ကာဇက်စတန်နိုင်ငံတွင် ခရီးသည်တင်လေယာဉ်တစ်စီး ပျက်ကျ၊ ၁၂ ဦး သေဆုံး

ဒီဇင်ဘာ ၂၇၊ ၂၀၁၉
M-Media

-ကာဇက်စတန်နိုင်ငံ အလ်မာတီမြို့အနီးမှာ ခရီးသည်တင်လေယာဉ်တစ်စင်း ပျက်ကျမှုအကြောင့် အနည်းဆုံး ၁၂ ဦး သေဆုံးကာ အများအပြား ဒဏ်ရာရရှိခဲ့ပါတယ်။

Bek Air လေကြောင်းလိုင်းက ခရီးသည် ၁၀၀ နီးပါး တင်ဆောင်လာတဲ့ Fokker-100 လေယာဉ်ဟာ အလ်မာတီမြို့ကနေ မြို့တော် နူရ်ဆူလ်တန်ကို သွားဖို့ ပျံတက်စဉ် အောက်ကို နိမ့်ဆင်းကာ လေယာဉ်ကွင်းက အတားအဆီးကို ဖောက်ထွက်ပြီး အနီးအနားက ၂ ထပ်တိုက်ကို တိုက်မိခဲ့တယ်လို့ ကာဇက်စတန် အရပ်ဖက်လေကြောင်းအာဏာပိုင်အဖွဲ့က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

အလ်မာတီနိုင်ငံတကာလေဆိပ်ရဲ့ ဆိုရှယ်မီဒီယာပို့စ်မှာတော့ ဒီအဖြစ်အပျက်အတွင်း အနည်းဆုံး ၂၂ ဦး ဆိုးဆိုးဝါးဝါး ဒဏ်ရာရရှိခဲ့တယ်လို့ ဖော်ပြခဲ့ပါတယ်။

မပျက်ကျခင်မှာ ပေါက်ကွဲသံကြီးတစ်ခု ကြားခဲ့ရတယ်လို့ အသက်ရှင်ကျန်ရစ်သူတွေက ပြောကြားခဲ့ပါတယ်။ ကာဇက်စတန် အရပ်ဖက် လေကြောင်းအာဏာပိုင်အဖွဲ့ကတော့ ပျက်ကျမှု အကြောင်းအရင်းကို စုံစမ်းစစ်ဆေးမှုတွေ ပြုလုပ်နေပါတယ်။

Bek Air လေကြောင်းလိုင်းက လေယာဉ်အားလုံးနဲ့ နိုင်ငံအတွင်းက Fokker-100 ‌လေယာဉ်အားလုံးကို ကာဇက်စတန်က ပျံသန်းမှု ရပ်ဆိုင်းခဲ့ပါတယ်။

Ref: Aljazeera