ကိုရိုနာဗိုင်းရပ်စ်ကြောင့် အိန္ဒိယက တိုင်းပြည်ကို ၃ ပတ်ကြာ တံခါးပိတ်

မတ် ၂၅၊ ၂၀၂၀
M-Media

-COVID-19 ပြန့်နှံ့မယ့်အန္တရာယ်ကို စိုးရိမ်ရတာကြောင့် မတ်လ ၂၅ ရက်နေ့ကစပြီး နိုင်ငံကို ၂၁ ရက်ကြာ တံခါးပိတ်မယ်လို့ အိန္ဒိယဝန်ကြီးချုပ် မိုဒီက မနေ့မှာ ကြေငြာလိုက်ပါတယ်။

အိန္ဒိယနိုင်ငံမှာ လူဦးရေ သန်း ၁၃၀၀ ကျော် ရှိနေတာပါ။ နိုင်ငံကို တံခါးပိတ်မှာကြောင့် ​ကျောင်းတွေ၊ ရုံးတွေ၊ စျေးဆိုင်တွေအားလုံး ပိတ်ရတော့မှာ ဖြစ်သလို၊ လူစုလူဝေးလုပ်တာကို တားမြစ်တာ၊ သွားလာလှုပ်ရှားမှုတွေ ကန့်သတ်တာတွေလည်း လုပ်ဆောင်မှာ ဖြစ်ပါတယ်။

ဝန်ကြီးချုပ် မိုဒီက ဒီလိုသာ ၂၁ ရက် တံခါးပိတ်တာမျိုး မဆောင်ရွက်ရင် တိုင်ပြည်ဟာနောက်ထပ် နှစ်ပေါင်း ၂၀ လောက် နောက်ပြန်ရောက်သွားမယ်လို့ မနေ့က ရုပ်မြင်သံကြားမိန့်ခွန်းမှာ ပြောကြားခဲ့ပါတယ်။

အိန္ဒိယမှာ လက်ရှိ ကူးစက်သူ ၄၈၂ ဦးတွေ့ရှိထားပြီး သေဆုံးသူ ၉ ဦး ရှိနေပါတယ်။ ကျွမ်းကျင်သူတွေကတော့ အိန္ဒိယပြည်သူ ၁ သန်းကျော်လောက် ကူးစက်နိုင်တယ်လို့ ခန့်မှန်းထားပါတယ်။ တိုင်းပြည်ကို တံခါးပိတ်လိုက်တာကြောင့် အခြေခံစားသောက်ကုန်တွေ အလုအယက်ဝယ်ကြတာတွေလည်း နိုင်ငံတစ်ဝှမ်းမှာ ဖြစ်ပေါ်နေပါတယ်။

Ref: CNA