စင်ကာပူတွင် COVID-19 ကြောင့် ပထမဆုံး လူသေဆုံးမှုဖြစ်

မတ် ၂၁၊ ၂၀၂၀
M-Media

-COVID-19 ကြောင့် စင်ကာပူနိုင်ငံမှာ ဒီကနေ့ လူ ၂ ဦး သေဆုံးခဲ့ပြီး ဒါဟာ ပထမဆုံး သေဆုံးမှုလည်း ဖြစ်ပါတယ်။

သေဆုံးသွားသူ အသက် ၇၅ နှစ်အရွယ် စင်ကာပူနိုင်ငံသား အမျိုးသမီးမှာ နာတာရှည် နှလုံးရောဂါနဲ့ သွေးတိုးရောဂါတို့ရှိပြီး မကြာသေးခင် ဗိုင်းရပ်စ်ပြန့်နှံ့ရာ ဒေသတွေကို သွားရောက်ခဲ့သူဖြစ်ပါတယ်။ အခြားတစ်ဦးက အသက် ၆၄ နှစ်အရွယ် အင်ဒိုနီးရှားနိုင်ငံသားဖြစ်ပြီး နှလုံးရောဂါအခံရှိသူပါ။ မတ်လ ၁၃ ရက်​နေ့က စင်ကာပူနိုင်ငံကို ရောက်ရှိလာခဲ့ပြီးတဲ့နောက် ဆေးရုံတင်လိုက်ရတာ ဖြစ်ပါတယ်။

ကျန်းမာရေးဝန်ကြီး ဂန်ကင်ယုံက ဒီသတင်းကြောင့် စင်ကာပူနိုင်ငံသားတွေ စိတ်သောကရောက်ကြမယ်ဆိုတာ သိပေမယ့် ကြောက်ရွံ့မှုကို နေရာပေးစရာ မလိုဘူးလို့ ပြောကြာခဲ့ပါတယ်။

စင်ကာပူမှာ COVID-19 ကူးစက်သူအရေအတွက်ဟာ စုစုပေါင်း ၃၈၅ ဦးရှိပြီး အဲဒီအထဲက ၁၃၁ ဦးဟာ ဗိုင်းရပ်စ်ပျောက်ကင်းကာ ဆေးရုံကနေ ဆင်းသွားပြီဖြစ်ပါတယ်။

Ref : CNA