အမေရိကန်ပြည်နယ်တစ်ချို့တွင် ကိုဗစ်ကန့်သတ်ချက်များ လျှေ့ာချ

ဧပြီ ၂၅၊ ၂၀၂၀
M-Media

-အမေရိကန်မှာ Covid-19​ ကြောင့် သေဆုံးသူ ၅ သောင်း ကျော်သွားပေမယ့် ပြည်နယ်တစ်ချို့ကတော့ ရွေ့လျားသွားလာမှု ကန့်သတ်ချက်ကို သောကြာနေ့မှာ စတင်လျှော့ချကာ စီးပွားရေးလုပ်ငန်းတွေကို ပြန်လည်ဖွင့်လှစ်ခွင့် ပေးနေပါတယ်။

ပြီးခဲ့တဲ့ ၂၄ နာရီအတွင်း အမေရိကန်မှာ ကိုဗစ်ကြောင့်သေဆုံးသူ ၃၃၀၀ ကျော် ရှိခဲ့တာပါ။ ကူးစက်သူအရေအတွက်ကတော့ စုစုပေါင်း ၈၉၀၀၀၀ ကျော် ရှိနေပါတယ်။ နယူး​ယောက်ကတော့ ဗိုင်းရပ်စ်ဒဏ်ကို အဆိုးရွားဆုံး ခံရတဲ့ ဒေသဖြစ်ပါတယ်။

အိုကလာဟိုးမား၊ အလာစကာနဲ့ ဂျော်ဂျီယာတို့အပါအဝင် ပြည်နယ်တစ်ချို့ရဲ့ အုပ်ချုပ်ရေးမှူးတွေကတော့ ရွေ့လျားသွားလာမှုကန့်သတ်ချက်တစ်ချို့ကို သောကြာနေ့ကနေ စတင်လျှော့ချပေးမယ်လို့ ကြေငြာခဲ့ပါတယ်။​ ဂျော်ဂျီယာဟာ ကူးစက်မှုနဲ့ သေဆုံးမှုအချိုး မြင့်မားတဲ့ ပြည်နယ်တစ်ခု ဖြစ်ပါတယ်။

ကန့်သတ်မှု လျှော့ချတဲ့ အစီအစဉ်ကြောင့် ဆံပင်ညှပ်ဆိုင်၊ ကိုယ်ကာယ လေ့ကျင်ရေးစင်တာတွေ၊ ဘိုးလင်းစင်တာတွေအပါအဝင် စီးပွားရေးလုပ်ငန်းတစ်ချို့ ပြန်ဖွင့်ခွင့်ရမှာ ဖြစ်ပါတယ်။ ဒါပေမယ့် social distancing လမ်းညွှန်ချက်တွေကို ပြည့်ပြည့်၀၀ လိုက်နာရမယ်လို့လည်း တာဝန်ရှိသူတွေက ပြောကြားခဲ့ပါတယ်။

Covid-19 ပြန့်နှံ့မှုနောက်ဆက်တွဲ စီးပွားရေးလုပ်ငန်းတွေ ပိတ်ရတာကြောင့် ပြီးခဲ့တဲ့ ၅ ပတ်အတွင်း အမေရိကန်မှာ အနည်းဆုံး လူ ၂၆ သန်းလောက်ဟာ အလုပ်လက်မဲ့ထောက်ပံ့ကြေး ရယူခဲ့ကြရပါတယ်။

ကျန်းမာရေးဆိုင်ရာ ကျွမ်းကျင်သူတွေကတော့ ကန့်သတ်မှုတွေကို ဒီလို စောစောစီးစီး လျှော့ချခဲ့တာနဲ့ပတ်သက်ပြီး ဝေဖန်ခဲ့သလို ဒါဟာ အန္တရာယ် အလွန်ရှိနိုင်တယ်လို့လည်း ထောက်ပြခဲ့ကြပါတယ်။

Ref: Aljazeera