မလေးရှားဝန်ကြီးချုပ်သစ်က လွှတ်တော်ကို ၂ လနောက်ဆုတ်

မတ် ၄၊ ၂၀၂၀
M-Media

-မလေးရှားဝန်ကြီးချုပ်သစ် မုဟ်ယစ်ဒင် ယာစင်ဟာ လွှတ်တော်ကျင်းပမယ့်ရက်ကို ၂ လ နောက်ဆုတ်လိုက်ပြီး အတိုက်အခံတွေကတော့ သူ့ကိုထောက်ခံမှုရအောင် လုပ်ဆောင်ဖို့ အချိန်ဆွဲလိုက်တာ ဖြစ်တယ်လို့ ဝေဖန်ခဲ့ပါတယ်။

ဝန်ကြီးချုပ် မဟာသီယာမိုဟာမက် ဦးဆောင်တဲ့ အာဏာရ နိုင်ငံရေးညွန့်ပေါင်းအဖွဲ့ PH အတွင်း အာဏာလွန်ဆွဲမှုတွေ ဖြစ်ပွားခဲ့ပြီးတဲ့နောက် ပြည်ထဲရေးဝန်ကြီး ယာစင်က ပြီးခဲ့တဲ့တစ်ပတ်မှာ ဝန်ကြီးချုပ်သစ် ဖြစ်လာခဲ့တာပါ။

လွှတ်တော်ဥက္ကဌ မိုဟာမက် အာရစ်ဖ် အမ်ဒီ ယူစွဖ်က လွှတ်တော်ကို မေလ ၁၈ ရက်နေ့မှ စတင်မယ်ဆိုတဲ့ အကြောင်းကြားစာတစ်ခုကို ဝန်ကြီးချုပ် မုဟ်ယစ်ဒင်ထံကနေ ရရှိခဲ့ပြီး ဘာ့ကြောင့် ဒီလို ၂ လနောက်ဆုတ်လဲဆိုတာကို ဖော်ပြထားခြင်းမရှိဘူးလို့ ပြောကြားခဲ့ပါတယ်။ ပုံမှန် လွှတ်တော်စတင်ချိန်ဟာ မေလ ၉ ရက်နေ့ ဖြစ်ပါတယ်။

တနင်္လာနေ့ကစတင်ပြီး ဝန်ကြီးချုပ်တာဝန် ထမ်းဆောင်ခဲ့တဲ့ မုဟ်ယစ်ဒင်ဟာ ခြစားမှုစွဲချက်တွေနဲ့ ရင်ဆိုင်နေရတဲ့ ဝန်ကြီးချုပ်ဟောင်း နာဂျစ်ရဲ့ UMNO ပါတီ၊ အခြား ပါတီတစ်ချို့နဲ့ မဟာမိတ်ဖွဲ့ကာ အစိုးရသစ်ဖွဲ့မှာ ဖြစ်ပါတယ်။

Ref: Aljazeera