နာမည်ကျော်မဂ္ဂဇင်း၏ ၂၀၂၀ ခရီးသွားနေရာစာရင်းတွင် ပါကစ္စတန်က ထိပ်ဆုံး၌ရပ်တည်

ဒီဇင်ဘာ ၁၇၊ ၂၀၁၉
M-Media

-အမေရိကန်က နာမည်ကျော် ခရီးသွားမဂ္ဂဇင်း Condè Nast ရဲ့ ၂၀၂၀ ခုနှစ် ခရီးသွားလာဖို့ အကောင်းဆုံး နိုင်ငံများစာရင်းထဲမှာ ပါကစ္စတန်နိုင်ငံက ထိပ်ဆုံးကနေ ပါဝင်လာခဲ့ပါတယ်။

ဝန်ကြီးချုပ် အင်မရန်းခန်းဦးဆောင်တဲ့ ပါကစ္စတန်အစိုးရသစ်ဟာ နိုင်ငံရဲ့ ခရီးသွားလာရေးကဏ္ဍ ဖွံ့ဖြိုးတိုးတက်စေဖို့ အားစိုက်ဆောင်ရွက်နေပြီး အခုလို ထိပ်တန်းမဂ္ဂဇင်းမှာ ပါဝင်လာတာဟာ တိုးတက်မှု လက္ခဏာလည်း ဖြစ်ပါတယ်။

Condè Nast မဂ္ဂဇင်းက ပါကစ္စတန်ဟာ စွန့်စွန့်စားစား ခရီးသွားလာလိုသူတွေအတွက် သင့်တော်တဲ့‌ ‌နိုင်ငံဖြစ်တယ်လို့ သမုတ်ခဲ့ပါတယ်။

“ပါကစ္စတန်မှာ ပေ ၂၂၉၆၅ ထက်ပိုတဲ့ တောင်အရေအတွက်ဟာ တရုတ်နဲ့ နီပေါ နှစ်နိုင်ငံပေါင်း အရေအတွက်ထွက် ပိုများပြီး စွန့်စွားခရီးသွားလာလိုသူတွေ၊ စွန့်စားတောင်တက်လိုသူတွေတွေ မျက်စိကျရာနိုင်ငံတစ်ခု ဖြစ်လာပါတယ်” လို့ မဂ္ဂဇင်းမှာ ရေးသားဖော်ပြခဲ့ပါတယ်။

ကမ္ဘာ့အမြင့်ဆုံး ပိုလိုကစားကွင်းရှိပြီး ပေပေါင်း ၁၂၂၅၀ မြင့်တဲ့ Shandur Pass တောင်ပေါ်ကို တက်ရောက်အပန်းဖြေနိုင်သလို၊ အရောင်အသွေးစုံတဲ့ ကိုယ်တိုင်လုပ် ခေါင်းပေါင်း၊ အဝတ်အထည်တွေကြောင့် နာမည်ကျော်ကြားတဲ့ Hindu Kush လူမျိုးတွေကို တွေ့ဆုံနိုင်တယ်လို့ မဂ္ဂဇင်းက ဆိုပါတယ်။

ဗြိတိန်က နာမည်ကျော် ဟာသသရုပ်ဆောင် မိုက်ကယ် ပါလင်း၊ ဗြိတိန်တော်မင်းသား ဟယ်ရီတို့ ဇနီးမောင်နှံ ပါကစ္စတန်ကိုသွားရောက်အပန်းဖြေမှု၊ ပါကစ္စတန်အစိုးရက ဗီဇာဖြေလျော့ပေးထားမှုတွေကိုလည်း မဂ္ဂဇင်းမှာ ထည့်သွင်းဖော်ပြခဲ့ပါတယ်။

Ref: Khaleej Times