၂၀၁၆ အကြမ်းဖက်မှုတွင် ပါဝင်သူ ၇ ဦးကို ဘင်္ဂလားဒေ့ရှ် သေဒဏ်ပေး

နိုဝင်ဘာ ၂၈၊ ၂၀၁၉
M-Media

-၂၀၁၆ ခုနှစ် မြို့တော်ဒါကာ သံတမန်ရပ်ကွက်က ကော်ဖီဆိုင်တစ်ခု အကြမ်းဖက်တိုက်ခိုက်ခံရမှုအတွင်း ပါဝင်သူ ၇ ဦးကို ဘင်္ဂလားဒေ့ရှ်က မနေ့မှာ သေဒဏ်တွေ ချမှတ်လိုက်ပါတယ်။

ဇူလိုင်လ ၁ ရက် Holey Artisan Bakery ကော်ဖီဆိုင်ကို သေနတ်သမားတွေက ဝင်ရောက်ပစ်ခတ်မှုအတွင်း ၂၂ ဦး သေဆုံးခဲ့ပြီး ၁၇ ဦးက နိုင်ငံခြားသားတွေ ဖြစ်ပါတယ်။

ဒါကာ အကြမ်းဖက်တိုက်ဖျက်ရေး အထူးခုံရုံးက တရားသူကြီး မိုဟာမက် မာဂျီဘူး ရဟ်မန်က ကျူးလွန်သူတွေဟာ လူ့အဖွဲ့အစည်းအတွင်းမှာ မတည်မငြိမ်ဖြစ်အောင် လုပ်ချင်နေပြီး ဂျီဟတ်နိုင်ငံတစ်ခု တည်ထောင်ချင်နေကြောင်း၊ သူတို့ရဲ့ လုပ်ရပ်တွေဟာ အများပြည်သူ လုံခြုံရေးကို ခြိမ်းခြောက်နေတဲ့အတွက် မ‌သေမချင်း ကြိုးပေးကွပ်မျက်ဖို့ အမိန့်ချလိုက်ကြောင်း အမိန့်စာ ဖတ်ကြားခဲ့ပါတယ်။

အမိန့်ချမှတ်မှုအတွင်း သံသယရှိသူ ၁ ဦးကိုတော့ သက်သေမခိုင်လုံတဲ့အတွက် တရားသူကြီးက တရားသေ လွှတ်ပေးခဲ့ပါတယ်။ အဲဒီ ၈ ဦးဟာ အစိုးရက ပိတ်ပင်ထားတဲ့ လက်နက်ကိုင်အဖွဲ့ Jamaatul Mujahideen Bangladesh (JMB) က အဖွဲ့ဝင်တွေလည်းဖြစ်ပါတယ်။

မနေ့ကချမှတ်ခဲ့တဲ့ သေဒဏ်ကို ဘင်္ဂလားဒေ့ရှ် တရားရေးအသိုင်းအဝိုင်းကလည်း ကြိုဆိုခဲ့ပါတယ်။

Ref: Aljazeera