အောက်တိုဘာ ၁၁၊ ၂၀၁၉
M-Media

-၂၀၁၉ ခုနှစ်အတွက် နိုဘယ်ဆုတွေကို အောက်တိုဘာ ၇ ရက်ကနေ စတင် ကြေငြာခဲ့ပါတယ်။

လက်ရှိအချိန်အထိ ဆေးဘက်ဆိုင်ရာ၊ ရူပဗေဒ၊ ဓာတုဗေဒနဲ့ စာပေဆိုင်ရာ နိုဘယ်ဆုတွေကို ကြေငြာထားပြီးဖြစ်ပါတယ်။ နိုဘယ်ဆုတွေထဲမှာ စိတ်ဝင်စားမှုအခံရဆုံး ငြိမ်းချမ်းရေးနိုဘယ်ဆုရှင်ကိုတော့ အောက်တိုဘာ ၁၁ ရက်နေ့မှာ ကြေငြာမှာဖြစ်ပြီး၊ အောက်တိုဘာ ၁၄ ရက်နေ့မှာ စီးပွားရေးဆိုင်ရာ နိုဘယ်ဆုကို ကြေငြာမှာ ဖြစ်ပါတယ်။

ဆေးဘက်ဆိုင်ရာနိုဘယ်ဆု

ဇီဝကမ္မဗေဒနဲ့ ဆေးဘက်ဆိုင်ရာ နိုဘယ်ဆုကိုတော့ သိပ္ပံပညာရှင် ၃ ဦးက ပူးတွဲရရှိခဲ့ပါတယ်။

ဝီလီယံ ဂျီ ကေလင်၊ ဂျေအာရ် ပီတာ ဂျေ ရက်ခ်ျကလစ်ဖ်၊ ဂရက်ဖ် အလ် ဆီမန်ဇာတို့ ဖြစ်ပြီး အောက်ဆီဂျင်ရရှိမှုအပေါ်လိုက်ပြီး ဆဲလ်တွေရဲ့ တုန့်ပြန်၊ ပြောင်းလဲဖြစ်တည်မှုနဲ့ ပတ်သက်လို့ ဖော်ထုတ်ကြသူတွေ ဖြစ်ပါတယ်။

နိုဘယ်ဆုရွေးချယ်ရေးကော်မတီရဲ့ ထုတ်ပြန်ချက်မှာတော့ ဒီသိပ္ပံပညာရှင် ၃ ဦးရဲ့ ရှာဖွေမှုတွေဟာ ဇီဝကမ္မဗေဒရဲ့ အရေးပါတဲ့ အခြေခံအချက်တစ်ခုဖြစ်ပြီး သွေးအားနည်းရောဂါ၊ ကင်ဆာနဲ့ အခြားရောဂါ တော်တော်များများကို ကုသရေး ထိရောက်တဲ့ နည်းလမ်းတွေ ပေါ်ပေါက်လာစေတယ်လို့ ဖော်ပြထားပါတယ်။

ရူပဗေဒနိုဘယ်ဆု

၂၀၁၉ ခုနှစ်အတွက် ရူပဗေဒဆိုင်ရာ နိုဘယ်ဆုကို ကမ္ဘ္ဘ္ဘာကြီးနဲ့ စကြာဝဠာ အဆင့်ဆင့် ဖြစ်ပေါ်တိုးတက်မှုတွေကို လေ့လာရာမှာ ထူးထူးခြားခြား ရှာဖွေ ဖော်ထုတ်နိုင်ခဲ့တဲ့ သိပ္ပံပညာရှင် ၃ ဦးကို ချီးမြှင့်ခဲ့ပါတယ်။

နိုဘယ်ဆုရရှိခဲ့တဲ့ သိပ္ပံပညာရှင်တွေကတော့ ကနေဒါက ဂျိမ်းစ် ပီဘလက်စ်၊ ဆွီဒင် နက္ခတဗေဒပညာရှင်တွေဖြစ်တဲ့ မိုက်ကယ်မေယာ၊ ဒီဒီယာ ကူလို့ဇ်တို့ ဖြစ်ပါတယ်။ ဂျိမ်းစ်ဟာ စကြ၀ဠာကြီး အဆင့်ဆင့် ဖြစ်ပေါ်တိုးတက်မှုနဲ့ပတ်သက်ပြီး ထူးခြားတဲ့ သီအိုရီပိုင်းဆိုင်ရာတွေကို ရှာဖွေ ဖော်ထုတ်နိုင်ခဲ့သူပါ။ ဆွီဒင်ပညာရှင် ၂ ဦးကတော့ ‘ကျွန်ုပ်တို့ နေအဖွဲ့အစည်း’ အပြင်ဘက်က ပထမဆုံးဂြိုဟ်တစ်ခုကို ရှာဖွေဖော်ထုတ်ခဲ့ကြပါတယ်။

ဓာတုဗေဒနိုဘယ်ဆု

ဓာတုဗေဒနိုဘယ်ဆုကို ဗုဒ္ဓဟူးနေ့က ကြေငြာခဲ့ရာမှာ လစ်သီယံ-အိုင်းယွန်း ဘတ္ထရီကို တီထွင်ခဲ့သူ သိပ္ပံပညာရှင်တွေက ပူးတွဲ ရရှိသွားပါတယ်။

ဂျာမနီဖွား အင်ဂျင်နီယာဖြစ်ပြီး အမေရိကန်ပြည်ထောင်စု တက္ကသိုလ်တက္ကသိုလ်မှာ ပရော်ဖက်ဆာအဖြစ် ဆောင်ရွက်နေတဲ့ အသက် ၉၇ နှစ်အရွယ် ဂျွန် ဘီ ဂွဒ်အီနက်ဖ်၊ နယူးယောက်တက္ကသိုလ်က ပရော်ဖက်ဆာ ဗြိတိန်-အမေရိကန် ဓာတုဗေဒပညာရှင် အသက် ၇၇ နှစ်အရွယ် အမ် စတန်လေ ၀ှိုက်တင်ဟမ်၊ အသက် ၇၁ နှစ်အရွယ် ဂျပန် သိပ္ပံပညာရှင် အကီရာ ယိုရှီနိုတို့က ဖြစ်ပါတယ်။

သူတို့ ၃ ဦး တီထွင်ခဲ့တဲ့ လစ်သီယံ-အိုင်းယွန်း ဘတ္ထရီဟာ စွမ်းအင်သိုလှောင်မှု နည်းလမ်းကို တစ်ဆစ်ချိုး ပြောင်းလဲနိုင်ခဲ့ပြီး ကားတွေ၊ မိုဘိုင်းဖုန်းတွေ၊ အခြားကိရိယာတွေ တီထွင်ဖန်တီးမှုကိုလည်း တစ်မူထူးခြားစေခဲ့ပါတယ်။ ဒီဘတ္ထရီကြောင့် ကမ္ဘ္ဘ္ဘာကြီး ပူနွေးမှုကို ဖြစ်စေတဲ့ ရုပ်ကြွင်းလောင်စာအပေါ် မှီခိုနေရမှုကိုလည်း လျှော့ချနိုင်ခဲ့ပါတယ်။

အသက် ၉၇ နှစ်အရွယ် ဂွဒ်အီနက်ဖ်ဟာ နိုဘယ်ဆုရရှိသူတွေထဲမှာ အသက်အကြီးဆုံး ဖြစ်ပါတယ်။

စာပေနိုဘယ်ဆု

၂၀၁၉ ခုနှစ်အတွက် စာပေဆိုင်ရာ နိုဘယ်ဆုကို သြစတြီးယားနိုင်ငံသား စာရေးဆရာ ပီတာ ဟန်ကီက ရရှိသွားပါတယ်။ ဟန်ကီဟာ ပြဇာတ်၊ ၀တ္ထုနဲ့ ကဗျာ တော်တော်များများကို ရေးသားသူပါတယ်။

ဘာသာဗေဒဆိုင်ရာ တီထွင်ဉာဏ်ရင့်သန်ပြီး လူသားတွေရဲ့ ဖြစ်တည်၊ ဖြတ်သန်းမှုကို ပေါ်လွင်အောင် ရေးသားထားတဲ့ သူ့ရဲ့ လက်ရာတွေဟာ စာဖတ်သူတွေအပေါ် လွှမ်းမိုးမှုရှိတဲ့အတွက် ချီးမြှင့်ရတာဖြစ်တယ်လို့ နိုဘယ်ဆု ရွေးချယ်ရေးအဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။

ပီတာ ဟန်ကီဟာ အငြင်းပွားဖွယ်ရာ စာရေးဆရာတစ်ဦးလည်း ဖြစ်ပါတယ်။ ၁၉၉၀ ပြည့်တွေကဖြစ်ပွားတဲ့ ယူဂိုဆလပ်စစ်ပွဲမှာ တရားလက်လွတ်ပြုတဲ့ ဆာ့ဘ်တပ်ဖွဲ့ကို ထောက်ခံမှု၊ လူမျိုးတုန်းသတ်ဖြတ်မှု၊ စစ်ရာဇ၀တ်မှုတွေ ကျူးလွန်တယ်လို့ စွပ်စွဲခံရတဲ့ ဆာ့ဘ်ခေါင်းဆောင် မီလိုဆီဗစ်ရဲ့ ၂၀၀၆ ခုနှစ် ဈာပနမှာ မိန့်ခွန်းပြောမှုတွေအတွက် ဝေဖန်မှုတွေ ခံခဲ့ရပါတယ်။

စာပေဆိုင်ရာ နိုဘယ်ဆု ရွေးချယ်ရေးအဖွဲ့အတွင်း လိင်ပိုင်းဆိုင်ရာ ပြဿနာတွေကြောင့် ရပ်ဆိုင်းခဲ့ရတဲ့ ၂၀၁၈ ခုနှစ် စာပေနိုဘယ်ဆုကိုလည်း ဒီနှစ်မှာ တစ်ခါတည်း ကြေငြာခဲ့ပါတယ်။

၂၀၁၈ ခုနှစ် စာပေဆိုင်ရာ နိုဘယ်ဆုကိုတော့ ပိုလန်စာရေးဆရာမ အိုလ်ဂါ တိုကာဇက်က ရရှိခဲ့ပါတယ်။

ငြိမ်းချမ်းရေးနိုဘယ်ဆု

၂၀၁၉ ခုနှစ်အတွက် ငြိမ်းချမ်းရေးနိုဘယ်ဆုအတွက် ဆွီဒင်က အသက် ၁၆ နှစ်အရွယ် သဘာဝပတ်ဝန်းကျင်ဆိုင်ရာ တက်ကြွလှုပ်ရှားသူ ဂရီတာ သွန်ဘာ့ဂ်၊ အီသီယိုးပီးယားဝန်ကြီးချုပ် အဘီ အဟ်မဒ်၊ ဘရာဇီလ်းက ဌာနေလူမျိုးစုခေါင်းဆောင် ရိုအာနီ မီတွတ်တီရီတို့ထဲက တစ်ဦးဦး ရရှိမယ်လို့ တစ်ပြေးနေပါတယ်။

Ref : Times, BBC, The Guardian