ဓားနဲ့ထိုးသူကို ခွင့်လွှတ်သည်ဟု လန်ဒန်ဗလီမှ မုအ်ဇင်ပြော

ဖေဖော်ဝါရီ ၂၂၊ ၂၀၂၀
M-Media

-မိမိကို ဓားနဲ့ထိုးသူကို ခွင့်လွှတ်တယ်လို့ လန်ဒန်ဂျာ‌မေဗလီဝတ်ကျောင်းတော်ရဲ့ မုအ်ဇင် နိဗ္ဗာန်ဆော်က ပြောကြားလိုက်ပါတယ်။

အသက် ၇၀ ကျော်အရွယ် ရာဖတ် မဂ်လဒ်ဟာ ကြာသာပတေးနေ့က ဗလီထဲမှာ အသက် ၂၉ နှစ်အရွယ် လူဖြူအမျိုးသား ဒန်နီယဲလ် ဟော်တွန်ရဲ့ ဓားနဲ့ထိုးခြင်းကို ခံခဲ့ရတာပါ။ ဒီအဖြစ်အပျက်ကြောင် မဂ်လဒ်တစ်ယောက် လည်ပင်းမှာ ထိုးသွင်းဒဏ်ရာ ရသွားခဲ့ပြီး ဆေးကုသမှု ခံခဲ့ရပါတယ်။ တိုက်ခိုက်သူကိုတော့ ဝတ်ပြုဖို့လာသူတွေက ၀ိုင်းဖမ်းကာ ရဲလက်အပ်ခဲ့ပါတယ်။

မနေ့က ဆေးရုံကနေဆင်းကာ သောကြာနေ့ဝတ်ပြုဖို့ ဗလီကိုပြန်လာတဲ့ မဂ်လဒ်က တိုက်ခိုက်ခဲ့သူကို ခွင့်လွှတ်တယ်လို့ ပြောကြားခဲ့ပါတယ်။

စကော့တလန်ယာ့ဒ် စုံထောက်အဖွဲ့က ဒီအဖြစ်အပျက်ကို အကြမ်းဖက်မှုမဟုတ်ဘဲ ရိုးရိုးဓားထိုးမှုအဖြစ်နဲ့သာ စုံစမ်းစစ်ဆေးနေပါတယ်။ တိုက်ခိုက်ခဲ့သူ ဒန်နီယဲလ် ဟော်တွန်ဟာ အပြင်းအထန်နာကျင်စေမှု၊ ချွန်ထက်တဲ့လက်နက် ကိုင်ဆောင်မှုတွေနဲ့ တရားစွဲဆို ခံထားရပါတယ်။

‌လန်ဒန်မြို့တော်ဝန် ဆာဒစ်ခန်းဟာ သောကြာနေ့က လန်ဒန်ဂျာမေဗလီကို သွားရောက်ကာ ဝတ်ပြုဆုတောင်းခဲ့ပြီး လန်ဒန်ပြည်သူတွေအနေနဲ့ သတိဝိရိယရှိကြဖို့ တိုက်တွန်းခဲ့ပါတယ်။

Ref: BBC