ဂီတဖျော်ဖြေပွဲတွင် ဓားနှင့်ဝင်ထိုးသူကို ဆော်ဒီက ကွပ်မျက်

ဧပြီ ၁၈၊ ၂၀၂၀
M-Media

-ပြီးခဲ့တဲ့နှစ် နိုဝင်ဘာလက ဂီတဖျော်ဖြေပွဲတစ်ခုမှာ စပိန်အကသမား ၃ ဦးကို ဓားနဲ့ဝင်ထိုးသူကို ကြာသာပတေးနေ့မှာ ကွပ်မျက်လိုက်တယ်လို့ ဆော်ဒီ ပြည်ထဲရေးဝန်ကြီးဌာနက သတင်းထုတ်ပြန်ပါတယ်။

ကျူးလွန်သူဟာ အသက် ၃၃ နှစ်အရွယ် အီမဒ် အလ်-မန်ဆူရီဖြစ်ပြီး ယီမင်နိုင်ငံသား ဖြစ်ပါတယ်။ ဆော်ဒီအာဏာပိုင်တွေက အလ်-မန်ဆူရီဟာ အလ်-ကိုင်းဒါးအဖွဲ့နဲ့ ဆက်နွယ်သူဖြစ်တယ်လို့ ထုတ်ပြန်ခဲ့ပါတယ်။ အလ်-ကိုင်းဒါကတော့ တိုက်ခိုက်မှုကို သူတို့လုပ်တယ်လို့ မပြောပါဘူး။

ရီယာ့ဒ်မြို့က အဘ်ဒူလာပန်းခြံမှာ ပြုလုပ်ခဲ့တဲ့ ဂီတဖျော်ဖြေပွဲမှာ အလ်-မန်ဆူရီက စင်ပေါ်တက်ပြီး ဖျော်ဖြေနေသူ ၃ ဦးကို ဓားနဲ့ ထိုးခဲ့တာပါ။ အမျိုးသား ၂ ဦးနဲ့ အမျိုးသမီး ၁ ဦး ဒဏ်ရာရခဲ့ပြီး သေဆုံးမှုတော့ မရှိပါဘူး။

ဆော်ဒီအထူးခုံရုံးက အလ်-မန်ဆူရီကို အကြမ်းဖက်စွဲချက်အပါအဝင် စွဲချက်အများအပြားနဲ့ သေဒဏ်ချမှတ်ခဲ့တာဖြစ်ပါတယ်။ ဒီကိစ္စနဲ့ဆက်နွယ်တဲ့ အခြားတစ်ဦးကိုတော့ ထောင်ဒဏ် ၁၂ နှစ်ခွဲ ချမှတ်ခဲ့ပါတယ်။

ရုပ်ရှင်ရုံတွေ၊ ဖျော်ဖြေပွဲတွေကို ဆယ်စုနှစ်ချီ ပိတ်ထားတဲ့ ဆော်ဒီအာရေဗျမှာ အိမ်ရှေ့မင်းသား မိုဟာမက် ဘင် ဆလ်မန်က Vision 2030 စီမံကိန်းနဲ့ ၂၀၁၈ ခုနှစ်မှာ ပြန်ဖွင့်ပေးခဲ့တာပါ။ ပြီးခဲ့တဲ့နှစ်အတွင်း ရီယာ့ဒ်မှာ ဖျော်ဖြေပွဲတစ်ချို့ ကျင်းပခဲ့ပေမယ့် အခုတိုက်ခိုက်မှုပြီးတဲ့နောက် စီစဉ်ထားတဲ့ ဖျော်ဖြေပွဲတွေကို ရပ်ဆိုင်းခဲ့ပါတယ်။

Ref: BBC