ဆီးရီးယားမြောက်ပိုင်းကို တူရကီ၏ ကျူးကျော်မှုတွင် အရပ်သားသေဆုံးမှု မြင့်တက်

အောက်တိုဘာ ၁၃၊ ၂၀၁၉
M-Media

-ဆီးရီးယားမြောက်ပိုင်းကို တူရကီရဲ့ ကျူးကျော်တိုက်ခိုက်မှုအတွင်း အရပ်သားသေဆုံးမှု၊ အိုးအိမ်စွန့်ခွာထွက်ပြေးရမှုတွေ မြင့်တက်လာခဲ့ပြီး၊ တူရကီစစ်တပ်ကတော့ အဓိကမြို့တစ်မြို့ကို သိမ်းပိုက်နိုင်ခဲ့တယ်လို့ ဆိုပါတယ်။

ကာ့ဒ်တပ်ဖွဲ့ SDF က ထိန်းချုပ်ထားတဲ့ ဒေသတွေကို တူရကီက ပြီးခဲ့တဲ့ ဗုဒ္ဓဟူးနေ့မှာ စတင် ကျူးကျော်တိုက်ခိုက်ခဲ့တာဖြစ်ပါတယ်။ တူရကီ ကာကွယ်ရေးဝန်ကြီးဌာနက အဓိကကျတဲ့ ရက်စ် အလ်-အင်မြို့ကို SDF လက်ကနေ သိမ်းပိုက်နိုင်ခဲ့တယ်လို့ မနေ့မှာ ထုတ်ပြန်ခဲ့ပါတယ်။

SDF က ဒီထုတ်ပြန်မှုကို ငြင်းဆိုခဲ့ပြီး မြို့ရဲ့ စက်မှုရပ်ကွက်တစ်ဝိုက်ကိုသာ ၀င်ရောက်နိုင်ခဲ့တာ ဖြစ်တယ်လို့ ဆိုပါတယ်။

တူရကီဟာ မြေပြင်တပ်တွေအပြင်၊ လေကြောင်းကနေလည်း တိုက်ခိုက်မှုတွေ ပြုလုပ်နေတာဖြစ်ပါတယ်။

၅ ရက်တာ ကြာမြင့်နေပြီဖြစ်တဲ့ တူရကီရဲ့ ကျူးကျော်တိုက်ခိုက်မှုကြောင့် ဆီးရီးယားမြောက်ပိုင်းမှာ အိုးအိမ်စွန့်ခွာ ထွက်ပြေးရသူအရေအတွက် ၁ သိန်းကျော်လောက် ရှိနေပြီး၊ သေဆုံးသူ အရပ်သားအရေအတွက်ကလည်း မြင့်တက်လာပါတယ်။

ဆေးရုံတွေ၊ ကျောင်းတွေ ပိတ်ထားရသလို၊ လူပေါင်း သန်းဝက်လောက် စိုးရိမ်ရတဲ့ အခြေအနေနဲ့ ကြုံတွေ့ရနိုင်တယ်လို့ ကုလက သတိပေးထားပါတယ်။

SDF အဖွဲ့ဟာ အမေရိကန်ကျောထောက်နောက်ခံပြု အဖွဲ့အစည်းဖြစ်ပြီး ဆီးရီးယားနိုင်ငံအတွင်း IS အကြမ်းဖက်အဖွဲ့ကို အမြစ်ပြတ် ချေမှုန်းသုတ်သင်ရာမှာ အဓိက အခန်းကဏ္ဍကနေ ပါဝင်ခဲ့သူပါ။ တူရကီရဲ့ ကျူးကျော်တိုက်ခိုက်မှုတွေ မလုပ်ခင် သမ္မတ ဒေါ်နယ်ထရမ့်က SDF ကို ထောက်ပံ့ပေးနေတဲ့ အမေရိကန်တပ်ဖွဲ့တွေကို ဆုတ်ခွာခိုင်းခဲ့ပါတယ်။

Ref: Aljazeera