ဇန်နဝါရီ ၄၊ ၂၀၂၀
M-Media

ဘောလုံးကစားရန် မီလန်သို့ပြန်လာခြင်းဟု မိုဗစ်ပြော

အေစီမီလန်အသင်းကို ပြန်ရောက်လာတာဟာ လာဘ်ကောင်တစ်ခုအဖြစ်မဟုတ်ဘဲ အမှန်တကယ် ဘောလုံးကစားချင်လို့ဖြစ်တယ်လို့ အသက် ၃၈ နှစ်အရွယ် ဆွီဒင်တိုက်စစ်မှူး အီဘရာဟီမိုဗစ်က ပြောကြားလိုက်ပါတယ်။ မိုဗစ်ဟာ မီလန်နဲ့ ၆ လစာချုပ် ချုပ်ဆိုခဲ့ပြီး နောက်ထပ်တစ်နှစ် ထပ်ရှိနေမယ့် အချက်တစ်ခုလည်း စာချုပ်မှာ ပါဝင်ပါတယ်။ မိုဗစ်ဟာ ၂၀၁၀ ကနေ ၂၀၁၂ ခုနှစ်အထိ မီလန်အတွက် ၆၁ ပွဲကစားကာ ၄၂ ဂိုး သွင်းယူပေးခဲ့ပါတယ်။ ‌

ကာတာတွင်လေ့ကျင့်မည့်အစီအစဉ်ကို ကန်ဘောလုံးအသင်း ဖျက်သိမ်း

အရှေ့အလယ်ပိုင်းမှာ လတ်တလော‌ မြင့်တက်လာတဲ့ တင်းမာမှုတွေကြောင့် ကာတာမှာ လေ့ကျင့်ဖို့အစီအစဉ်ကို အမေရိကန် အမျိုးသားလက်ရွေးစင်အသင်းက ရပ်ဆိုင်းလိုက်ပါတယ်။ မနေ့က အီရတ်မှာ အီရန်ထိပ်တန်းဗိုလ်ချုပ်ကို အမေရိကန်က လုပ်ကြံခဲ့ပြီးနောက် တင်းမာမှုတွေ ပိုမိုမြင့်တက်လာခဲ့တာပါ။ အမေရိကန်ဘောလုံးအသင်းဟာ ဇန်နဝါရီ ၅ ရက်ကနေ ၂၅ ရက်နေ့အထိ လေ့ကျင်ဖို့စီစဉ်ထားတာဖြစ်ပါတယ်။ ကာတာကပေးနိုင်တဲ့ လေ့ကျင့်ရေးအဆင့်အတန်းမျိုး၊ ဖော်ရွေးမှုမျိုးပေးနိုင်တဲ့ အခြားနေရာတစ်ခုကို ရှာဖွေနေတယ်လို့ ကန်ဘောလုံးအဖွဲ့ချုပ်က ထုတ်ပြန်ခဲ့ပါတယ်။

ဆောင်းရာသီအပြောင်းအရွှေ့တွင် မန်ယူက ကွင်းလည်အားဖြည့်မည်

ဇန်နဝါရီ အပြောင်းအရွှေ့မှာ ကွင်လယ်အင်အားကို ဖြည့်တင်းသွားမယ်လို့ မန်ယူနည်းပြ ဆိုလ်းရှားက ပြောကြားလိုက်ပါတယ်။ ၂၀၁၈ ခုနှစ် နွေရာသီအပြောင်းအရွှေ့မှာ ဖရဒ်ကို ပေါင် ၆၂ သန်းနဲ့ ခေါ်ယူပြီးနောက်ပိုင်း မန်ယူဟာ ကွင်းလယ်လူ ထပ်မံခေါ်ယူခြင်း မရှိပါဘူး။ ဒါပေမယ့် ကွင်းလယ်လူတစ်ချို့ အသင်းကနေထွက်သွားတာ၊ ဒဏ်ရာရတာတွေကြောင့် အားနည်းလာခဲ့ပါတယ်။ ဆိုလ်းရှားက အရေးပါတဲ့ပွဲတွေ ရှိနေတာကြောင့် ကွင်းလယ်လူ အနည်းဆုံး ၂ ယောက်လောက်‌ခေါ်ယူသွားဖို့ရှိပြီး အခြားနေရာတွေကိုလည်း ဖြည့်တင်းသွားမယ်လို့ ဆိုပါတယ်။

Ref: BBC, Goal