ဧပြီ ၁၀၊ ၂၀၂၀
M-Media

ဘောလုံးပြိုင်ပွဲများ ပြန်မစရန် ဖီဖာဥက္ကဌ တိုက်တွန်း

ရပ်ဆိုင်းထားတဲ့ ဘောလုံးပြိုင်ပွဲတွေ ပြန်မစဖို့ ကမ္ဘာ့ဘောလုံးအဖွဲ့ချုပ် FIFA ဥက္ကဌ ဂီယန်နီ အင်ဖန်တီနိုက တိုက်တွန်းလိုက်ပြီး ဒီလိုလုပ်ဆောင်တာဟာ တာဝန်မဲ့တာဖြစ်တယ်လို့ ပြောကြားလိုက်ပါတယ်။ ကိုဗစ်ကြောင့် ရပ်နားထားရတဲ့ ဘောလုံးပြိုင်ပွဲတွေဟာ ပြန်စဖို့အတွက် စီစဉ်နေကြပြီး ဂျာမန် ဘွန်ဒစ်လီဂါ အမှတ်ပေးပြိုင်ပွဲကတော့ မေလလောက်မှာ ပြန်စနိုင်တယ်လို့ ထုတ်ပြန်ထားပါတယ်။ အင်ဖန်တီနိုက ကျန်းမာရေးသည်သာ ပထမဖြစ်ပြီး မိမိတို့ရဲ့ အကြံပေးမှုကို ဘောလုံးပြိုင်ပွဲတွေက လိုက်နာကြဖို့ ထည့်သွင်းပြောဆိုခဲ့ပါတယ်။

ပရီးမီးယားလိဂ်ကို ပစ်မှတ်ထားသည့် ယူကေအစိုးရကို PFA ဥက္ကဌ ဝေဖန်

ပရီးမီးယားလိဂ်ကစားသမားတွေရဲ့ လစာတွေကို ဖြတ်ဖို့ ယူကေအစိုးရရဲ့ စီစဉ်မှုကို ပရော်ဖက်ရှင်နယ် ဘောလုံးသမားများအသင်း (PFA) ဥက္ကဌ ဂေါဒွန်တေလာက ဝေဖန်လိုက်ပါတယ်။ ကစားသမားတွေအနေနဲ့ လစာလျော့ယူပြီး ကိုရိုနာဗိုင်းရပ်စ် တိုက်ဖျက်ရေးမှာ ပါဝင်ဖို့ အစိုးရက ဖိအားပေးနေတာပါ။ ကစားတွေက သူတို့ဟာ ချောင်ပိတ်ခံနေရတယ်လို့ ခံစားနေရပြီး ဒါဟာ ဆုိးကျိုးဖြစ်စေမှာဖြစ်ကြောင်း၊ ပရီးမီးယားလိဂ်တစ်ခုတည်းကို ပစ်မှတ်ထားနေတာထက် အခြားလုပ်ငန်းတွေ၊ အားကစားသမားတွေကိုလည့် ထည့်သွင်းစဉ်စားသင့်ကြောင်း ဂေါ်ဒွန် တေလာက ထည့်သွင်းပြောကြားခဲ့ပါတယ်။ ပရီးမီးယားလိဂ် ကစားသမားတွေဟာ ယူကေ ကျန်းမာရေးဝန်ကြီးဌာနကို ထောက်ပံ့ဖို့အတွက် #PlayersTogether ခေါင်းစဉ်နဲ့ ရန်ပုံငွေရှာဖွေမှုလည်း ပြုလုပ်နေပါတယ်။

လီဗာပူးလ်ကို ပရီးမီးယားလိဂ်ဖလားပေးရန် ဝက်ဖို့ဒ်နောက်ခံလူ တိုက်တွန်း

ရာသီပြီးဆုံးဖို့ ၉ ပွဲကျန်ရှိနေချိန် အမှတ်ပေးဇယားကို ၂၅ မှတ်ဖြတ် ဦးဆောင်ထားတဲ့ လီဗာပူးလ်ကို ဖလားပေးပြီး အခုနှစ် ပရီးမီးယားလိဂ် ဘောလုံးရာသီကို ဖျက်သိမ်းဖို့အတွက် ၀က်ဖို့ဒ်အသင်းနောက်ခံလူ ဂျိုဆေး ဟိုလီဘက်စ်က ပြောကြားလိုက်ပါတယ်။ Covid-19 ပြန့်နှံ့မှုကြောင့် ဥရောပ ဘောလုံးပြိုင်ပွဲတွေကို ရပ်ဆိုင်းထားရပြီး UEFA ကတော့ တစ်နည်းနည်းနဲ့ ပြိုင်တွေကို အဆုံးသတ်ချင်နေပေမယ့် ချန်ပီယံအဖြစ်သတ်မှတ်ရေး၊ တန်းဆင်းတန်းတက် ကိစ္စတွေအတွက် ရှင်းလင်းတဲ့ နည်းလမ်းမျိုး မရှိသေးပါဘူး။ ဂရိကစားသမား ဟိုလီဘတ်စ်က ပြောင်မြောက်တဲ့ စွမ်းဆောင်ရည်တွေ ပြသထားတဲ့ လီဗာပူးလ်အသင်းဟာ ချန်ပီယံဘွဲ့နဲ့ ထိုက်တန်ကြောင်း ထည့်သွင်းပြောဆိုခဲ့ပါတယ်။

Ref: Goal, BBC

#mmFootballNews