Covid-19 ကြောင့် ကမ္ဘာတစ်ဝှမ်း သေဆုံးသူ ၁ သိန်း​ကျော်ပြီ

ဧပြီ ၁၁၊ ၂၀၂၀
M-Media

-Covid-19 ကြောင့် ကမ္ဘာတစ်ဝှမ်း သေဆုံးမှုအရေအတွက်ဟာ မနေ့က ၁ သိန်းကျော်လာခဲ့ပြီ ဖြစ်ပြီး ကူးစက်သူက ၁.၆ သန်း ကျော်လာပါပြီ။

သေဆုံးမှု စုစုပေါင်းရဲ့ ၇၀ ရာခိုင်နှုန်းဟာ ဥရောပတိုက်က ဖြစ်ပါတယ်။ ဗိုင်းရပ်စ်ကြောင့် ကမ္ဘာတစ်ဝှမ်း လူပေါင်း သန်း ၄ ထောင်လောက် လှုပ်ရှားသွားလာမှု ကန့်သတ်ခံထားရပြီး ကမ္ဘာ့ကျန်းမာရေးအဖွဲ့ WHO က ဒီကန့်သတ်မှုတွေကို စောစောစီးစီး မဖြေလျော့ဖို့အတွက် သတိပေးထားပါတယ်။

အမေရိကန်မှာ မနေ့ကသေဆုံးသူ ၂၁၀၈ ဦးရှိခဲ့ပြီး တစ်ရက်အတွင်း ကမ္ဘာ့စံချိန်တင် သေဆုံးမှုပါ။ ကူးစက်သူ အရေအတွက်ကလည်း သန်းဝက်ကျော်လာပြီး ကမ္ဘာပေါ်မှာ ကူးစက်မှုအများဆုံးနိုင်ငံလည်း ဖြစ်လာပါတယ်။

ဗိုင်းရပ်စ်ဒဏ်ကို အကြီးအကျယ် ခံစားနေရတဲ့ စပိန်နဲ့ အီတလီတို့မှာတော့ ပြီးခဲ့တဲ့ ရက်ပိုင်းအတွင်းက သေဆုံးမှု၊ ကူးစက်မှုအရေအတွက်တွေ တစ်ဖြည်းဖြည်း လျော့ကျလာပါတယ်။

Ref: AFP