ပါလက်စတိုင်းများကို အစ္စရေးက တမင်ရည်ရွယ် ညှင်းပမ်းနေသည်ဟု ကုလအကြီးအကဲဟောင်း ပြော

ဇန်နဝါရီ ၂၀၊ ၂၀၂၀
M-Media

-အစ္စရေးရဲ့ ဖိနှိပ်ညှင်းပမ်းမှုအောက်မှာ နေထိုင်နေရတဲ့ ပါလက်စတိုင်းတွေရဲ့ အခြေအနေဟာ ဖော်မပြနိုင်လောက်အောင် စက်ဆုပ်ဆိုးရွားဖွယ် ဖြစ်နေတယ်လို့ ကုလသမဂ္ဂ ဒုတိယအထွေထွေအတွင်းရေးမှူးဟောင်း အန်ဒရူး ဂီလ်မူရ်က ပြောကြားလိုက်ပါတယ်။

ဂီလ်မူရ်ဟာ ကုလသမဂ္ဂမှာ နှစ်ပေါင်း ၃၀ ကျော် တာဝန်ထမ်းဆောင်ခဲ့ပြီး အခုအချိန်မှာတော့ အစ္စရေးနဲ့ ပါလက်စတိုင်းပိုင်နက်တွေက လူ့အခွင့်အရေး အခြေအနေတွေကို လေ့လာသုံးသပ်မှုတွ ပြုလုပ်နေသူပါ။

အလ်ဂျာဇီးရားသတင်းဌာနနဲ့ အင်တာဗျူးမှာ ပါလက်စတိုင်းတွေ၊ အထူးသဖြင့် အစ္စရေးရဲ့ ပိတ်ဆို့မှုကို ခံနေရတဲ့ ဂါဇာကမ်းမြှောင်က ပြည်သူတွေရဲ့ အခြေအနေ ဘယ်လောက်ဆိုးဝါးနေလဲလို့ မေးမြန်းရာမှာ ဂီလ်မူရ်က အလွန် ဆိုးရွားနေတယ်လို့ဖြေကြားခဲ့ပါတယ်။

“တကယ့်ကို ဆိုးဆိုးဝါးဝါးဖြစ်နေတယ်လို့ ကျွန်တော် ပြောရမယ်ဗျ။ ဂါဇာကလူတွေရဲ့ ရုပ်ပိုင်းဆိုင်ရာ အခြေအနေတွေဟာ ပြောပြလို့မရအောင်ကို ဆိုးရွားနေတာပါ။ ကမ္ဘာကြီးက ဒါကိုခွင့်ပြုထားတယ်ဆိုတာဟာ လက်မခံနိုင်စရာ၊ တုန်လှုပ်ဖွယ်ရာ ဖြစ်ပါတယ်”

တစ်ကယ်တမ်း ဂါဇာဟာ စီးနင်းပိတ်ဆို့ခံထားရတဲ့အခြေအနေမျိုးဖြစ်ပြီး၊ ၁၉၉၀ ပြည့်နှစ်တွေက တောင်အာဖရိကမှာ လူဖြူတွေ ကြီးစိုးဂုပ်သွေးစုပ်ကာ လူမည်းတွေအပေါ်မှာ ဖိနှိပ်မှုအခြေအနေနဲ့ ဆင်တူနေကြောင်း၊ အစ္စရေးဟာ ပါလက်စတိုင်းတွေကို အရှက်တကွဲအကျိုးနည်းဖြစ်အောင် တမင်ဆောင်ရွက်နေပြီး အချိန်ကြာလာတာနဲ့အမျှ ပိုမိုဆိုးရွားလာကြောင်း ဂီလ်မူရ်က ထည့်သွင်းပြောဆိုခဲ့ပါတယ်။

Ref: Aljazeera