တူရကီသမ္မတ အာဒိုဂန်နှင့် အမေရိကန်သမ္မတ ထရမ့်တို့ တွေ့ဆုံမည်

နိုဝင်ဘာ ၇၊ ၂၀၁၉
M-Media

-သမ္မတ အာဒိုဂန်ဟာ လာမယ့် နိုဝင်ဘာ ၁၃ ရက်နေ့မှာ အမေရိကန်သမ္မတ ဒေါ်နယ်ထရမ့်နဲ့ ဝါရှင်တန်မှာ တွေ့ဆုံမယ်လို့ တူရကီအာဏာပိုင်တွေက အတည်ပြု ပြောကြားလိုက်ပါတယ်။

ထရမ့်နဲ့ အာဒိုဂန်တို့ဟာ မနေ့က ဖုန်းကနေတစ်ဆင့် နှစ်နိုင်ငံအရေးကိစ္စတွေ၊ ဒေသတွင်း ဖြစ်ပေါ်တိုးတက်မှုတွေကို ဆွေးနွေးခဲ့ကြပါတယ်။

ရုရှားထံကနေ S-400 ဒုံးခွင်းစနစ်ဝယ်ယူမှုကိစ္စ၊ ဆီးရီးယားကို တူရကီက ကျူးကျော်တိုက်ခိုက်မှုအတွက် အမေရိကန်လွှတ်တော်က ရှုတ်ချမှုတွေ စတဲ့ကိစ္စတွေကြောင့် အမေရိကန်နဲ့ တူရကီတို့အကြား တင်းမာမှုတွေ ရှိနေတာပါ။

အခုတစ်ပတ်အစောပိုင်းမှာလည်း အမေရိကန်အောက်လွှတ်တော်က ပထမကမ္ဘာစစ်အတွင်း တော်တိုမန်တပ်တွေ အာမေးနီးယားမှာ လူမျိုးတုန်းသတ်ဖြတ်မှု ကျူးလွန်ခဲ့တယ်လို့ ဆုံးဖြတ်ခဲ့ပြီး တူရကီအပေါ် ပိတ်ဆို့မှုတွေပြုလုပ်ဖို့ တိုက်တွန်းခဲ့ပါတယ်။

နှစ်နိုင်ငံအကြား ဒီလိုတင်းမာမှုတွေ ရှိနေပေမယ့် ထရမ့်နဲ့ အာဒိုဂန်တို့အကြား ခိုင်မာတဲ့ ဆက်ဆံရေး ရှိနေတယ်လို့ တူရကီအစိုးရ ရင်းမြစ်တွေက ဆိုပါတယ်။

Ref: Reuters