ UNAMA က ဒီတိုက်ခိုက်မှုအတွက် ၄ လကြာ စုံစမ်းစစ်ဆေးမှုတွေ ပြုလုပ်ခဲ့ပြီး မနေ့က ကုလ လူ့အခွင့်အရေးရုံးနဲ့ ပူးပေါင်းကာ အစီရင်ခံစာတစ်စောင် ထုတ်ပြန်ခဲ့ပါတယ်။

တိုက်ခိုက်မှုအတွင်း အနည်းဆုံး အရပ်သား ၃၀ သေဆုံးခဲ့ပြီး၊ သေဆုံး ဒဏ်ရာရသူ စုစုပေါင်း ၃၉ ဦးရှိရာမှာ ကလေးငယ် ၁၄ ဦး၊ အမျိုးသမီး ၅ ဦး ပါဝင်တယ်လို့ အစီရင်ခံစာမှာ ဖော်ပြထားပါတယ်။ သေဆုံး ဒဏ်ရာရသူတွေဟာ လက်နက်ကိုင်တွေ မဟုတ်တဲ့အတွက် ဒီတိုက်ခိုက်မှုဟာ နိုင်ငံတကာ လူသားချင်း စာနာထောက်ထားမှုဆိုင်ရာ ဥပဒေကို ချိုးဖောက်မှု ဖြစ်တယ်လို့လည်းကုလက ဆိုပါတယ်။

အာဖဂန်က အမေရိကန်တပ်ဖွဲ့ USFOR-A က ကုလရဲ့ ပြောကြားမှုကို လက်မခံကြောင်း ကြေငြာချက်တစ်စောင် ထုတ်ပြန်ခဲ့ရာမှာ၊ တိုက်ခိုက်မှုအတွင်း အရပ်သားသေဆုံးခြင်းမရှိကြောင်း၊ အရပ်သားလို့ပြောကြားမှုတွေဟာ ဝါဒဖြန့်မှုသက်သက်သာဖြစ်ကြောင်း ဖော်ပြထားပါတယ်။

၁၈ နှစ် ကြာမြင့်နေပြီဖြစ်တဲ့ အာဖဂန်စစ်ပွဲမှာ ၂၀၁၇ ခုနှစ် နှောင်းပိုင်းကစလို့ အမေရိကန်ဟာ မူးယစ်ဆေး ထုတ်လုပ်တဲ့ နေရာတွေကို တိုက်ခိုက်ခဲ့ပါတယ်။

၂၀၁၉ ခုနှစ် ပထမ ၆ လအတွင်း အာဖဂန်မှာ ဖြစ်ပွားခဲ့တဲ့ တိုက်ခိုက်မှုတွေ၊ ဗုံးခွဲမှုတွေမှာ အနည်းဆုံး အရပ်သား ၃၈၁၂ ဦး သေဆုံးခဲ့ပြီး နေတိုးအဖွဲ့ ဦးဆောင်တဲ့ တပ်ဖွဲ့တွေရဲ့ တိုက်ခိုက်မှုကြောင့် သေဆုံးဒဏ်ရာရသူ အရေအတွက်ဟာ သိသိသာသာ မြင့်တက်လာတယ်လို့ ကုလက ထုတ်ပြန်ထားပါတယ်။

Ref: Aljazeera