၁၀ နှစ်အတွင် ဆော်ဒီတွင် သစ်ပင် ၆ သန်း စိုက်ပျိုးမည်

ာက်တိုဘာ ၂၂၊ ၂၀၁၉
M-Media

-လာမယ့် ၁၀ နှစ်အတွင်း နိုင်ငံတစ်ဝှမ်း သစ်ပင်သန်းချီ စိုက်ပျိုးဖို့အတွက် ဆော်ဒီအစိုးရဟာ ပုဂ္ဂလိက ကုမ္ပဏီတစ်ခုနဲ့ မနေ့မှာ လက်မှတ်ရေးထိုးလိုက်ပါတယ်။

ဆော်ဒီ သဘာ၀ပတ်ဝန်းကျင်၊ ရေနဲ့ စိုက်ပျိုးရေး ဝန်ကြီးဌာနနဲ့ Saline Water Conversion ကုမ္ပဏီတို့ရဲ့ အဲဒီ နားလည်မှုစာချွန်လွှာအရ ၂၀၃၀ မတိုင် ဒေသထွက် သစ်ပင်ပေါင်း ၅ သန်းကို စိုက်ပျိုးသွားမှာ ဖြစ်ပါတယ်။

စွန့်ပစ်ရေကို ပြန်လည်ပြုပြင်အသုံးပြုကာ သစ်ပင်တွေကို စိုက်ပျိုးသွားမှာဖြစ်ပြီး သစ်တောတွေနဲ့ မြေဆီလွှာပျက်ဆီးမှုကို လျှော့ချဖို့၊ ကန္တာရကို အိုအေစစ်အဖြစ် ပြောင်းလဲဖို့၊ သဘာ၀အခြေအနေကို ပြန်လည်ထိန်းသိမ်းဖို့ ရည်ရွယ်တာဖြစ်ပါတယ်။

ဒီစီမံကိန်းကနေ သဘာ၀ပတ်ဝန်းကျင် ထိန်းသိမ်းစောင့်ရှောက်ရေးဆိုင်ရာ၊ ရာသီဥတု ပြောင်းလဲမှုဆိုင်ရာ အသိပညာပေးမှုတွေကို ပြုလုပ်သွားဖို့ ဆော်ဒီက စီစဉ်ထားပါတယ်။

နိုင်ငံတစ်ဝှမ်း စိမ်းလမ်းစိုပြေရေးစီမံကိန်း ၄ ခု လုပ်ဆောင်မယ့်အစီအစဉ်ကိုလည်း ဆော်ဒီက အခုနှစ်အစောပိုင်းမှာ ထုတ်ပြန်ကြေငြာခဲ့ပါတယ်။

Ref: Arab News