နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နယ်သာလန်အောက်လွှတ်တော်ကော်မတီနှင့် တွေ့ဆုံမည်

ဒီဇင်ဘာ ၁၃၊ ၂၀၁၉
M-Media

-နယ်သာလန်နိုင်ငံ သည်ဟေ့ဂ်မြို့ကို ရောက်ရှိနေတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ဒီကနေ့ နယ်သာလန် အောက်လွှတ်တော် တာဝန်ရှိသူတွေနဲ့ တွေ့ဆုံဖို့ရှိနေပြီး နယ်သာလန် သတင်းဌာန NOS နဲ့ အင်တာဗျူးမှာ ဖြစ်ပါတယ်။

၂၀၁၇ ခုနှစ်နှောင်းပိုင်းက ရခိုင်ပြည်နယ်မြောက်ပိုင်းမှာ စစ်တပ်ကပြုလုပ်တဲ့ စစ်ဆင်ရေးဟာ ရိုဟင်ဂျာတွေအပေါ် လူမျိုးတုန်းသတ်ဖြတ်လိုတဲ့ ရည်ရွယ်ချက် ရှိနေပြီး ကြားဖြတ်ဆုံးဖြတ်ချက်တစ်ခုချဖို့ ဂမ်ဘီယာနိုင်ငံက နိုင်ငံတကာ ခုံသမာဓိရုံး ICJ ကို လျှောက်ထားခဲ့တာပါ။

ဒေါ်အောင်ဆန်းစုကြည်ဦးဆောင်တဲ့ မြန်မာကိုယ်စားလှယ်အဖွဲ့က ဒီကိစ္စကို သည်ဟေ့ဂ်မြို့မှာ လာရောက်ထုချေခဲ့တာ ဖြစ်ပါတယ်။ မြန်မာစစ်တပ်ဟာ ရိုဟင်ဂျာတွေအပေါ် ကျူးလွန်တာမျိုး ရှိကောင်းရှိနိုင်ပေမယ့် ဒါဟာ လူမျိုးတုန်းသတ်ဖြတ်မှုတော့ မမြောက်ဘူးလို့ ဒေါ်အောင်ဆန်းစုက ပြောကြားခဲ့ပါတယ်။

ဒီကနေ့ နယ်သာလန်အောက်လွှတ်တော်ရဲ့ နိုင်ငံ‌ခြားရေးကော်မတီဟာ ဒေါ်အောင်ဆန်းစုကြည်ကို လက်ခံတွေ့ဆုံမှာဖြစ်ပြီး ဂမ်ဘီယာရဲ့စွဲချက်နောက်ကွယ်က အကြောင်းအရင်းကို ရှင်းပြကာ မြန်မာနိုင်ငံက အခြေအနေတွေကိုလည်း မေးမြန်းဖို့ ရှိနေပါတယ်။နယ်သာလန် ရုပ်သံ NOS နဲ့လည်း ဒေါ်အောင်ဆန်းစုကြည်ဟာ တံခါးပိတ်အင်တာဗျူးတစ်ခု လုပ်ဆောင်မှာ ဖြစ်ပါတယ်။

ICJ ကိစ္စမှာ ဂမ်ဘီယာဖက်က ရပ်တည်မယ်လို့ နယ်သာလန်နဲ့ ကနေဒါက တရားဝင် ထုတ်ပြန်ထားပါတယ်။

Ref: NL Times