မှတ်ပုံမတင်ထားသည့် ဆင်းကဒ် ၆ သန်းကျော်ကို အစိုးရ ပိတ်သိမ်း

ဖေဖော်ဝါရီ ၈၊ ၂၀၂၀
M-Media

-မှတ်ပုံမတင်ထားတဲ့ ဆင်းကဒ် ၆.၅၅ သန်းလောက်ကို ပိတ်ပစ်လိုက်တယ်လို့ မြန်မာအစိုးရရဲ့ ပို့ဆောင်ရေးနဲ့ ဆက်သွယ်ရေးဝန်ကြီးဌာနက ပြောကြားလိုက်ပါတယ်။

ကဒ်တွေထဲက လက်ကျန်ငွေ ကျန်သန်းပေါင်း ၁၅၀၀ ကျော်ကို နိုင်ငံတော် သဘာ၀ဘေး စီမံခန့်ခွဲရေးရန်ပုံငွေအဖွဲ့ကို လှူဒါန်းလိုက်တယ်လို့ ဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

တယ်လီဖုန်းဆက်သွယ်ရေး ဝန်ဆောင်မှုပေးတဲ့ ကုမ္ပဏီတွေဟာ ဆင်းကဒ်တွေကို နောက်ဆုံးရက်မတိုင်မီ မှတ်ပုံတင်ခြင်း မရှိတာကြောင့် ကန်ဒေါ်လာ ၁ သိန်းစီ ဒဏ်ရိုက်သွားဖို့ ဆက်သွယ်ရေးဝန်ကြီးဌာနက စီစဉ်နေပါတယ်။ အသုံးပြုသူတွေအနေနဲ့ မိမိတို့ရဲ့ ဆင်းကဒ်တွေ မှတ်ပုံတင်ထားခြင်း ရှိ၊ မရှိ စစ်ဆေးဖို့လည်း ဝန်ကြီးဌာနက တိုက်တွန်းခဲ့ပါတယ်။

မြန်မာနိုင်ငံမှာ မိုဘိုင်းဖုန်းအသုံးပြုသူ သန်း ၅၀ လောက်ရှိပေမယ့် အဲဒီအထဲက ၃၀ ရာခိုင်နှုန်းလောက်သာ မှတ်ပုံတင်ထားကြတယ်လို့ MyTel ရဲ့ ပြည်သူ့ဆက်ဆံရေးတာဝန်ရှိသူ ဦးဇော်မင်းဦးက ပြောကြားခဲ့ပါတယ်။

ဆင်းမ်ကဒ်တွေကို အလွယ်တကူ ဝယ်ယူလို့ရတဲ့တာကြောင့် မှတ်ပုံမတင်ထားတဲ့ကဒ်တွေနဲ့ ရာဇဝတ်မှု ကျူးလွန်တာတွေလည်း ရှိနေပါတယ်။

ဝန်ကြီးဌာနက လူတစ်ယောက်ကို ဆက်သွယ်ရေးကုမ္ပဏီစတ်ခုက ဆင်းမ်ကဒ် ၂ ခုစီသာ ကိုင်ဆောင်ခွင့်ရမှာဖြစ်ပြီး ဝယ်ယူပြီး ၆ လအထိ အသုံးပြုခြင်းမရှိတဲ့ ဆင်းကဒ်တွေကို ပိတ်သိမ်းမယ်လို့ ပြီးခဲ့တဲ့လမှာ ကြေငြာချက်တစ်ခု ထုတ်ပြန်ခဲ့ပါတယ်။

Ref: mmtimes