အီရန်-ဆော်ဒီ တင်းမာမှုလျှော့ချရေး ဆောင်ရွက်ပေးမည်ဟု အင်မရန်းခန်းပြော

အောက်တိုဘာ ၁၃၊ ၂၀၁၉
M-Media

-ပင်လယ်ကွေ့ဒေသ တင်းမာမှု လျော့ချရေးအတွက် အီရန်နဲ့ ဆော်ဒီအကြာ အတတ်နိုင်ဆုံးညှိနှိုင်းဆွေးနွေးပေးသွားမယ်လို့ ပါကစ္စတန်ဝန်ကြီး အင်မရန်းခန်းက ဒီကနေ့မှာ ပြောကြားလိုက်ပါတယ်။

ခန်းဟာ အီရန်နိုင်ငံ မြို့တော် တီဟီရန်ကို ရောက်ရှိလာပြီး သမ္မတဟာဆန်ရူဟာနီနဲ့ တွေ့ဆုံကာသတင်းစာရှင်းလင်းပွဲတစ်ခု ပြုလုပ်ခဲ့ပါတယ်။ အီရန်အဓိပတိ အယာတိုလာ အလီခါမေနီနဲ့လည်း တွေ့ဆုံဖို့ ရှိနေပြီး အင်္ဂါနေ့ကျရင် ဆော်ဒီအာရေဗျကို သွားရောက်မှာ ဖြစ်ပါတယ်။

အခုခရီးစဉ်ဟာ ဆော်ဒီနဲ့ အီရန်တို့အကြား ပဋိပက္ခမဖြစ်ရေး ဆောင်ရွက်မယ့် ခရီးစဉ် ဖြစ်တယ်လို့ ခန်းက ဆိုပါတယ်။

“ဘာပဲဖြစ်နေဖြစ်နေ ဒီလိုပဋိပက္ခမျိုးကို ကျွန်တော်တို့ ခွင့်ပြုလို့ မရပါဘူး။ ဒါမျိုးဖြစ်လာမှ အမြတ်ထွက်မယ့်အုပ်စုတွေ ရှိနေတယ်ဆိုတာကိုလည်း ခင်ဗျားရော၊ ကျွန်တော်ရော သိနေပါတယ်” လို့ ရူဟာနီနဲ့ သတင်းစာရှင်းလင်းပွဲမှာ ပြောကြားခဲ့ပါတယ်။

အီရန်နဲ့ ဆော်ဒီတို့အကြားက ပြဿနာဟာ ဆွေးနွေးညှိနှိုင်းမှုကနေ အဖြေရှာရမယ့် ပြဿနာဖြစ်ပြီး မဖြေရှင်းနိုင်ရင် ကမ္ဘာကြီး ဆင်းရဲမွဲတေတဲ့အထိ ဖြစ်သွားမယ်လို့လည်း ခန်းက သတိပေးခဲ့ပါတယ်။

ပါကစ္စတန်ဟာ ဆော်ဒီအာရေဗျနဲ့ ခိုင်မာတဲ့ ဆက်ဆံရေးရှိသလို၊ နယ်စပ်ချင်း ထိစပ်နေတဲ့ အီရန်နဲ့ ဆက်ဆံရေးကောင်းတစ်ခုကိုလည်း တည်ထောင်ထားနိုင်ပါတယ်။ အမေရိကန်မှာ အီရန်ရဲ့ သံတမန်ပိုင်းဆိုင်ရာ ကိစ္စတွေကို အီရန်က ကိုယ်စားပြု ဆောင်ရွက်ပေးနေပါတယ်။

ဆော်ဒီအိမ်ရှေ့မင်းသား မိုဟာမက် ဘင် ဆလ်မန်က အီရန်နဲ့ ဆွေးနွေးမှုလုပ်ရေး ပါကစ္စတန်ကို အကူအညီတောင်းခဲ့တယ်လို့ ပြီးခဲ့တဲ့တစ်ပတ်ကတည်းက သတင်းထွက်ခဲ့တာ ဖြစ်ပါတယ်။

Ref: Economic Times