ကမ္ဘာ့အန္တရာယ်အကင်းဆုံး လေကြောင်းလိုင်းတွေက ဘာတွေလဲ

ဇန်နဝါရီ ၁၅၊ ၂၀၂၀
M-Media

-ကမ္ဘာပေါ်က အန္တရာယ်အကင်းဆုံး လေကြောင်းလိုင်း ၁၀ ခုကို AirlineRatings.com က ပြီးခဲ့တဲ့တစ်ပတ်မှာ ထုတ်ပြန်ရာမှာ ဩစတေးလျ နိုင်ငံပိုင်လေကြောင်းလိုင်း Qantas က ထိပ်ဆုံးမှာ ရပ်တည်နေပါတယ်။

AirlineRatings.com ဟာ ကမ္ဘာတစ်ဝှမ်းက ‌လေကြောင်းလိုင်းပေါင်း ၄၀၅ ခုလောက်ကို စောင့်ကြည့်နေတာဖြစ်ပြီး အန္တရာယ်အကင်းဆုံးလို့ ယူဆရတဲ့ လေကြောင်းလိုင်းတွေစာရင်းကို နှစ်စဉ် ထုတ်ပြန်လေ့ ရှိပါတယ်။

Qantas လေကြောင်းလိုင်းဟာ ၂၀၁၄ ခုနှစ် ၂၀၁၇ ခုနှစ်အထိ အန္တရာယ်အကင်းဆုံး လေကြောင်းလိုင်းအဖြစ် ရပ်တည်ခဲ့ပြီး ၂၀၁၈ ခုနှစ်မှာတော့ လေကြောင်းလိုင်းပေါင်း ၂၀ လောက် အန္တရာယ်အကင်းဆုံးအဖြစ် ပူးတွဲရပ်တည်ခဲ့ပါတယ်။

၂၀၁၉ ခုနှစ်မှာ Qantas လေကြောင်းလိုင်းက အဆင့် ၁၊ နယူးဇီလန်ရဲ့ Air New Zealand လေ‌ကြောင်းလိုင်းက အဆင့် ၂၊ ထိုင်ဝမ်ရဲ့ EVA Air လေကြောင်းလိုင်းက အဆင့် ၃၊ ယူအေအီးအခြေစိုက် Etihad Airways လေကြောင်းလိုင်းက အဆင့် ၄၊ ကာတာရဲ့ Qatar Airways လေကြောင်းလိုင်းက အဆင့် ၅ နေရာမှာ အသီးသီး ရပ်တည်နေပါတယ်။

အရပ်ဖက်လေကြောင်းအဖွဲ့အစည်းတွေနဲ့ အစိုးရတွေရဲ့ သုံးသပ်မှုတွေ၊ မတော်တဆဖြစ်မှု မှတ်တမ်း၊ လေယာဉ်တွေရဲ့ သက်တမ်း၊ ဘဏ္ဍာရေးအခြေအနေ၊ လေယာဉ်မှူးတွေကို လေ့ကျင့်သင်ကြားပေးမှုတွေကို သုံးသပ်ကာ ဒီစာရင်းကို ထုတ်ပြန်တာ ဖြစ်ပါတယ်။

လွန်ခဲ့တဲ့ နှစ်ပေါင်း ၂၀ အတွင်း ထိပ်တန်းနေရာမှာ ရှိခဲ့တဲ့ British Airways၊ ANA, American Airlines နဲ့ United လေကြောင်းလိုင်းတွေကတော့ အခုနှစ် အန္တရာယ်အကင်းဆုံးစာရင်းမှာ မပါဝင်ခဲ့ပါဘူး။

Ref: CNN