OIC နှင့် ရုရှားတို့ ပိုမို ပူးပေါင်း ဆောင်ရွက်ရေး ဆွေးနွေး

နိုဝင်ဘာ ၁၀၊ ၂၀၁၉
M-Media

-အစ္စလာမ့် ပူးပေါင်းဆောင်ရွက်ရေးဆိုင်ရာအဖွဲ့ချုပ် (OIC) နဲ့ ရုရှားနိုင်ငံက တာဝန်ရှိသူတွေဟာ ဆော်ဒီအာရေဗျနိုင်ငံ ဂျစ်ဒါမြို့မှာ အခုတစ်ပတ်အတွင်း တွေ့ဆုံဆွေးနွေးခဲ့ကြပါတယ်။

တွေ့ဆုံမှုအတွင်း OIC အတွင်းရေးမှူး ဒေါက်တာ ယူစွဖ် အလ်-အိုသိုင်မင်က ‌အစ္စလာမ်ဘာသာဝင်ဦးရေ ၂၅ သန်းကျော်ရှိပြီး ဘာသာရေး၊ ယဉ်ကျေးမှု ပေါင်းစုံကာ ဗဟုဝါဒ ထွန်းကားတဲ့ ရုရှားနိုင်ငံရဲ့ မွတ်စလင်ကမ္ဘာအကြား ဆက်ဆံရေးတိုးမြှင့်ဖို့အတွက် အရေးကြီးမှုကို အလေးထား ပြောကြားခဲ့ပါတယ်။

ရုရှား မွတ်သီဓမ္မသတ်မှူးများကောင်စီ ဥက္ကဌ ရှိခ် ရာဝီ အီနက်ဒင်းနဲ့ အလ်-အိုသိုင်မင်တို့ရဲ့ အဲဒီတွေ့ဆုံမှုအတွင်း ရုရှားနိုင်ငံနဲ့ OIC အဖွဲ့ဝင်နိုင်ငံများအကြား ပညာရေး၊ ယဉ်ကျေးမှု၊ မီဒီယာဆိုင်ရာ ပူးပေါင်းဆောင်ရွက်မှု တိုးချဲ့ရေး၊ ရုရှားနဲ့ မွတ်စလင်ကမ္ဘာတို့အကြား ပိုမိုနီးကပ်လာစေကာ အစ္စလာမ်ရဲ့ စစ်မှန်တဲ့ အလယ်အလတ်တရားကို ရှုမြင်စေမယ့် အခမ်းအနားတွေ၊ လှုပ်ရှားမှုတွေ ဆောင်ရွက်ရေး ဆွေးနွေးခဲ့ကြပါတယ်။

Ref: Arab News