စစ်ကိုင်းတိုင်းမှ ထမံသီဘေးမဲ့တော အာဆီယံ အမွေအနှစ်အဖြစ် သတ်မှတ်ခံရ

အောက်တိုဘာ ၁၄၊ ၂၀၁၉
M-Media

-စစ်ကိုင်းတိုင်းဒေသကြီးမှာ တည်ရှိတဲ့ ထမံသီ တောရိုင်းတိရစ္ဆာန် ဘေးမဲ့တောဟာ အာဆီယံအမွေအနှစ်ဥယျာဉ် ASEAN Heritage Park (AHP) စာရင်းသွင်းခံခဲ့ရပြီး ဒီအတွက် ဂုဏ်ယူမိတယ်လို့ မြန်မာအာဏာပိုင်တွေက ပြောကြားခဲ့ပါတယ်။

ထမံသီ တောရိုင်းတိရစ္ဆာန် ဘေးမဲ့တောကို ချင်းတွင်းမြစ်အရှေ့ဖက် ကမ်းနဖူးမှာ ၁၉၇၄ ခုနှစ်က စတင် တည်ထောင်ခဲ့တာဖြစ်ပြီး ရှားပါးတောရိုင်းတိရစ္ဆာန်တွေ၊ မျိုးသုဉ်းပျောက်ကွယ်လုနီးပါး ဖြစ်နေတဲ့ တိရစ္ဆာန်တွေ ရှိနေကာ စုစုပေါင်း ၂၁၅၁ စကွဲယားကီလိုမီတာ ကျယ်ဝန်းပါတယ်။

ပြီးခဲ့တဲ့တစ်တစ်ပတ် ကမ္ဘောဒီးယားနိုင်ငံမှာ ကျင်းပပြုလုပ်တဲ့ ၁၅ ကြိမ်မြောက် အာဆီယံ သဘာ၀ပတ်ဝန်းကျင်ဆိုင်ရာ အစည်းအဝေးမှာ ထမံသီဘေးမဲ့တောကို အာဆီယံအမွေအနှစ်ပန်းခြံအဖြစ် သတ်မှတ်ခဲ့တာ ဖြစ်ပါတယ်။ တနင်္သာရီတိုင်းဒေသကြီးမှာရှိတဲ့ တနင်္သာရီ ဘေးမဲ့တောနဲ့ ထမံသီ ဘေးမဲ့တောတို့ကို AHP စာရင်းဝင်ဖို့ မြန်မာနိုင်ငံက တင်သွင်းခဲ့တာပါ။

ထမံသီဘေးမဲ့တော AHP စာရင်းသွင်းခံရတဲ့အတွက် ဂုဏ်ယူမိတယ်လို့ နိုင်ငံပိုင်သတင်းစာက မနေ့မှာ ဖော်ပြခဲ့ပါတယ်။

မြန်မာနိုင်ငံမှာ ဘေးမဲ့တော စုစုပေါင်း ၈ ခုရှိပြီး အင်းတော်ကြီး ဘေးမဲ့တော၊ ခါကာဘိုရာဇီ အမျိုးသားဥယျာဉ်၊ အင်းလေးကန်၊ အလောင်းတော်ကဿပ အမျိုးသားဥယျာဉ်၊ မိန်းမလှကျွန်းဘေးမဲ့တော၊ နတ်မတောင် အမျိုးသားဥယျာဉ်၊ လမ်ပီကျွန်းအဏ္ဏဝါအမျိုးသားဥယျာဉ်နဲ့ ထမံသီဘေးမဲ့တောတို့ ဖြစ်ကြပါတယ်။

Ref: Xinhua