၂၀၁၉ ငြိမ်းချမ်းရေး နိုဘယ်ဆုကို အီသီယိုးပီးယားဝန်ကြီးချုပ် အဘီ အဟ်မဒ် ရရှိ

အောက်တိုဘာ ၁၂၊ ၂၀၁၉
M-Media

-၂၀၁၉ ခုနှစ်အတွက် ငြိမ်းချမ်းရေး နိုဘယ်ဆုကို အီသီယိုးပီးယားဝန်ကြီးချုပ် အဘီ အဟ်မဒ် ဆွတ်ခူး ရရှိသွားပါတယ်။

အဟ်မဒ်ဟာ အိမ်နီးချင်း အီရစ်ထရီယာနိုင်ငံနဲ့ ၁၀ စုနှစ်ချီ ဖြစ်ပွားခဲ့တဲ့ စစ်ပွဲကို အဆုံးသတ်နိုင်တာ အပါအ၀င် ဒေသတွင်း ငြိမ်းချမ်းရေးရဖို့ စွမ်းစွမ်းတမံ ကြိုးပမ်းဆောင်ရွက်မှုအတွက် ဒီဆုကို ပေးအပ်ချီးမြှင့်ခဲ့တာလို့ နိုဘယ်ဆု ရွေးချယ်ရေးကော်မတီက ထုတ်ပြန်ခဲ့ပါတယ်။

ကော်မတီဥက္ကဌ ရီအစ်-အန်ဒါဆန်က အဘီအဟ်မဒ်ဟာ ငြိမ်းချမ်းရေးအတွက် လက်ကမ်းခဲ့ပြီး အီရစ်ထရီယာ သမ္မတကလည်း ဒီကမ်းလက်ကို ဆုပ်ကိုင်နိုင်ခဲ့ကြောင်း၊ လုပ်စရာတွေ ထပ်ရှိနေသေးပေမယ့် အဟ်မဒ်ဟာ တိုင်းသူပြည်သားတွေ၊ ပိုမိုကောင်းမွန်တဲ့ဘ၀၊ တောက်ပတဲ့ အနာဂတ် ရရှိရေးအတွက် အရေးပါတဲ့ ပြုပြင်ပြောင်းလဲမှုတွေ လုပ်ဆောင်ခဲ့ကြောင်း ပြောကြားခဲ့ပါတယ်။

အီသီယိုးပီးယား ၀န်ကြီးချုပ်ရုံးကလည်း ဒီလို ဂုဏ်သိက္ခာရှိတဲ့ ဆုကို ရရှိတဲ့အတွက် နိုင်ငံအနေနဲ့ အလွန် ဂုဏ်ယူမိတယ်လို့ ထုတ်ပြန်ခဲ့ပါတယ်။

အဘီအဟ်မဒ်ဟာ ကင်ညာနဲ့ ဆိုမာလီယာတို့အကြား ဖြစ်ပွားခဲ့တဲ့ ရေပိုင်နက် အငြင်းပွားမှုကို ကြားဝင် စေ့စပ်ပေးခဲ့သလို၊ ဆူဒန်နဲ့ တောင်ဆူဒန်တို့ရဲ့ ပဋိပက္ခကိုလည်း ၀င်ရောက် ဖြေရှင်းပေးခဲ့ပါတယ်။

တိုင်းပြည်မှာ အရေးပေါ်အခြေအနေ ကြေငြာထားမှုကို အာဏာရပြီး ရက် ၁၀၀ အတွင်းမှာ အဟ်မဒ်က ပယ်ဖျက်နိုင်ခဲ့သလို၊ နိုင်ငံရေးအကျဉ်းသမားတွေ လွှတ်ပေးတာ၊ မီဒီယာဆင်ဆာ ဖျက်သိမ်းပေးတာ၊ တရားမ၀င်းကြေငြာထားတဲ့ အသင်းအဖွဲ့တွေကို ပြန်လည် ဖွဲ့စည်းခွင့်ပေးတာ၊ ခြစားမှု တိုက်ဖျက်ရေးကို ထိထိရောက်ရောက် ဆောင်ရွက်တာ၊ နိုင်ငံရဲ့ နိုင်ငံရေးနဲ့ လူ့အဖွဲ့အစည်းအတွင်း အမျိုးသမီးတွေ ပါဝင်မှုကို မြှင့်တင်ပေးတာ စတဲ့ အရေးပါတဲ့ နိုင်ငံရေးဆိုင်ရာ ပြုပြင်ပြောင်းလဲမငတွေကိုလည်း လုပ်ဆောင်ပေးခဲ့ပါတယ်။

Ref: Aljazeera