မလေးရှားတွင် Lockdown ကာလအတွင်း ရဲ ၆၀ ကျော် ကိုရိုနာဗိုင်းရပ်စ်ကူး

ဧပြီ ၉၊ ၂၀၂၀
M-Media

-တစ်နိုင်ငံလုံး ရွေ့လျားသွားလာမှု ကန့်သတ်မိန့် ထုတ်ပြန်ထားတဲ့ ကာလအတွင်း ရဲတပ်ဖွဲ့ ၆၆ ဦး Covid-19 ကူးစက်ခံခဲ့ရတယ်လို့ မလေးရှား ရဲတပ်ဖွဲ့က မနေ့မှာ ထုတ်ပြန်ခဲ့ပါတယ်။

ကူးစက်တဲ့ ရဲတပ်ဖွဲ့ဝင်တွေနဲ့ သူတို့ရဲ့ မိသားစုဝင် ၁၂၂၅ ဦးကို အာဏာပိုင်တွေက လက်ရှိမှာ သီးသန့်ခွဲခြား စောင့်ကြည့်နေပါတယ်။

“သီးသန့်ခွဲထားပြီး စောင့်ကြည့်ခံနေရသူတွေဟာ အရာရှိ ၁၅၅ ဦး၊ တပ်သား ၆၅၄ ဦးနဲ့ မိသားစုဝင် ၃၈၁ ဦး ဖြစ်ပါတယ်။ သူတို့ရဲ့ အခြေအတွေကို ကျွန်တော်တို့ အနီးကပ်စောင့်ကြည့်နေပါတယ်” လို့ ဘူကစ်အေမန်ရဲဌာနက ကွန်မန်ဒါ ဒါတွတ်ဆရီ အခ်ရိုင် ဆာနီ အဘ်ဒူလာ ဆာနီက ပြောကြားခဲ့ပါတယ်။

မလေးရှားဟာ မတ်လအလယ်ကတည်းက နိုင်ငံကို တံခါးပိတ်ကာ ရွေ့လျားသွားလာမှု ကန့်သတ်မိန့် ထုတ်ပြန်ထားတာဖြစ်ပြီး ဒီအမိန့်ကို တာဝန်ယူ အကောင်အထည်ဖော်နေစဉ်အတွင်း လူတွေနဲ့ ထိတွေ့ရာကနေ ရဲတပ်ဖွဲ့ဝင်တွေ ကူးစက်ခံရတာဖြစ်တယ်လို့လည်း အလ်ဒူလာ ဆာနီက ထည့်သွင်း ပြောဆိုခဲ့ပါတယ်။

Ref: The Star