ဆွီဒင်ရှိ အီဗရာဟီမိုဗစ်ရုပ်တု နှာခေါင်းဖြတ်ခံရ

ဒီဇင်ဘာ ၂၄၊ ၂၀၁၉
M-Media

-ဆွီဒင်ကလပ် မာလ်မိုအသင်းကွင်းရှေ့မှာ စိုက်ထူထားတဲ့ တိုက်စစ်မှူး အီဘရာဟီမိုဗစ်ရဲ့ ရုပ်ထု‌ဟာ ပြီးခဲ့တဲ့ရက်ပိုင်းအတွင်းက နှာခေါင်းအဖြတ်ခံလိုက်ရ‌‌ပါတယ်။

အသက် ၃၈ နှစ်အရွယ် အီဘရာဟီမိုဗစ်ဟာ လွန်ခဲ့တဲ့နှစ် ၂၀ က မာလ်မိုအသင်းနဲ့ ပထမဆုံး ပရော်ဖက်ရှင်နယ်ကစားသမားဘ၀ကို စတင်ခဲ့တာဖြစ်ပါတယ်။

မာလ်မိုအသင်းရဲ့ပြိုင်ဘက် ဟမ်မာဘီအသင်းရဲ့ ရှယ်ယာ ၂၅ ရာခိုင်နှုန်းကို ဝယ်ယူလိုက်တယ်လို့ နိုဝင်ဘာ ၂၇ ရက်နေ့မှာ အီဘရာဟီမိုဗစ်က ကြေငြာခဲ့ပြီးတဲ့နောက် မာလ်မိုအသင်းကွင်းရှေ့က သူရဲ့ရုပ်တုကို မှုတ်ဆေးနဲ့ဖြန်းတာ၊ မီးရှို့တာ၊ ရုပ်ထုလက်မှာ အိမ်သာအိုးက ထိုင်ခုံပြားစွပ်တာတွေ ဖြစ်ပေါ်လာခဲ့ပါတယ်။ စတော့ဟုမ်းမြို့က အီဘရာဟီမိုဗစ်ရဲ့အိမ်ကိုလည်း ဖျက်ဆီးမှုတွေရှိခဲ့ပါတယ်။

ရုပ်ထုကို ထုလုပ်ပေးတဲ့ ဗိသုကာပညာရှင် ပီတာလင်ဒေးက ဒီလို ဖျက်ဆီးမှုတွေ မပြုလုပ်ဖို့ မေတ္တာရပ်ခံခဲ့ပါတယ်။

မာလ်မိုအသင်းကွင်းရှေ့က အီဘရာဟီမိုဗစ်ရုပ်ထုဟာ ၃.၅ မီတာ မြင့်ပြီး ဆွီဒင်ဘောလုံးအဖွဲ့ချုပ်ရဲ့ စီစဉ်မှုနဲ့ အောက်တိုဘာ ၉ ရက်နေ့မှာ ဖွင့်လှစ်ခဲ့တာ‌ ဖြစ်ပါတယ်။

အေဂျက်၊ ဂျူဗင်တပ်စ်၊ အင်တာမီလန်၊ ဘာစီလိုနာ၊ အေစီမီလန်၊ ပီအက်စ်ဂျီနဲ့ မန်ချက်စတာ ယူနိုက်တက်အသင်းတို့မှာ ကစားခဲ့တဲ့ အီဘရာဟီမိုဗစ်ဟာ အခုနှစ် အမေရိကန်မေဂျာလိဂ်ကလပ် LA Galaxy ကထွက်ခွာပြီးတဲ့နောက် အခြားကလပ်အသင်းတစ်ခုကို ရှာဖွေနေပါတယ်။

Ref: BBC